Banɔkpɛkpɛ Axɔ̃ɛ 13:16 - Nyangbo New Testament

¹⁶ Gɛ Paulo alɔɛtitíɛ, abhɛtɛ ahɔɛ akasɛ alɛ pɛ aɖɔ asɛ, “Wɔnɔ Israelanɛ nɛ̀ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, nɔtaatɔ̃ nɛ mɛ!

Banɔkpɛkpɛ Axɔ̃ɛ 13:16 Referans Kwoze

Banɔkpɛkpɛ Axɔ̃ɛ 12:17

Petro akasɛ alɛ ahɔɛ asɛ bataatɔ̃ kɛlɛ aɖɔ etseɖe alɛ nɛ kibuɔ gɛ Apaleteɛ ebui eyinɔ nɛ ɔɖavũɔ mɛ. Etseɖe balɛ asɛ, “Notseɖe Yakobo nɛ̀ yɛadzya alɛ nɛ kibui ɛlɛ shu kɛlɛ ashɛ avɛ ɔkɔ bhlatɔ.”

Banɔkpɛkpɛ Axɔ̃ɛ 13:26

“Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Banɔkpɛkpɛ Axɔ̃ɛ 10:2

Yɛnɛ̀ yɛɔpãa petee lɔkɔ balɛishu akɔ pɛ Owusoso Akaa kifùsisi zã alɛ mɛ. Azabhɛtɛ ɛyamɛ gbangbã ɔkɔ betsyuitsyuiɛ pɛ azã Owusoso Akaa tikukulu abha kibe nyia be.

Kibui Bubú Kasɛ 2:29

Anunɔ gɛ batɔ̃ alɛ yɛɛ, tɛ elũ kɛgɛ Ɔfɔfuĩa nɔ ɔɖɔ etseɖe baháa.

Kibui Bubú Kasɛ 2:17

Anunɔ gɛ batɔ̃ alɛ yɛ tɛ elũ ibuiɛ gɛ Ɔfɔfuĩa nɔ ɔɖɔ otseɖe bahá. Kɛlɛ anɔ gɛ aŋã abhaa, ɛbakɔɛ manà kpukpũɔ teli. Ɛbakɔɛ kɛklagbu fufuɔ tsyɛ gɛ bafɔnɔ kinye vɔvɔ atɔɖɔ kɛlɛ abha ɔplɛnɔ, kɛlɛ anunɔ gɛ ayɛkɛ kɛklagbuɔ ete yɛebeti kinyeɛ.

Kibui Bubú Kasɛ 2:11

Anunɔ gɛ batɔ̃ alɛ yɛ, tɛ elũ ibuiɛ gɛ Ɔfɔfuĩa nɔ ɔɖɔ otseɖe baháa. Kɛlɛ anɔ gɛ aŋã abhaa, butsí bhalà tɛbabhɛtɛ ibui nanà nii.

Kibui Bubú Kasɛ 2:7

Anunɔ gɛ batɔ̃ alɛ yɛ, tɛ elũ ibuiɛ gɛ Ɔfɔfuĩa nɔ ɔɖɔ otseɖe baháa. Kɛlɛ anɔ gɛ aŋã abhaa, ɛbakɔ yɛidzo yɛaŋã busiɛ gɛ ɛkɔ ɛkpã, pɛ lɛlɛ Owusoso Akaa Bɔkã mɛɛ.

Banɔkpɛkpɛ Axɔ̃ɛ 22:22

Banɔɛza zɛtaatɔ̃ nɛ̀ Paulo odiyinɔ kibeɛ gɛ azaɖɔ kibui ɛlɛ ɔsɛ ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ” Kɛlɛ bakpɛ ozĩ asɛ, “Nɔgbã yɛɔkpɛ nɛ kesiakpa nabha mɔ! Agɛ shɔnɔ asɛ azã nɛ̀ ɛkpã!”

Banɔkpɛkpɛ Axɔ̃ɛ 21:40

Gɛ keyuiza otugbà anɔ nɔ̀ akɔ yɛidzo ebekeɛ, Paulo alɔɛtití nɛ kedulũ okpó nabha pɛ akasɛ banunɔ ahɔɛ asɛ tɛ̀ bataatɔ̃. Gɛ balɛ nyɔ̃ɔ ataatɔ̃ ebekeɛ, aɖɔaɖɔ akɔ alɛ nɛ Aramaik buluhũ mɛ asɛ.

Banɔkpɛkpɛ Axɔ̃ɛ 19:33

Yudanɛ etii Aleksandro avɛnɔ otugbà, kɛlɛ banunɔ gɛ ebeshogòɔ teli akpɛ ozĩ nɛ yɛabha pɛ bakasɛ yɛ kɛgɛ kɛlɛ ɔsɛ abhɛtɛɛ. Akasɛ balɛ ahɔɛ asɛ tɛ̀ bataatɔ̃ tɛ̀ amɔ kidzo ebú yɛishu ulũ nɛ banunɔ amɛ.

Banɔkpɛkpɛ Axɔ̃ɛ 13:46

Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Banɔkpɛkpɛ Axɔ̃ɛ 10:35

pɔ ayɛkɛ banɔ edenɔ kɛmadi ka nyia ka mɛ gɛ esì yɛifu pɛ abhɛtɛ kɛgɛ ɛlɛ kɛlɛ ɔzãkɔ.

Banɔkpɛkpɛ Axɔ̃ɛ 3:12

Gɛ Petro amɔ kibui ɛlɛ, ebisi balɛ asɛ, “Israelanɛ, kiɖe sopɛ kibui ɛlɛ bhɛtɛ wɔnɔɛ bi ana? Kiɖe sopɛ noyelè bɔlɔ ana asɛ onupɛ bɔlɔ ahɔɛ ohumi alo Owusoso Akaa mɛ tɛzazã so pɛ kɛkpatà ɛlɛ gã dza?”

Banɔkpɛkpɛ Axɔ̃ɛ 2:22

“Israelanɛ, nɔtaatɔ̃ tɛ noɔlũ kibui ɛlɛ, Yesu Nazareteyiɛ enu anɔ gɛ Owusoso Akaa alɔkɔ akpɛ ahɔɛ akɔ wɔnɔ ɔsɛ tɛ̀ abhɛtɛ atsyindzye ebui, ebui gɛ labhɛtɛ kibì, tɛ̀ ebù ebui akasɛ, ebui alɛ enu ebui gɛ Owusoso Akaa abhɛtɛ nɛ wɔnɔɛshi ɔgana yɛabha asɛ gɛ nonyi ana.

Banɔkpɛkpɛ Axɔ̃ɛ 2:14

Petro nɛ̀ yɛɔhayɛ lɔfɔ nɛ̀ toliɛ alɔɛtití pɛ aɖɔaɖɔ etseɖe banɔɛza asɛ, “Mɛɔhayɛ Yudanɛ nɛ̀ wɔnɔ bagɛ alɛ Yerusalemuɔ petee, nɔkɔ mɛibu ebui alɛ esi ɔkɔ wɔnɔ, nɔtaatɔ tɛ̀ nolũ kɛgɛ ɛbaɖɔ tseɖe wɔnɔ piapii.