Banɔkpɛkpɛ Axɔ̃ɛ 13:13 - Nyangbo New Testament

¹³ Gɛ balɔ ede Pafoɔ, Paulo nɛ̀ yɛɔhayɛ eku kelĩabha ohu avɛ Perge nɛ Pamfilia bɔdɔ̃ mɛ, ɛkɛlɛ Yohanes Marko xɔnɔ ashɛ ayɔlɔ balɛ pɛ etsyina avɛ Yerusalem.

Banɔkpɛkpɛ Axɔ̃ɛ 13:13 Referans Kwoze

Banɔkpɛkpɛ Axɔ̃ɛ 15:38

Pɔ kigiku Paulo xɔnɔ awã ana, ɔmɔsɛ atɛ shɛnɛ ɔhɔɛ nɛ balɛ ishu elu eɖi nɛ Pamfilia kɛlɛ, agavɛ ɛlɛ abha awɔa axɔ̃ɛ nɛ alɛ.

Banɔkpɛkpɛ Axɔ̃ɛ 27:5

Gɛ bɔgã tsakɛ aƒuɔ gɛ akpasɛ Kilikia ogbogbò ibeɛ nɛ̀ Pamfilia nɔ̀, budizhi nɛ Mira gɛ akpasɛ Likia mɛ.

Banɔkpɛkpɛ Axɔ̃ɛ 12:12

Gɛ kibui ɛlɛ mɛ badalɛ ɔkɔɛɛ, avɛ Maria gɛenu Yohanes gɛ beekulu Markoɔ yɛeliɛ ɔpãmɛ ɛkɛlɛ gɛ̀ banɔ kpekpè teli eshogò pɛ beze kulu Owusoso Akaa.

Banɔkpɛkpɛ Axɔ̃ɛ 2:10

Frigia nɛ̀ Pamfilia, Egypte nɛ̀ Libia yɛawɔpɛ tieli gɛetso aplɛnɔ Kirene pɛ banɔ nɔ teli tsyɛ ede Roma aba,

Timoteo 2 4:11

Luka ete yɛalɛ mɛɔbha. Nɔpɛ Marko tɛ nɔgbanà yɛɔmana ɔmɔsɛ akɔ mɛ tɛpɛplɛnɔ nɛ mɛ axɔ̃ɛ wɔawɔa mɛ.

Koloseanɛ 4:10

Mɛɔhagbo Aristaxo gɛ blɔnii kpasɛ ɔɖavũɔ mɛ asɛnɛ wɔnɔ. Marko gɛenu elũdzyɔa ɔkɔ Banaba tsyɛ asɛnɛ wɔnɔ. (Nɔtɛ yɛkɛ ɔshakɔkɔ odenɔ yɛɔkɔ ɔbɔfala nɔ, kliso onupɛ aba wɔnɔ kɔɔ tɛ nɔyɛkɛ yɛ.)

Banɔkpɛkpɛ Axɔ̃ɛ 27:13

Gɛ kɛlɛɛ gidè kanɔ nɔ̀ bɔpialɛ ibeɛ kpɛ tifufù esi kɛbɔɛ ɛbɔɛ nɔ, abhɛtɛ balɛ xɔnɔ asɛ bamɔ kɛgɛ bapɛ̀ɛ nɔ̀, klisoɔ bebú ɔɖaa gɛ lɔnyanà kelĩabhaohuɔ kɛlɛ bɔgã kelĩabha kidzoɔ ɔvɛ̀ Kreta ogbogbòɔ.

Banɔkpɛkpɛ Axɔ̃ɛ 15:36

Kidegba, Paulo ebetseɖe Barnaba asɛ, “Kɔ butsyina ɔvɛ tɛ budiɖi bɔlɔ adzya alɛ nɛ ɛma mɛ gɛ bɔɖɔ Apalete nibuiɛ kana tɛ̀ buɖì kana gɛ balɛ.”