Banɔkpɛkpɛ Axɔ̃ɛ 11:26 - Nyangbo New Testament

²⁶ kɛlɛ gɛ adɛmɔɛ, agbani amana Antioxia. Nɛ kɛgɔ zɛzɛ petee mɛ̀, Barnaba nɛ̀ Saulo atsyɔa nɛ̀ ɛháa pɛ bazakasɛ banɔ kpekpè teli bɔdɔ̃. Antioxia ɔha mɛ beputɔ ekulu badɔkpasɛanɛ asɛ Kristoanɛ.

Banɔkpɛkpɛ Axɔ̃ɛ 11:26 Referans Kwoze

Petro 1 4:16

Klisoɔ, onupɛ nɔmɔ bɔtɔ asɛ Kristoeyi ana, nɔ tɛkɔ kiwũi yi wɔnɔ, pɔ nɔkpɛ Owusoso Akaa nɛinye nɛitití sɛ nɔyɛkɛ kinye ɛlɛ nɛidi.

Banɔkpɛkpɛ Axɔ̃ɛ 26:28

Kɛlɛ Agripa ebisi Paulo asɛ, “Ɔyɛkɛ ɔŋã asɛ nɛ kibè gulũi ɛlɛ mɛɛ, ɔbɔlàwɔɛ mɛulũ pɛ ɛbàdzi Kristoeyi dza?”

Yohanes 1 2:27

Wɔnɔ xɔnɔɔ, bɔbɔ sasara gɛ nɔyɛkɛ odenɔ yɛ mɛɛ kakpasɛ wɔnɔ mɛ. Nɔgɛ pɛ ananà tɛ akasɛ wɔnɔ ɔdɔ̃. Pɔ gɛ yɛɔbɔ sasara kasɛ wɔnɔ bɔdɔ̃ nɛ ebuiɛ petee shu pɛ butinu asɛnɛ bɔdɔ̃ kakasɛɛ, bɔdɔ̃ gɛ bɔbɔ sasara kasɛ wɔnɔɔ, nɔzã yɛ mɛ ana.

Petro 1 4:14

Onupɛ bakwala ɔnɔ nɛ Kristo yɛtakpù tsyɛ elo, beyulà akɔ ɔnɔ, ɔmɔsɛ ishu dadalɛ Ɔfɔfuĩa nɛ̀ Owusoso Akaa otsiɖì wɔnɔ abha.

Efesoanɛ 3:15

ganà anɔ nɔ̀ gɛ yɛabha yɛeshopo alɛ petee, nɛititíɛ nɛ̀ kesiakpa ayɛkɛ balɛ inyeɛ.

Korintoanɛ 1 14:23

Kliso onupɛ ɔhaa petee ebeshogòɔ pɛ aka nyia aka ehu beluhũvɔvɔ, pɛ bagɛ betielũ kɛlɛ esiɛ, alo pɛ bagɛ agɛ yɛkɛŋãa teli ebekoeyìɛ pɔ, batɛ baɖɔ sɛ nɔmà piapii dza?

Korintoanɛ 1 12:12

Ishupiɛ ɛlɛ tinikpo, pɔ babhɛtɛ ɔlɛ akpɛ bɔwɔ̃pɛ ediedi mɛ, kɛlɛ gɛ bɔlɛ bɔwɔ̃pɛ gelee mɛ tsyɛ elo, bunu ishupi tunikpo. Kana kɛlɛ nɛ Kristo mɛ.

Korintoanɛ 1 11:18

Putɔ nɔɔ, ilũ ɔsɛ onupɛ nɔba oshogò asɛ ɔhaa ana, ɔtɔbubú ɔkpasɛ wɔnɔɛishi, kɛlɛ nɛ ebuiteli shu soɔ, ɛyɛkɛ kɛlɛ abha ŋã.

Korintoanɛ 1 4:17

Nɛ kibui ɛlɛ shuɔ ɛsɛsɛ Timoteo nɛ wɔnɔ ɔkɔ, mɛ eyianyɛ gɛ ɛdɛmɛ nɔ, anɔ gɛ abhɛtɛ kibui gɛlɛ ɛlɛ ɔzãkɔ nɛ Apaleteɛ mɛ. Yɛaba abaka wɔnɔ nɛ kɛzã gɛ ɛzã nɛkpã nɛ Kristo Yesu mɛ, gɛ kɛshɔnɔ kɛgɛ ɛkasɛ wɔnɔ nɛ ɔkɔ nyia ɔkɔ nɛ ɔhaa ka nyia ka mɛ.

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Kibui Bubú Kasɛ 3:18

Ihu uluhũ kɔ wɔ ɔsɛ tɛ odzi sikã gɛ bewoese nɛ ifu mɛɛ, sɛ tɛ ɔlà otsyina odzi ehoeyielete. Dzi apɔtɛ fufu tɛ ɔdã, tɛ ɔlɔkɔ obu wɔ ɛdɔ̃ makpɛ makpɛ iwuĩ nɔ nɛishu, nɛ̀ awuhũ bɔwa tɛ ɔkpɛ nɛ awuhũɔ mɛ tɛ ɔzɔmɔ piapii.

Banɔkpɛkpɛ Axɔ̃ɛ 14:23

Paulo nɛ̀ Barnaba edzu ɔhamɛ besheshè akɔ alɛ nɛ ɔha ka nyia ka mɛ, kɛlɛ nɛ Owusoso Akaa tikukulu nɛ̀ olugbũnyanyã mɛɛ, balɔkɔ balɛ akpɛ ahɔɛ akɔ Apaleteɛ gɛ yɛabha bayɛkɛ aŋãa.

Banɔkpɛkpɛ Axɔ̃ɛ 11:27

Nɛ kibe ɛlɛ, bebuiɖɔluanɔ teli ede Yerusalem aba Antioxia.

Banɔkpɛkpɛ Axɔ̃ɛ 11:22

Kibui ɛlɛ baku ɔhaa gɛ̀ lɔlɛ̀ Yerusalemuɔ atɔ̃mɛ, kɛlɛ basɛsɛ Barnaba nɛ Antioxia.

Banɔkpɛkpɛ Axɔ̃ɛ 11:20

Beteli nɛ balɛ mɛ, banɔ gɛede Kipro nɛ̀ Kirene, bavɛ Antioxia pɛ badaaɖɔ kibuiɛ etseɖe Helanɛ tsyɛ, betseɖe balɛ kibui gbangbã nɛ Apalete Yesu shu.

Banɔkpɛkpɛ Axɔ̃ɛ 6:5

Kɛzaa pete adɛmɛ atɔɖɔ kibui ɛlɛ gɛ bakpɛ amana nabha. Bebu Stefano, anɔ gɛ tɛyɛyɛkɛŋã nɛ̀ Ɔfɔfuĩa Gbangbã oyuku yɛ mɛ nɛ̀ Filipo, Prokoro, Nikanora, Timona, Parmena nɛ̀ Nikanao, anɔ gɛ akpɛ takpu esi akɔ ibudi pɛ ebetsyina edzi Yudaeyi gɛ ede Antioxia.

Banɔkpɛkpɛ Axɔ̃ɛ 1:15

Nɛ ewui alɛ mɛɛ, Petro alɔɛtití nɛ bayɛyɛkɛŋã nɛishi (gɛ balɛ kɛzaa tɛkaklà mɛ bazã asɛ banɔ kɛkpã zɛzɛ̃ nɛ̀ afɛtaabha ana)

Banɔkpɛkpɛ Axɔ̃ɛ 6:1

Nɛ ewui alɛ mɛ, gɛ badɔkpasɛanɛ tɛkaklà mɛ zikpè tɔɖɔɔ, Helanɛ gɛenu Yudanɛ gɛazã balɛishiɛ bazakpamɛ ishu nɛ Hebrianɛ gɛenu Yudanɛ shu, ɔmɔsɛ beebhui Helanɛ bavɛvɛ edzyini alɛ bho kibe nyia be nɛ bɔŋaŋã tibubú ɔkɔ alɛ mɛ.

Banɔkpɛkpɛ Axɔ̃ɛ 9:19

kɛlɛ gɛ bakɔɛ kɛdɔ̃ tili yɛaŋã ebekeɛ, azamɔ yɛohumi nɔ. Saulo azã aplɛnɔ badɔkpasɛanɛ nɛ Damasko ewui gelee.

Banɔkpɛkpɛ Axɔ̃ɛ 9:38

Lida ɔmãa otsò ɔplɛnɔ Yopa, kliso gɛ badɔkpasɛanɛ elũ asɛ Petro azã Lida ɔmãmɛɛ, bakpɛ banɔ taabha nɛ yiede tɛ̀ betseɖe yɛasɛ, “Budzu kɛtakpu esi kɔ wɔ, ba tsĩɔɔ ɔlɛ!”

Banɔkpɛkpɛ Axɔ̃ɛ 11:29

Kliso badɔkpasɛanɛ asɛ kana gɛ balɛ ɔmayɛmɛ aka nyia aka abalà akɔ̀, batɔɖɔ ɛlɛ asɛ babàkɔ ɔhamɛanɛ gɛ̀ balɛ̀ Yudea dɔ mɛ tɛpɛplɛnɔ.

Banɔkpɛkpɛ Axɔ̃ɛ 14:20

Pɔ kidegba gɛ badɔkpasɛnɛ ebeshogo nɛishuɔ, alɔ kɛlɛ etsyina avɛ ɔmamɛ. Gɛ keli azaa, yɛ nɛ̀ Barnaba abashɛ avɛ Derbe.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Banɔkpɛkpɛ Axɔ̃ɛ 14:28

Kɛlɛ bazã ɛkɛlɛ nɛ̀ badɔkpasɛanɛ kibè dzlolo.

Banɔkpɛkpɛ Axɔ̃ɛ 18:27

Kibeɛ gɛ Apolo apɛ asɛ tɛ̀ avɛ Axaya, badzya akpɛ yiemi kɛlɛ bafɔnɔ keplukpa asɛsɛ badɔkpasɛnɛ nɛ ɛkɛlɛ asɛ tɛ̀ bayɛkii. Gɛ avɛ edikuɔ, edidzì apɛplɛnɔ akɔ bagɛ bebhui balɛ ebú pɛ bayɛkɛ aŋãa.

Banɔkpɛkpɛ Axɔ̃ɛ 19:9

Pɔ balɛ banɔ nɔ teli atɔmɛ agagalĩ, bagɛ pɛ asɛ ayɛkɛ aŋã kɛlɛ baɖɔaɖɔ kpa nɛ Yɛedzoɔ shu. Kliso Paulo ashɛ ayɔlɔ alɛ pɛ agbana badɔkpasɛanɛ aplɛnɔ yɛishu pɛ yɛnɛ alɛ bazapɔɛ ebui mɛ nɛ̀ bagɔlɔ mɛ kibe nyia be nɛ Tirano bɔdɔ̃kakasɛ buvũɔ mɛ.

Banɔkpɛkpɛ Axɔ̃ɛ 20:1

Gɛ ozĩ kpɛkpɛ ebuiɛ abafala, Paulo akpɛ banɔ nɛ badɔkpasɛanɛ ɔkɔ, kɛlɛ gɛ akpɛ balɛ kemì ebekeɛ, ebisi kidzo pɛ ashɛ avɛ Makedonia.

Banɔkpɛkpɛ Axɔ̃ɛ 20:30

Nɛ wɔnɔ mɛ tsyɛɛ, banɔ abalɔ́ pɛ babàsɛ asɛnɛ tɛ̀ badɔkpasɛanɛ etsyina tɔnɔ alɛ.

Banɔkpɛkpɛ Axɔ̃ɛ 21:4

Gɛ bɔmɔ badɔkpasɛanɛ teli nɛ ɛkɛlɛ soɔ, bɔzã balɛ ɔbha ewui tegegene. Gana Ɔfɔfuĩa nɔ mɛɛ, betseɖe Paulo asɛ atɛvɛ Yerusalemuɔ.

Yakobo 2:7

Anɛ ehoeyielete alɛ balɛ ebu olugbũ mɛ nɛinye gbangbã gɛ nɔyɛkɛ odenɔ Yesu ede zazã mɛ mɔɔ dza?