Banɔkpɛkpɛ Axɔ̃ɛ 12:9 - Nyangbo New Testament

⁹ Petro azã yiede ekoeyì nɛ ɔɖavũɔ mɛ, pɔ egitì asɛ̀ kɛgɛ axɔ̃ɛdɛ aabhɛtɛ nu kibui gbã, ezeɖi asɛ bɔlala mɛ ebui yɛamɔ anà.

Banɔkpɛkpɛ Axɔ̃ɛ 12:9 Referans Kwoze

Hebrianɛ 11:8

Tɛyɛyɛkɛŋã kɔ ɔsɛ gɛ betseɖe Abraham asɛ ashɛ avɛ esiakpa bhlatɔ abha tɛ kebe dzi yɛayɛ idegbaa, elũ atɔ̃, kɛlɛ avɛ, gɛ etinyi ɛkɛlɛ gɛ avɛ kura tsyɛ flogo.

Banɔkpɛkpɛ Axɔ̃ɛ 26:19

“Kliso nɔ̀, Ekusi Agripa, ɛgɛ gagalĩ batɔ̃mɛ nɛ kibuiɛ gɛ bebu akasɛ mɛ odenɔ kititíɛ shu.

Banɔkpɛkpɛ Axɔ̃ɛ 10:3

Kiwui tinikpo asɛ kemuze ɔɖatàta tɛtà mɛ anaa, bebu kibui tili akasɛ yɛ. Amɔ Owusoso Akaa axɔ̃ɛdɛ teli gɛ aba yɛɔkɔ pɛ ebetseɖe yɛasɛ, “Kornelio!”

Banɔkpɛkpɛ Axɔ̃ɛ 11:5

“Ɛzã Yopa ɔma mɛ pɛ izikulu Owusoso Akaa, kɛlɛ asɛ taɖamɛ anaa, ɛmɔ tibubu kasɛ. Ɛmɔ kɛdɔ̃ tilì gɛiyì kɛpɔtɛ gbagbla tili gɛ kizhi odenɔ kititiɛ ɔganà kɛlɛ batɔ̃ talɛ̃ mɛ, kɛlɛ kizhi ba ɛkɛlɛ gɛ ɛzãa.

Banɔkpɛkpɛ Axɔ̃ɛ 10:17

Kibeɛ gɛ bɔlala lɛ zɛbhɛtɛ Petro ibiɛ, banunɔ gɛ Kornelio akpɛ adɛmɔ ɛkɛlɛ gɛ Simon bɔpãa lɛ kɛlɛ bawɔeli kedulũɔ.

Banɔkpɛkpɛ Axɔ̃ɛ 9:10

Nɛ Damasko ɔma mɛɛ, adɔkpasɛnɛ teli azã ɛkɛlɛ gɛ bezekulu yɛasɛ Anania. Apaleteɛ ebu yɛishu akasi nɛ bɔlala mɛ asɛ, “Anania!” Adɛmɛ akɔɛ asɛ, “Apalete, mɛ nɛ alɛ.”

Banɔkpɛkpɛ Axɔ̃ɛ 12:8

Kɛlɛ axɔ̃ɛdɛ etseɖe yɛasɛ, “Lɔkɔ wɔ̀ bɔdɔ̃ kpɛkpɛ nɛ̀ ɔtsɛɖɛkɔlɔ ɔkpɛ.” Kɛlɛ Petro abhɛtɛ ana. Eze tseɖe yɛasɛ, “Lɔkɔ wɔakpɛkpɛ dzloloɔ ɔplɛnɔ wɔshu tɛ̀ ɔtɔnɔ mɛ.”