Banɔkpɛkpɛ Axɔ̃ɛ 11:18 - Nyangbo New Testament

¹⁸ Gɛ belũ kibui ɛlɛɛ, ananà egefekè kibui nanà, pɔ bakpɛ Owusoso Akaa nɛinye nɛitití pɛ baɖɔ asɛ, “Kɛlɛ́ otsiɛnɔ, Owusoso Akaa akɔ bagɛ̀ betinu Yudanɛ tsyɛ etumɛ tsyitsyina tɛ bamɔ ɛkpã.”

Banɔkpɛkpɛ Axɔ̃ɛ 11:18 Referans Kwoze

Korintoanɛ 2 7:10

Ɔwɔ̃nyɔnɔ mɔmɔ gɛode Owusoso Akaa mɛɛ, lɔmana kitú mɛ tsyitsyina gɛ gbana anɔ ɔkpɛ kɛtɔwui bubu mɛ gɛ kitinu kibui gɛ dɛ mɛulũ, pɔ kanɔ mɛ ɔwɔ̃nyɔnɔ xɔnɔ lɔmana butsí.

Banɔkpɛkpɛ Axɔ̃ɛ 20:21

Ɛdalɛ kɛlɛ mɛ ɔkɔ Yudanɛ nɛ̀ Helanɛ ɔsɛ tɛ betsyina atɔnɔ Owusoso Akaa nɛ̀ balɛ etúɔ tɛ̀ bayɛkɛ Apalete Yesu abha aŋã.

Banɔkpɛkpɛ Axɔ̃ɛ 5:31

Owusoso Akaa akpii nɛitití pɛ alɔkɔɛ edzu yɛŋã mɛ asɛ Ekusi nɛ̀ anɔ gɛ ebe Bhui banɔ ebù asɛ tɛ akɔ Israelanɛ etsyina etúɔ mɛ, tɛ balɔkɔ balɛ ebui kpa etsye alɛ.

Korintoanɛ 2 3:18

Kɛlɛ bɔlɔ gɛ bagɛ tɔɖɔ kɛpɔtɛ nɛ bɔlɔ amɛ butsé nɛ̀ Apaleteɛ tɛdadalɛ, betsyina bɔlɔ akpɛ yɛ tɛzazã mɛ, nɛ̀ tɛdadalɛ gɛikpè tɔɖɔ, gɛide Apaleteɛ ɔkɔ, anɔ gɛenu Ɔfɔfuĩa nɔ ɔkɔɔ.

Banɔkpɛkpɛ Axɔ̃ɛ 21:20

Gɛ belũ kibui ɛlɛ, bakpɛ Owusoso Akaa nɛinyè nɛitití. Kɛlɛ betseɖe Paulo asɛ, “Madzya, ɖi Yudanɛ ihotu tɛshɛ nɔnɔ gɛ bayɛkɛ aŋã pɛ banyana ɔsha mɛ evunɔɔ.

Banɔkpɛkpɛ Axɔ̃ɛ 3:26

Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”

Galatianɛ 1:24

Kɛlɛ bakpɛ Owusoso Akaa nɛinye nɛitití nɛ mɛtakpu.

Romanɛ 9:30

Kiɖuwoe lu bɔbaɖɔ? Gɛ bagɛ betinu Yudanɛ agɛ tɔnɔ tɛzazã piapii ede tsyɛ elo, bamɔ tɛzazã piapii ɔgana tɛyɛyɛkɛŋã mɛ,

Banɔkpɛkpɛ Axɔ̃ɛ 15:3

Ɔhaa abakpɛ balɛidzo, kɛlɛ gɛ bagã kidzoɔ afala nɛ Foenisia nɛ̀ Samaria nɔ, betseɖe alɛ kana gɛ bagɛ etinu Yudanɛ tsyɛ etsyina balɛ etúɔ mɛ. Kibui ɛlɛ kɔ bayɛyɛkɛŋã amɔ same popopo.

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Banɔkpɛkpɛ Axɔ̃ɛ 11:1

Banɔkpɛkpɛ nɛ̀ bagɛ ayɛkɛ aŋã nɛ Yudea bɔdɔ̃ mɛ pete ebelũ asɛ bagɛ betinu Yudanɛ tsyɛ ayɛkɛ Owusoso Akaa nɛibuiɛ.

Banɔkpɛkpɛ Axɔ̃ɛ 3:19

Klisoɔ, notsyina etúɔ mɛ, tɛ notsyina ɔvɛ Owusoso Akaa ɔkɔ ɔsɛ tɛ beplu wɔnɔ ebui kpa, ɔmɔsɛ kibe ɛlɛ ɛkpã vɔvɔ titsyitsyina badɛ Apaleteɛ ɔkɔ ɔba.