Banɔkpɛkpɛ Axɔ̃ɛ 12:12 - Nyangbo New Testament

¹² Gɛ kibui ɛlɛ mɛ badalɛ ɔkɔɛɛ, avɛ Maria gɛenu Yohanes gɛ beekulu Markoɔ yɛeliɛ ɔpãmɛ ɛkɛlɛ gɛ̀ banɔ kpekpè teli eshogò pɛ beze kulu Owusoso Akaa.

Banɔkpɛkpɛ Axɔ̃ɛ 12:12 Referans Kwoze

Banɔkpɛkpɛ Axɔ̃ɛ 12:5

Kliso Petro azã ɔɖavũɔ mɛ, pɔ ɔhaa ezekulu Owusoso Akaa nɛ yɛtakpu gagalĩi nɛ̀ awuhũdzadzã.

Filimon 1:24

Kidzo ɛlɛ nabha Marko, Aristaxo Dema nɛ̀ Luka gɛenu mɛ ɔhagbo axɔ̃ɛwɔa tsyɛ asɛnɛ wɔ.

Banɔkpɛkpɛ Axɔ̃ɛ 13:5

Gɛ bediku Salamiɛ, baɖɔ Owusoso Akaa nibuiɛ nɛ Yudanɛ ɛtsyɔakɔ. Yohanes Marko azã balɛ ɔbha pɛ azaplɛnɔ alɛ.

Banɔkpɛkpɛ Axɔ̃ɛ 12:25

Gɛ Barnaba nɛ̀ Saulo adɛ kɛxɔ̃ɛ gɛ bakpɛ alɛ ebekeɛ, bagbana Yohanes gɛ bezekulu tsyɛ asɛ Markoɔ evunɔ edenɔ Yerusalem amana.

Timoteo 2 4:11

Luka ete yɛalɛ mɛɔbha. Nɔpɛ Marko tɛ nɔgbanà yɛɔmana ɔmɔsɛ akɔ mɛ tɛpɛplɛnɔ nɛ mɛ axɔ̃ɛ wɔawɔa mɛ.

Koloseanɛ 4:10

Mɛɔhagbo Aristaxo gɛ blɔnii kpasɛ ɔɖavũɔ mɛ asɛnɛ wɔnɔ. Marko gɛenu elũdzyɔa ɔkɔ Banaba tsyɛ asɛnɛ wɔnɔ. (Nɔtɛ yɛkɛ ɔshakɔkɔ odenɔ yɛɔkɔ ɔbɔfala nɔ, kliso onupɛ aba wɔnɔ kɔɔ tɛ nɔyɛkɛ yɛ.)

Banɔkpɛkpɛ Axɔ̃ɛ 13:13

Gɛ balɔ ede Pafoɔ, Paulo nɛ̀ yɛɔhayɛ eku kelĩabha ohu avɛ Perge nɛ Pamfilia bɔdɔ̃ mɛ, ɛkɛlɛ Yohanes Marko xɔnɔ ashɛ ayɔlɔ balɛ pɛ etsyina avɛ Yerusalem.

Banɔkpɛkpɛ Axɔ̃ɛ 16:40

Gɛ Paulo nɛ̀ Sila ekoeyì nɛ ɔɖavũɔ mɛɛ, bavɛ Lidia bɔpã mɛ ɛkɛlɛ badɛtsyɔa nɛ̀ ɔhaa kɛlɛ bakpɛ balɛ kemi. Kɛlɛ bashɛ.

Banɔkpɛkpɛ Axɔ̃ɛ 4:23

Gɛ bashɛnɛ ahɔɛ nɛ Petro nɛ̀ Yohanes shu koɔ, betsyina aba balɛ ɔhayɛ nɛishi kɛlɛ badɛkɔ balɛ tititì nɛ kɛgɛ banɔlũazazã gbagbla, nɛ̀ besheshèɛ etseɖe balɛ shu.

Petro 1 5:13

Ɔhaa gɛ ɔlɛ Babilonia pɛ bebu aplɛnɔ wɔnɔ tsyɛ asɛnɛ wɔnɔ, kana mɛeyianyɛ Marko tsyɛ asɛnɔ wɔnɔ.