Banɔkpɛkpɛ Axɔ̃ɛ 10:42 - Nyangbo New Testament

⁴² Akpɛ ɔlɔ asɛ bɔɖɔ Kibui Gbangbã tseɖe banunɔ, tɛ̀ bɔkɔ beti asɛ yɛenu anunɔ gɛ Owusoso Akaa asara bɔbɔ akɔ asɛ tɛ ekulu kebhu nɛ̀ benunuɔ nɛ̀ betsitsíɛ petee.

Banɔkpɛkpɛ Axɔ̃ɛ 10:42 Referans Kwoze

Korintoanɛ 2 5:10

Ɔmɔsɛ kɛlɛ sɛ bɔlɔ petee ba Kristo kebhu kuklu kegbu namɛ, sɛ tɛ aka nyia aka ayɛkɛ kɛgɛ kɛlɛ sɛ bakɔɛ, nɛ̀ kɛgɛ yɛabhɛtɛ kibeɛ gɛ azã ishudzya mɛ, onupɛ kinu kibui gbangbã pɛnɔsɛ kibui kpa tsyɛ.

Petro 1 4:5

Pɔ babà bhɛtɛ̀ akɔnta akɔ anunɔ gɛ abalɛ̀ eli akɔ kebhu kukulu nɛ̀ benunuɔ nɛ̀ bagɛ etsitsíɛ tsyɛ.

Timoteo 2 4:1

Nɛ Owusoso Akaa nɛ̀ Kristo Yesu amɛɛ, anunɔ gɛ yɛebè kulu kebhu nɛ̀ bagɛ alɛ nɛkpã nɛ betsitsiɛ, kɛlɛ nɛ yɛ tɛbaba nɛ yɛikusi ɔŋãkɔɔ, ɛkɔ wɔ ɔsha ɔlɛ sɛ,

Banɔkpɛkpɛ Axɔ̃ɛ 17:31

Ɔmɔsɛ atɔɖɔ kiwuiɛ gɛ ebekulu kebhu nɛ̀ kanɔ nɔ̀ mɛ petee nɛ̀ kebhuɔ gɛ kalɛ alɛ ɔzãkɔ ɔgana anunɔ gɛ yɛabha yɛatɔɖɔ ahɔɛ. Ebu kibui ɛlɛ akasɛ banunɔ petee ɔgana yɛ tifefeke odenɔ bekpuɔ mɛ shu.”

Kibui Bubú Kasɛ 22:12

“Noɖio, ɛɛba otsiɛ tsĩɔɔ! Ivũnɔ kɛbhɛ gɛ ɛbabuia nɔ, kɛlɛ ɛbakɔ anɔ ka nyia ka nɛ kɛbhɛtɛ gɛ abhɛtɛ nulũ.

Banɔkpɛkpɛ Axɔ̃ɛ 1:2

flogo tɛ bebe feke yɛ ewunu avɛnɔ kititíɛ, akɔ banunɔ gɛ ebú asɛ yɛanɔkpɛkpɛ akɔ ɔsha ɔgana Ɔfɔfuĩa gbangbã mɛ.

Kibui Bubú Kasɛ 1:7

Noɖio abà nɛ̀ ɔmɔlɔ̃, kɛlɛ kiwuhũ ka nyia ka bamɔɛ, bagɛ bashɔɛ nɛ̀ bɔɖadɔ̃ tsyɛ abamɔɛ, yɛ soɔ, kanɔmanɛ pete abamɔ̃ ɔwɔ̃nyɔnɔ. Kana kɛbàba ɛlɛ mɛ! Amen.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Banɔkpɛkpɛ Axɔ̃ɛ 5:20

Etseɖe balɛ asɛ, “Nɔvɛ ɔdɛ lɔ kititì nɛ Owusoso Akaavũɔ shu tɛ̀ nɔɖɔ ɛkpã vɔvɔ ɛlɛ shu ebui otseɖe banunɔ.”

Banɔkpɛkpɛ Axɔ̃ɛ 1:8

Onupɛ Ɔfɔfuĩa gbangbã ɔba wɔnɔ abhaa, nɔbɔ yɛkɛ ohumi, kɛlɛ nobo dzi banɔ gɛ nɔbɔ mɔ ebui alɛ ɔɖɔ nɛ mɛishu nɛ Yerusalem nɛ̀ Yudea petee ɔvɛnɔ Samaria ɔdɛtɔ̃ kanɔ nɔ̀ ɔtɔ̃kɔ.”

Banɔkpɛkpɛ Axɔ̃ɛ 24:25

Kibeɛ gɛ Paulo azaɖɔaɖɔ nɛ ishu dadalɛ, ishu abha ŋaŋã nɛ̀ kebhu kukuluɔ gɛ abaa, kifù yi Felike kɛlɛ abaɖɔ asɛ, “Abɔ otsiɛ gbɔ! Ɔbɔlà ɔshɛ. Onupɛ ɛbamɔ kibè tsyɛ ɛbà kpɛ banɔ nɛ wɔkɔ.”

Romanɛ 2:16

Kɛbàba kɛlɛ mɛ nɛ kiwui nabha gɛ Owusoso Akaa ebekulu ebhu nɛ banɔdzyrame ebui kpukpũɔ, ɔgana Yesu Kristo abha asɛ ɛɖɔɔ gɛ mɛibui gbangbã ɖɔ luɔ ana.