Biblia Todo Logo
Bib sou entènèt

- Piblisite -




Banɔkpɛkpɛ Axɔ̃ɛ 13:1 - Nyangbo New Testament

1 Nɛ Antioxia ɔhaa mɛɛ, bebuiɖɔluanɔ nɛ̀ badɔkasɛ teli azã ɛkɛlɛ gɛ̀ balɛenu, Barnaba, Simeon gɛ bezekulu tsyɛ asɛ Anɔtutũ, Lukio gɛede Kirene, Manahem (Anɔ gɛ banyɔnɔ aplɛnɔ ekusi Herodes Antipa) ɔlɔkɔ ɔplɛnɔ Saulo.

Gade chapit la Kopi




Banɔkpɛkpɛ Axɔ̃ɛ 13:1
34 Referans Kwoze  

Yosef Levieyi teli gɛede Kipro pɛ banɔkpɛkpɛ ekulu yɛasɛ Barnaba (kinye niesi kɛlɛinu ɔsɛ, eyi gɛ akpɛ anɔ kemi).


Paulo nɛ̀ Barnaba xɔnɔ awɔ Antioxia, ɛkɛlɛ balɛ nɛ̀ banunɔ teli azakasɛ bɔdɔ̃ pɛ bazaɖɔ Apalete nibuiɛ.


Yakobo, Petro nɛ̀ Yohanes gɛenu kibuiɛ kɛlɛ bubhi kashàa, bakɔ mɛ nɛ̀ Barnaba ahɔɛ ɔkɔ kɛdzyà bhɛbhɛtɛ nɛ kibeɛ gɛ bamɔ tibhui bhuibuɔ gɛ bakɔ mɛ. Badɛmɛ atɔɖɔ ɛlɛ abha asɛ tɛ̀ bɔvɛ bagɛ etinu Yudanɛ ɔkɔ, tɛ balɛ tsyɛ avɛ Yudanɛ ɔkɔ.


Kɛlɛ Saulo gɛ bezekulu tsyɛ asɛ Paulo gɛ Ɔfɔfuĩa Gbangbã oyukù yɛmɛ, edzu awuhũ nɛ ehuinɛ Elima yamɛ pɛ etseɖe yɛasɛ,


Yɛenu anɔ gɛ akɔ asɛ beteli edzi banɔkpɛkpɛ, tɛ beteli edzi ebuiɖɔluanɔ, beteli tɛ baɖɔ yɛebuiɛ akanà, kɛlɛ beteli tsyɛ tɛ bedzi kibuiɛ aɖɔɖɔ elete nɛ̀ kɛlɛ adɔ̃kasɛ,


Yuda nɛ̀ Sila gɛedzi ebuiɖɔluanɔ baɖɔ ebui gele alɔkɔ akpɛ badzya kemi nɛ̀ ohumi nɔ.


Banɔ dadalɛ pete asɛnɛ wɔnɔ asɛsɛ, asɛ banunɔ gɛalɛ Romanɛ Ekusi Gbagbla ɔpãmɛ ana.


Yudanɛ bhlatɔ tsyɛ azã yiede nɛ kibui ɛlɛ shu, kɛlɛ nɛ kibui ɛlɛ shuɔ bagbana Barnaba tsyɛ atsrakɛ idzo.


Pɛnɔsɛ mɛ nɛ Barnaba ete kɛlɛ sɛ tɛ̀ bɔwɔa axɔ̃ɛ tɛ̀ bɔpɛ kɛŋaŋã ɔkɔ ishuɔ dza?


Timoteo gɛ adɛ ɛxɔ̃ɛ ɛlɛ nɛ̀ mɛɛ, Lukio, Yawson nɛ̀ Sesipatro gɛ benu mɛeshopo alɛ tsyɛɛ, basɛnɛ wɔnɔ piapii.


Beyiadzɛ talɛ gɛ bakazana anyɛ azã yɛahɔɛ gɛ baɖɔ ebui elú.


Gɛ Paulo atɔɖɔ yɛhɔɛ nɛ balɛ abha koɔ, Ɔfɔfuĩa Gbangbã ɔba balɛ abha kɛlɛ baɖɔaɖɔ nɛ beluhũ vɔvɔ mɛ pɛ baɖɔ ebui elú.


Kɛgɛ babhɛtɛ kɛlɛinu ɔsɛ, basɛsɛ besheshèɛ bɔdɔ̃ ɔganà Barnaba nɛ̀ Saulo abha.


nɔtɛ lɔkɔ ebuiɖɔlu ebuiɛ wɔ ufù nɔ.


Gɛ Barnaba nɛ̀ Saulo adɛ kɛxɔ̃ɛ gɛ bakpɛ alɛ ebekeɛ, bagbana Yohanes gɛ bezekulu tsyɛ asɛ Markoɔ evunɔ edenɔ Yerusalem amana.


Nɛ kibe ɛlɛ, Saulo ezewlui akãkɔ Apaleteɛ yɛadɔkpasɛanɛ. Atɔnɔ banɔlũazazã gbagbla avɛ


Anyɛ ka nyia ka gɛ adã bɔdɔ̃ nɛ kɛtakpu flogo pɛ ekulu Owusoso Akaa alo aɖɔ ebui elúɔ, atɛ yɛ kɛtakpuɔ gɛinu Kristoɔ elu esi.


Onupɛ kibuiɖɔlu kɛdɔ̃ kɔkɔ gɛbalà ebui kpukpũ nɛ bubutì ebui bukasɛ lɛ mɛahɔɛ, kɛlɛ tɛyɛyɛkɛŋã gɛbalà betu akpa ebu lɛ mɛahɔɛ, pɛ tɛdɛdɛmɛ nɔ ma mɛahɔɛ elo, itinu kɛdɔ̃ nanà.


Tɛdɛdɛmɛ nɔ tɛ wɔɛ anɔ. Pɔ ɛkɛlɛ gɛ ebuiɖɔlu ebuiɛ alɛ, alɛ ulũ bafala, ɛkɛlɛ gɛ beluhũ vɔvɔ huhu alɛɛ, alɛ ulũ bazɔkɔ yɔlɔ, ɛkɛlɛ gɛ kibuititì tsyɛ lɛɛ, kɛlɛ ulũ bafala.


Ebuiɖɔluanɛ asɛ taabha alo tata baɖɔaɖɔ, kɛlɛ tɛ̀ bagɔgɔ banyɔ kibuiɛ gɛ kɛlɛ yɛaɖɔ shu piapii.


Ebuiɖɔluanɛ ɔfɔfuĩa nɔ ɔkpasɛ ebuiɖɔluanɛ niesi.


Swiv nou:

Piblisite


Piblisite