Banɔkpɛkpɛ Axɔ̃ɛ 11:20 - Nyangbo New Testament

²⁰ Beteli nɛ balɛ mɛ, banɔ gɛede Kipro nɛ̀ Kirene, bavɛ Antioxia pɛ badaaɖɔ kibuiɛ etseɖe Helanɛ tsyɛ, betseɖe balɛ kibui gbangbã nɛ Apalete Yesu shu.

Banɔkpɛkpɛ Axɔ̃ɛ 11:20 Referans Kwoze

Banɔkpɛkpɛ Axɔ̃ɛ 13:1

Nɛ Antioxia ɔhaa mɛɛ, bebuiɖɔluanɔ nɛ̀ badɔkasɛ teli azã ɛkɛlɛ gɛ̀ balɛenu, Barnaba, Simeon gɛ bezekulu tsyɛ asɛ Anɔtutũ, Lukio gɛede Kirene, Manahem (Anɔ gɛ banyɔnɔ aplɛnɔ ekusi Herodes Antipa) ɔlɔkɔ ɔplɛnɔ Saulo.

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Banɔkpɛkpɛ Axɔ̃ɛ 6:9

Pɔ kititì lɔlɔ babá, odenɔ ɔtsyɔakɔ banunɔ gɛ bamɔ ishuahɔɛmɛ zazãa, (asɛ gɛ beekulu alɛ ana) gɛenu Yudanɛ gɛede Kirene nɛ̀ Aleksandro, kɛlɛ beteli tsyɛ ede Kilikia nɛ̀ Asia bɔdɔ̃ mɛ. Banɔ alɛ akpà ebui wlɔakɛ nɛ̀ Stefano,

Banɔkpɛkpɛ Axɔ̃ɛ 2:10

Frigia nɛ̀ Pamfilia, Egypte nɛ̀ Libia yɛawɔpɛ tieli gɛetso aplɛnɔ Kirene pɛ banɔ nɔ teli tsyɛ ede Roma aba,

Korintoanɛ 1 2:2

Ɔmɔsɛ gɛzã wɔnɔ ɛshiɛ, ɛbhɛtɛ mɛishu asɛ itinyí kɛnanà ɔdɛ Yesu Kristo, nɛ̀ kana gɛ bakpalà yɛ nɛ butsi osiɛ shu.

Banɔkpɛkpɛ Axɔ̃ɛ 17:18

Epikoroanɛ teli gɛ beshogò ishu ɔplɛnɔ Stoanɛ teli gɛenu bebutìnɛ abakpà kibui wlɔãkɛ nɛ̀ Paulo. Balɛ mɛ beteli ezebisi yɛasɛ, “Kinuvɔ ibui ɖuwoe idi yɛaɖɔ ana?” Bagɔgɔɔ tsyɛ aɖɔ asɛ, “Abhɛtɛ asɛ aɖɔaɖɔ tɛ alɔkɔ ebu amadi bhlatɔ ibudi ulũ nɔ.” Baɖɔ kibui ɛlɛ ɔmɔsɛ Paulo azaɖɔ kibui gbangbã nɛ Yesu shu, nɛ̀ tɛlɔlɔ odenɔ bekpuɔ mɛ shu.

Banɔkpɛkpɛ Axɔ̃ɛ 9:29

Aɖɔ kaɖɔ alɔkɔ apɔ̃ɛ ebui mɛ nɛ̀ Yudanɛ gɛenu Helanɛ, pɔ bapɛ asɛ tɛ beyii.

Banɔkpɛkpɛ Axɔ̃ɛ 9:20

Odunu ɔlɛ koɔ, Saulo akpɛ bɔdɔ̃ kakasɛ esi nɛ ɛtsyɔakɔ asɛ Yesu yɛenu Owusoso Akaa Yɛeyiɛ.

Banɔkpɛkpɛ Axɔ̃ɛ 8:35

Kɛlɛ Filipo akpɛ esi edenɔ yɛibuiɛ gɛ akalà nabha kɛlɛ etseɖe Yesu shu kibui gbangbã.

Banɔkpɛkpɛ Axɔ̃ɛ 8:5

Filipo ediku ɔma toli mɛ̀ nɛ Samaria pɛ aɖɔ Kristo shu kibuiɛ etseɖe alɛ nɛ ɛkɛlɛ.

Banɔkpɛkpɛ Axɔ̃ɛ 5:42

Keliza, elizaa mɛɛ, banɔkpɛkpɛ azã bɔdɔ̃ kakasɛ nabha nɛ akaavũɔ shu, nɛ̀ odenɔ bɔpã mɛ ɔvɛnɔ bɔpã mɛ, kɛlɛ bagɛ zɔkɔ yɔlɔ nɛ̀ balɛ bɔdɔ̃ kakasɛ nɛ̀ kibui gbangbã tɛɖɔɖɔ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 4:36

Yosef Levieyi teli gɛede Kipro pɛ banɔkpɛkpɛ ekulu yɛasɛ Barnaba (kinye niesi kɛlɛinu ɔsɛ, eyi gɛ akpɛ anɔ kemi).

Banɔkpɛkpɛ Axɔ̃ɛ 6:1

Nɛ ewui alɛ mɛ, gɛ badɔkpasɛanɛ tɛkaklà mɛ zikpè tɔɖɔɔ, Helanɛ gɛenu Yudanɛ gɛazã balɛishiɛ bazakpamɛ ishu nɛ Hebrianɛ gɛenu Yudanɛ shu, ɔmɔsɛ beebhui Helanɛ bavɛvɛ edzyini alɛ bho kibe nyia be nɛ bɔŋaŋã tibubú ɔkɔ alɛ mɛ.

Banɔkpɛkpɛ Axɔ̃ɛ 6:5

Kɛzaa pete adɛmɛ atɔɖɔ kibui ɛlɛ gɛ bakpɛ amana nabha. Bebu Stefano, anɔ gɛ tɛyɛyɛkɛŋã nɛ̀ Ɔfɔfuĩa Gbangbã oyuku yɛ mɛ nɛ̀ Filipo, Prokoro, Nikanora, Timona, Parmena nɛ̀ Nikanao, anɔ gɛ akpɛ takpu esi akɔ ibudi pɛ ebetsyina edzi Yudaeyi gɛ ede Antioxia.

Banɔkpɛkpɛ Axɔ̃ɛ 11:19

Banunɔ gɛ bapɔ̃ɛ alɛ mɛ akanà ɔganà balɛ ede tɛtɔtɔnɔ gɛkpà ɔplɛnɔ Stefano yɛ tiyiyiɛ, bagã kidzo avɛnɔ idzlolo ɔkɔ asɛ Foenisia ana, Kipro nɛ̀ Antoxia pɛ badaaɖɔ Kibui Gbangbã eetseɖe Yudanɛ ete.

Banɔkpɛkpɛ Axɔ̃ɛ 11:22

Kibui ɛlɛ baku ɔhaa gɛ̀ lɔlɛ̀ Yerusalemuɔ atɔ̃mɛ, kɛlɛ basɛsɛ Barnaba nɛ Antioxia.

Banɔkpɛkpɛ Axɔ̃ɛ 11:26

kɛlɛ gɛ adɛmɔɛ, agbani amana Antioxia. Nɛ kɛgɔ zɛzɛ petee mɛ̀, Barnaba nɛ̀ Saulo atsyɔa nɛ̀ ɛháa pɛ bazakasɛ banɔ kpekpè teli bɔdɔ̃. Antioxia ɔha mɛ beputɔ ekulu badɔkpasɛanɛ asɛ Kristoanɛ.

Banɔkpɛkpɛ Axɔ̃ɛ 11:27

Nɛ kibe ɛlɛ, bebuiɖɔluanɔ teli ede Yerusalem aba Antioxia.

Banɔkpɛkpɛ Axɔ̃ɛ 14:26

Denɔ Atalia nɔ beku kelĩ abhaohu nɛ ɛkɛlɛ pɛ bebeyì nɛ Antioxia. Nɛ ɛkɛlɛ, balɔkɔ balɛishu adɛ akpɛ ahɔɛ akɔ Owusoso Akaa nɛ kɛxɔ̃ɛ gɛ ebhui alɛ ebu bawɔa ebekeɛ shu.

Banɔkpɛkpɛ Axɔ̃ɛ 15:22

Kɛlɛ banɔkpɛkpɛ nɛ̀ beshesheɛ ɔlɔkɔ ɔplɛnɔ ɔhaa petee adɛmɛ asɛ bebebu balɛ ahɔɛmɛ banɔ teli nɛ kɛzaa mɛ aplɛnɔ Paulo nɛ̀ Barnaba tɛ basɛsɛ alɛ nɛ Antioxia. Banunɔ gɛ bebuɔ balɛ enu, Yuda, (gɛbekulu tsyɛ asɛ Barsaba) nɛ̀ Sila, banɔ taabha alɛ enu otugbà banɔ nɛ ɔhaa nɛishi.

Banɔkpɛkpɛ Axɔ̃ɛ 15:23

Keplukpa gɛ bafɔnɔ akpɛ balɛ ahɔɛ mɛ ebuiɛ alɛ enu asɛ, Bɔlɔ banɔkpɛkpɛ nɛ̀ beshesheɛ gɛenu wɔnɔ adzya alɛ, Bɔfɔnɔ keplukpa alɛ ɔsɛsɛ bagɛ etinu Yudanɛ nɛ Antioxia, Siria nɛ̀ Kilikia nɔ, Bɔsɛnɛ wɔnɔ.

Banɔkpɛkpɛ Axɔ̃ɛ 15:30

Bakpɛ banɔ nɔ nɛidzo pɛ bashɛ avɛ Antioxia. Ɛkɛlɛ, bedishogò ɔha pɛ balɔkɔ keplukpa akɔ alɛ.

Banɔkpɛkpɛ Axɔ̃ɛ 18:22

Kibeɛ gɛ ediku Kaisarea nɔ, ewu avɛ adɛ sɛnɔ ɔhaa, kɛlɛ ezhi avɛ Antioxia.

Galatianɛ 2:11

Kibeɛ gɛ Petro aba Antioxia nɔ, mɛ Paulo ɛgɛ dɛmɛ tɔɖɔ yɛebui bhɛbhɛtɛ abha nɛ yamɛ, ɔmɔsɛ ata esi.