Banɔkpɛkpɛ Axɔ̃ɛ 13:23 - Nyangbo New Testament

²³ Gana anyɛ alɛ yɛeshui alɛ nabhaa, Owusoso Akaa amana Yesu, anɔ gɛ ebebu alɛ asɛ kɛtɔɖɔ gɛ atɔɖɔ elu ana.

Banɔkpɛkpɛ Axɔ̃ɛ 13:23 Referans Kwoze

Kibui Bubú Kasɛ 22:16

Mɛinu Yesuɔ, gɛ ɛkpɛ mɛaxɔ̃ɛdɛ sɛ tɛ adalɛ ebui alɛ shu akɔ wɔ tɛ odi tseɖe bahameɛ. Mɛinu David yɛogu nɛ̀ Yɛeshui nɔ, nɛ̀ Kɛvɔlɔ Ɛwɔ̃ɛ gɛ kɔ tɛdadalɛɛ.”

Yuda 1:25

ishu dadalɛ, bukusi ŋaŋã, ohumi ɔkɔ Owusoso Akaa ete gɛenu anɔ gɛ ebu ulɔ, ɔgana Apalete Yesu Kristo abha, nɛ agɔ gɛ latɛ bafala petee mɛ, odenɔ otsiɛ ɔvɛnɔ tihɔɔ mɛ! Amen.

Banɔkpɛkpɛ Axɔ̃ɛ 13:32

“Butseɖe wɔnɔ Kibui Gbangbã, kɛgɛ Owusoso Akaa atɔɖɔ elu akɔ bɔlɔ akaa alɛ

Romanɛ 1:3

nɛ Yɛeyianyɛ shu, gɛ nɛ yɛ anɔdzyrame mɛ tɛzazã ulũɔ, David yɛeshui yɛedzi,

Yohanes 1 4:14

Kɛlɛ bɔmɔ pɛ bɔɖɔ kaɖɔ dalɛ kɛlɛ shu sɛ, Akaa yɛakpɛ Yɛeyiɛ sɛ tɛ̀ abayɛkɛ akɔ kanɔ nɔ̀ mɛ.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Petro 2 3:2

Ɛpɛ ɔsɛ nɔ bakà ebuiɛ gɛ ebuiɖɔluanɔ dadalɛ aɖɔ elù aba falanɔ nɛ̀ ɔsha gɛ bɔlɔ Apaleteɛ gɛ ebu ɔlɔ akɔ ɔlɔ ɔganà wɔnɔ banɔkpɛkpɛ nabha.

Petro 2 2:20

Onupɛ bebu tɛtsɛɖɛ mɛ ashɛ nɛ kanɔ alɛ mɛ ebui kpa bhɛbhɛtɛ shu pɛ bebetì Apalete Yesu pɛ banyana yɛ mɛ evunɔ gagalĩ pɛ bezetsodzì avɛ ɛkpã kpa gɛ ɛlɛ batɛzã mɛɛ eɖi pɛ lɛŋã alɛ abha, kidegba ɛkpã gɛ babà zanàa bazĩ ɔdɛ ɛgɛ batɛzã bafala nɔ.

Petro 2 1:11

kɛlɛ nɔbɔ mɔ tɛtsyatyanà gbangbã otsoku ɔlɔ Apalete Yesu Kristoɔ gɛ ebu ɔlɔ yɛukusi ŋaŋã tihɔɔ nɔ mɛ.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Tito 1:4

Ɛlɔkɔ asɛsɛ wɔ Tito, mɛeyianyɛ gɛ ɔkpasɛ bɔlɔ tɛyɛyɛkɛŋã mɛ, Tibhui bhuibu nɛ̀ ishu yɔyɔ de Owusoso Akaa nɛ̀ Kristo Yesu gɛenu agɛ yɛebu ɔlɔ kɔ.

Romanɛ 11:26

Klisoɔ, babà yɛkɛ akɔ Israel pete, ɔmɔ asɛ kɛfɔ̀nɔ gɛ bafɔnɔ kibuiɛ elu asɛ, “Anunɔ gɛebebu banunɔ ebede Zion, ebebu kɛtakpu makpɛ makpɛ ɔkɔ Owusoso Akaa eyinɔ nɛ Yakob yɛɔpã mɛ.

Banɔkpɛkpɛ Axɔ̃ɛ 3:26

Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”

Banɔkpɛkpɛ Axɔ̃ɛ 2:30

Pɔ edzì ebuiɖɔluanɔ gɛetì asɛ Owusoso Akaa atanà bɔdɔ̃ alɔkɔ atɔɖɔ kibui elú akɔɛ asɛ abatɔɖɔ yɛeshui teli nɛ yɛukusi kegbu nabha.

Banɔkpɛkpɛ Axɔ̃ɛ 4:12

Batɛ bamɔ anɔ yɛyɛkɛ elù nɛ̀ ɛkpã ɔgana ananà abha, ɔmɔsɛ kinyè nanà bhama kanɔ alɛ mɛ gɛ babà alɔkɔ ayɛkɛ bɔlɔ elu nɛ̀ ɛkpã nɔ.”