Banɔkpɛkpɛ Axɔ̃ɛ 10:36 - Nyangbo New Testament

³⁶ Nonyi kibuiɛ gɛ Owusoso Akaa asɛsɛ Israelanɛ, asɛ tɛ baɖɔ ishu yɔyɔ kibui gbangbã ɔgana Yesu Kristo abha gɛenu Apalete akɔ kɛka nyia ka.

Banɔkpɛkpɛ Axɔ̃ɛ 10:36 Referans Kwoze

Banɔkpɛkpɛ Axɔ̃ɛ 2:36

“Kliso kɔ Israelanɛ beti kɛlɛ piapii asɛ, Owusoso Akaa abhɛtɛ Yesu alɛ̀ gɛ nɔkpalà nɛ butsi osiɛ shu yɛedzi Apalete nɛ̀ Kristo.”

Kibui Bubú Kasɛ 17:14

Babà lɔkɔ eyu nɛ Obhoshieyiɛ shu, pɔ Obhoshieyiɛ abaŋã alɛ abha, ɔmɔsɛ yɛenu Apalete akɔ bapaleteɛ nɛ̀ Ekusi akɔ bekusiɛ-bagɛ babà plɛni yɛɛ, balɛ enu bagɛ ekuluɔ, bagɛ ebuɔ nɛ̀ bagɛ ayɛkɛ yɛabha aŋãa.”

Kibui Bubú Kasɛ 1:18

Mɛinu Enunuɔ, ititsí bafalanɔ, pɔ otsi alɛ ɛlɛ nɛ ɛkpã tihɔ, tihɔ! Kɛlɛ butsí nɛ̀ bekpu ipupukɔɔ lɛ mɛahɔɛ.

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Korintoanɛ 1 15:27

Ɔmɔsɛ “atɛkpɛ kɛka nyia ka nɛ yɛtsɛɖɛ esi.” Otsiɛnɔ onupɛ kibuiɛ ɖɔ sɛ bakpɛ “kɛka nyia ka” nɛ yɛesiɛ, kɛlɛ, kɛlɛ mɛ dalɛ ɔsɛ Owusoso Akaa gɛ akpɛ kɛka nyia ka nɛ Kristo esiɛ ama kɛlɛ mɛ.

Kibui Bubú Kasɛ 19:16

Bafɔnɔ kinye ɛlɛ nɛ yɛakpɛkpɛ dzlolo nɛ̀ ɛtsrɛta nabha asɛ, BEKUSI ABHA EKUSI NƐ̀ BAPALETE ABHA APALETE.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Hebrianɛ 13:20

Tɛ ishu yɔyɔeleteɛ gɛenu Owusoso Akaa, anunɔ gɛ gana olugbũ nyanyã tihɔɔ dzyosu alɛ mɛ, pɛ akɔ Apalete Yesu alɔ ede bekpu mɛ, gɛ yɛenu Ibhoshi agbagbanaelete gbagblaa,

Filipianɛ 2:11

kɛlɛ kineke ka nyia ka dalɛ kɛlɛ mɛ ɔsɛ Yesu Kristo yɛenu Apaleteɛ, ɔkɔ Owusoso Akaa gɛenu Akaa shu tɛdadalɛ.

Korintoanɛ 1 15:47

Anyɛ gɛiputɔ edzì osubhududu odenɔ kesiakpa mɛ, kɛlɛ anyɛ abhalà ede kititì aba.

Romanɛ 14:9

Kɛlɛ̀ nɛ̀ ɛtakpu so ko pɛ gɛ Kristo etsíɛ, alɔ pɛ alɛ nɛ ɛkpã sɛ tɛ edzi Apalete akɔ bavɛvɛ nɛ̀ bagɛ alɛ nɛ ɛkpãa.

Banɔkpɛkpɛ Axɔ̃ɛ 13:46

Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Banɔkpɛkpɛ Axɔ̃ɛ 13:32

“Butseɖe wɔnɔ Kibui Gbangbã, kɛgɛ Owusoso Akaa atɔɖɔ elu akɔ bɔlɔ akaa alɛ

Banɔkpɛkpɛ Axɔ̃ɛ 11:19

Banunɔ gɛ bapɔ̃ɛ alɛ mɛ akanà ɔganà balɛ ede tɛtɔtɔnɔ gɛkpà ɔplɛnɔ Stefano yɛ tiyiyiɛ, bagã kidzo avɛnɔ idzlolo ɔkɔ asɛ Foenisia ana, Kipro nɛ̀ Antoxia pɛ badaaɖɔ Kibui Gbangbã eetseɖe Yudanɛ ete.

Banɔkpɛkpɛ Axɔ̃ɛ 5:31

Owusoso Akaa akpii nɛitití pɛ alɔkɔɛ edzu yɛŋã mɛ asɛ Ekusi nɛ̀ anɔ gɛ ebe Bhui banɔ ebù asɛ tɛ akɔ Israelanɛ etsyina etúɔ mɛ, tɛ balɔkɔ balɛ ebui kpa etsye alɛ.

Hebrianɛ 1:2

pɔ nɛ ewui gɔgɔ̃ɛ alɛ mɛɛ, aaɖɔaɖɔ akɔ ɔlɔ ɔgãna Yɛeyi nabha, anunɔ gɛ alɔkɔ edzu yɛaŋãsi mɛɔdɔ̃ nulũ, kɛlɛ yɛabha yɛagã abhɛtɛ kanɔ nɔ̀ mɛ.

Koloseanɛ 1:20

kɛlɛ ɔganà yɛabha tɛ̀ abhɛtɛ̀ yɛishu tenikpo nɛ̀ bɔdɔ̃ petee, edzì asɛ kesiakpa abha ɔdɔ̃ alo kititi ɔyɛ tsyɛ elo, tɛ̀ abhɛtɛ tenikpo ɔganà yɛ dzyosu nɔ gɛ babalɛ̀ nɛ butsi osiɛ shuɔ mɛ.

Banɔkpɛkpɛ Axɔ̃ɛ 10:37

Nonyi kɛgɛ ba ɛlɛ mɛ nɛ Yudea petee, bakpɛ kɛlɛ esi odenɔ Galilea, nɛ bulĩkpɛkpɛ kibui gbangbã gɛ Yohanes aaɖɔ niede,

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,