Banɔkpɛkpɛ Axɔ̃ɛ 12:17 - Nyangbo New Testament

¹⁷ Petro akasɛ alɛ ahɔɛ asɛ bataatɔ̃ kɛlɛ aɖɔ etseɖe alɛ nɛ kibuɔ gɛ Apaleteɛ ebui eyinɔ nɛ ɔɖavũɔ mɛ. Etseɖe balɛ asɛ, “Notseɖe Yakobo nɛ̀ yɛadzya alɛ nɛ kibui ɛlɛ shu kɛlɛ ashɛ avɛ ɔkɔ bhlatɔ.”

Banɔkpɛkpɛ Axɔ̃ɛ 12:17 Referans Kwoze

Banɔkpɛkpɛ Axɔ̃ɛ 21:40

Gɛ keyuiza otugbà anɔ nɔ̀ akɔ yɛidzo ebekeɛ, Paulo alɔɛtití nɛ kedulũ okpó nabha pɛ akasɛ banunɔ ahɔɛ asɛ tɛ̀ bataatɔ̃. Gɛ balɛ nyɔ̃ɔ ataatɔ̃ ebekeɛ, aɖɔaɖɔ akɔ alɛ nɛ Aramaik buluhũ mɛ asɛ.

Banɔkpɛkpɛ Axɔ̃ɛ 19:33

Yudanɛ etii Aleksandro avɛnɔ otugbà, kɛlɛ banunɔ gɛ ebeshogòɔ teli akpɛ ozĩ nɛ yɛabha pɛ bakasɛ yɛ kɛgɛ kɛlɛ ɔsɛ abhɛtɛɛ. Akasɛ balɛ ahɔɛ asɛ tɛ̀ bataatɔ̃ tɛ̀ amɔ kidzo ebú yɛishu ulũ nɛ banunɔ amɛ.

Banɔkpɛkpɛ Axɔ̃ɛ 13:16

Gɛ Paulo alɔɛtitíɛ, abhɛtɛ ahɔɛ akasɛ alɛ pɛ aɖɔ asɛ, “Wɔnɔ Israelanɛ nɛ̀ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, nɔtaatɔ̃ nɛ mɛ!

Banɔkpɛkpɛ Axɔ̃ɛ 21:18

Gɛ keliɛ azaa, Paulo nɛ̀ bɔlɔ banɔ gɔgɔɛ nɔ vɛ diɖi Yakobo, kɛlɛ ɔhamɛ besheshèɛ petee azã ɛkɛlɛ.

Banɔkpɛkpɛ Axɔ̃ɛ 15:13

Gɛ bebhui balɛ kaɖɔɔ, Yakobo tsyɛ aɖɔaɖɔ asɛ, “Mɛadzya alɛ mɔ, nɔtatɔ̃ nɛ mɛ.

Galatianɛ 2:12

Flogo tɛ banyɛ teli ebede Yakobo ɔkɔ abaa, azaŋã bɔdɔ̃ nɛ̀ bagɛ etinu Yudanɛ. Pɔ gɛ bebekuɔ, akpà kide yi pɛ ebu yɛishu ɔtɔ nɛ bagɛ etinu Yudanɛ shu, ɔmɔsɛ kifu ziyi yɛ nɛ̀ bagɛ azã kɛhɔ̃a bhui bhui kɛzaa mɛ.

Galatianɛ 2:9

Yakobo, Petro nɛ̀ Yohanes gɛenu kibuiɛ kɛlɛ bubhi kashàa, bakɔ mɛ nɛ̀ Barnaba ahɔɛ ɔkɔ kɛdzyà bhɛbhɛtɛ nɛ kibeɛ gɛ bamɔ tibhui bhuibuɔ gɛ bakɔ mɛ. Badɛmɛ atɔɖɔ ɛlɛ abha asɛ tɛ̀ bɔvɛ bagɛ etinu Yudanɛ ɔkɔ, tɛ balɛ tsyɛ avɛ Yudanɛ ɔkɔ.

Galatianɛ 1:19

Ɛgɛ mɔ banɔkpɛkpɛ alɛ mɛ anɔ nanà—ɔdɛ Yakobo ete, gɛenu Apaleteɛ yɛadzya.

Korintoanɛ 1 15:7

Kɛlɛ ebu yɛishu akasɛ Yakobo, nɛ̀ banɔkpɛkpɛ petee,

Yakobo 1:1

Keplukpa alɛ kede mɛ Yakobo, Owusoso Akaa nɛ̀ Apalete Yesu Kristo yɛaxɔ̃ɛdɛ ɔkɔ. Ɛfɔnɔ alɛ sɛsɛ egbogbo lɔfɔ nɛ̀ taabha gɛ apɔɛ afalanɔ pɛ bakpasɛ ɛmadi bhlatɔ mɛ. Nɔyɛkɛ mɛ ɔsɛsɛnɔo.

Banɔkpɛkpɛ Axɔ̃ɛ 16:40

Gɛ Paulo nɛ̀ Sila ekoeyì nɛ ɔɖavũɔ mɛɛ, bavɛ Lidia bɔpã mɛ ɛkɛlɛ badɛtsyɔa nɛ̀ ɔhaa kɛlɛ bakpɛ balɛ kemi. Kɛlɛ bashɛ.

Banɔkpɛkpɛ Axɔ̃ɛ 1:15

Nɛ ewui alɛ mɛɛ, Petro alɔɛtití nɛ bayɛyɛkɛŋã nɛishi (gɛ balɛ kɛzaa tɛkaklà mɛ bazã asɛ banɔ kɛkpã zɛzɛ̃ nɛ̀ afɛtaabha ana)

Banɔkpɛkpɛ Axɔ̃ɛ 12:16

Pɔ Petro azã kedulũɔ pɛ ezebho opupuɔ, kɛlɛ gɛ badalɛ ɔlɛ pɛ bamɔɛ, kɛbhɛtɛ balɛ ibi popopo.

Banɔkpɛkpɛ Axɔ̃ɛ 12:18

Gɛ keliɛ azaa, kawlɔ̃akɛ azã buyuadɛdɛ nɛishi nɛ kɛgɛ ba ɛlɛ mɛ̀ nɛ Petroɔ shu.

Banɔkpɛkpɛ Axɔ̃ɛ 28:15

Badzya nɛ ɛkɛlɛ etilũ asɛ bɔɔbà, kliso baba tsyana ɔlɔ avɛnɔ ɔkɔ dzlolo gɛonu Apio kedziɛ mɛ nɛ̀ beefù ɔtsɛkɔ. Gɛ Paulo anyamɔ banyɛ alɛ koɔ kɛlɛ ehu Owusoso Akaa nɛahɔɛ pɛ kemikpɛkpɛ eku yɛ mɛ.