Banɔkpɛkpɛ Axɔ̃ɛ 10:43 - Nyangbo New Testament

⁴³ Bebuiɖɔluanɛ pete aɖɔ nɛishu asɛ, anɔ ka nyia ka gɛ ayɛkɛ yɛabha ŋãa, babàlɔkɔ yɛ ebui kpa etsye yɛ gana yɛinye mɛ.”

Banɔkpɛkpɛ Axɔ̃ɛ 10:43 Referans Kwoze

Banɔkpɛkpɛ Axɔ̃ɛ 2:38

Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.

Romanɛ 10:11

Owusoso Akaa nɛibuiɛ ɖɔ ɔsɛ, “Anɔ ka nyia ka gɛ ayɛkɛ yɛabha aŋãa, kiwuĩ tɛbabà yɛabha oɖi ɖa.”

Petro 1 1:11

gɛ baapɛ asɛ tɛ̀ betì kibeɛ nɛ̀ ebui nɔnɔ gɛ alɛishu Yesu Ɔfɔfuĩa nɔ gɛ ɔkpasɛ alɛ mɛ ɔzɔ ɖɔaɖɔ, aɖɔ Yesu bɔtɔ mɔmɔ akpɛ otugbà elu, nɛ̀ tɛdadalɛ gɛ babà nɛ̀ kɛlɛ idegbaa.

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Romanɛ 8:34

Afana gɛ yɛebu kɛpɔ? Kristo Yesu, anunɔ gɛ yɛetsíɛ, kɛgɛ plɛnɔ ɔdɛɛ yɛenu anunɔ gɛ befeke edenɔ bekpu mɛ pɛ alɛ nɛ ɛkpã, adɛzã Owusoso Akaa nɛ̀ ɛŋã mɛ, kɛlɛ akɔ yɛtakpu tsyɛ nɛ bɔlɔ lũ.

Banɔkpɛkpɛ Axɔ̃ɛ 26:22

Pɔ Owusoso Akaa aplɛnɔ mɛ, oboyinɔ obo kiwui ɛlɛ abha, kliso ɛlɔɛtití nɛ ɛkɛlɛ pɛ ɛdalɛ ebui mɛ ɔkɔ bunɔ bhlui bhlui nɛ̀ behohoeɛ petee shɔshɔɛ. Ɛtɛɛɖɔ kibui nanà falanɔ kɛgɛ ebuiɖɔluanɛ nɛ̀ Mose aɖɔ elúɔ asɛ kɛbàba ɛlɛ mɛ shu,

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Banɔkpɛkpɛ Axɔ̃ɛ 15:9

Egibu ɔtɔ nanà nɛ bɔlɔ nɛ̀ balɛishi, pɔ adalɛ balɛ etúɔ mɛ ɔgana tɛyɛyɛkɛŋã mɛ.

Banɔkpɛkpɛ Axɔ̃ɛ 3:16

Ɔgana Yesu yɛinye nabha tɛyɛyɛkɛŋã mɛɛ, bakɔ anyɛ alɛ gɛ nonyi pɛ nɔmɔ amɔ ishumɛ gagalĩ. Yesu yɛinyeɛ nɛ̀ yɛabha tɛyɛyɛkɛŋã gɛide koeyi nɛ yɛ mɛɛ, kɛlɛ kɔ anyɛ alɛ ishumɛ gagalĩ kɔɛ asɛ gɛ wɔnɔ petee ɔmɔ ana.

Kibui Bubú Kasɛ 19:10

Nɛ yɛibui ɛlɛ shuɔ, idzu ekluisi esi sɛ tɛ mɛkpɛ ɛtakpu esi kɔɛ, pɔ etseɖe mɛasɛ, “Tɛbhɛtɛ ibui ɛlɛ! Wɔhagbo axɔ̃ɛdɛ mɛinu plɛnɔ wɔ, ɔlɔkɔ ɔplɛnɔ wɔadzya alɛ gɛ baɖɔaɖɔ adalɛ Yesu shuɔ. Kpɛ ɛtakpu esi ɔkɔ Owusoso Akaa! Ɔmɔsɛ ebuiɛ gɛ baɖɔ adalɛ Yesu shuɔ alɛ enu ɔfɔfuĩa mɛ ebui gɛ baɖɔ eluɔ.”

Galatianɛ 3:22

Kibuiɛ gɛ bafɔnɔ eluɔ mɛ dalɛ ɔsɛ, kanɔ nɔ̀ petee alɛ kibui kpa bhɛbhɛtɛ ohumi esi, ɔsɛ tɛ tɛtɔtɔɖɔ luɔ gɛ kpa plɛnɔ Yesu Kristo abha tɛyɛyɛkɛŋã mɛ, dzì bagɛ ayɛkɛ yɛabha ŋã nɛdɔ̃.

Hebrianɛ 13:20

Tɛ ishu yɔyɔeleteɛ gɛenu Owusoso Akaa, anunɔ gɛ gana olugbũ nyanyã tihɔɔ dzyosu alɛ mɛ, pɛ akɔ Apalete Yesu alɔ ede bekpu mɛ, gɛ yɛenu Ibhoshi agbagbanaelete gbagblaa,

Koloseanɛ 1:14

anɔ gɛ yɛmɛ bebu ɔlɔ pɛ balɔkɔ ɔlɔ ebui kpa etsye ɔlɔ.

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Romanɛ 6:23

Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Banɔkpɛkpɛ Axɔ̃ɛ 3:18

Pɔ, kana Owusoso Akaa abhɛtɛ kɛgɛ aɖɔ elúɔ ɔgana yɛebuiɖɔluanɔ nabha gɛ aɖɔ asɛ, yɛ Kristoɔ abamɔ bɔtɔ.

Romanɛ 3:21

Owusoso Akaa ebu akasɛ ɔlɔ otsi alɛ nɛ kɛlɔkɔ gɛ balɔkɔ anɔ teli asɛ enu anɔ gbangbã, gɛ anɛ ɔsha mɛ kide ba. Ɔsha nɛ̀ Ebuiɖɔluanɛ adalɛ kɛlɛishu.