Banɔkpɛkpɛ Axɔ̃ɛ 10:22 - Nyangbo New Testament

²² Banyɛ ebuiliulũ asɛ, “Bude Keyuiza otugbànɔ Kornelio ɔkɔ. Enu anɔ gɛ yɛishu dalɛ pɛ esi Owusoso Akaa nɛifù, anɔ gɛ Yudanɛ petee adɛmɛ yɛibui. Axɔ̃ɛdɛ dadalɛ teli etseɖe yɛasɛ akɔ wɔba yɛɔpã mɛ tɛ̀ ebelũ wɔebuiɛ gɛ ɔpɛ ɔsɛ tɛ̀ ɔɖɔ otseɖe yɛ.”

Banɔkpɛkpɛ Axɔ̃ɛ 10:22 Referans Kwoze

Banɔkpɛkpɛ Axɔ̃ɛ 11:14

Abà mana wɔ ɔklasɔ̃, kɛlɛ gana ɔlɛ mɛɛ, wɔ nɛ̀ wɔpãa bɔmɔ ɛkpã.’

Banɔkpɛkpɛ Axɔ̃ɛ 10:2

Yɛnɛ̀ yɛɔpãa petee lɔkɔ balɛishu akɔ pɛ Owusoso Akaa kifùsisi zã alɛ mɛ. Azabhɛtɛ ɛyamɛ gbangbã ɔkɔ betsyuitsyuiɛ pɛ azã Owusoso Akaa tikukulu abha kibe nyia be.

Yohanes 3 1:12

Anɔ ka nyia ka aɖɔ ebui gbangbã nɛ Demetrio shu, kibuiɛ tsyɛ ɖɔaɖɔ gbangbã nɛishu ana. Bɔlɔ tsyɛ ɖɔaɖɔ gbangbã nɛ yɛishu, kɛlɛ nɔonyi ɔsɛ bɔlɔ kibuiɛ gɛ bɔɖɔ dalɛ yɛishuɔ nu kibui gbã.

Petro 2 3:2

Ɛpɛ ɔsɛ nɔ bakà ebuiɛ gɛ ebuiɖɔluanɔ dadalɛ aɖɔ elù aba falanɔ nɛ̀ ɔsha gɛ bɔlɔ Apaleteɛ gɛ ebu ɔlɔ akɔ ɔlɔ ɔganà wɔnɔ banɔkpɛkpɛ nabha.

Hebrianɛ 12:23

Nɔba, wɔnɔ ɔhamɛeyi gɛ oputɔ, bagɛ alɛ enye bafɔnɔ elu nɛititíɛ. Nɔba Owusoso Akaa, gɛ yɛekulu ebhu nɛ̀ anɔ nyia anɔ, nɛ̀ banɔ gbangbã ɛfɔfuĩa nɔ gɛ babhɛtɛ piapii nɔ,

Hebrianɛ 11:2

Nɛidzo ɛlɛ nabhaa ebelianɛ nɛibui ku Owusoso Akaa awɔ̃.

Hebrianɛ 10:38

Mɛ anɔ gbangbã pɔɔ, abazã nɛ̀ ɛkpã gana tɛyɛyɛkɛŋã mɛ. Kɛlɛ etsodzi etsyina avɛ kideɛ, yɛibui zaazã mɛuli.”

Timoteo 1 3:7

Kɛlɛ sɛ edzi anɔ gɛ bagɛ ama ɔhaa mɛ tsyɛ adɛmɛ yɛibui, sɛ tɛ̀ atɛba mɔ awũi ebui, tɛ̀ ebezhieku abosam kɛgbã mɛ.

Korintoanɛ 2 5:18

Alɛ petee ede Owusoso Akaa ɔkɔ, anɔ gɛ yɛabhɛtɛ tenikpo nɛ̀ bɔlɔ ɔgana Kristo abha kɛlɛ akɔ bɔlɔ kɛxɔ̃ɛ wɔawɔa, gɛ mana tenikpo bhɛbhɛtɛ,

Romanɛ 1:17

Ɔmɔsɛ denɔ Kibui Gbangbã mɛɛ bebu kɛlɔkɔ gɛ Owusoso Akaa alɔkɔ anɔ teli asɛ enu anɔ dadalɛ, gɛ kinu tɛyɛyɛkɛŋã ibui odenɔ kesi kpɛkpɛ mɛ ɔvɛnɔ ɔtɔ̃kɔ, asɛ kɛfɔ̀nɔ gɛ bafɔnɔ ɛlɛ elu asɛ, “Anɔ dadalɛ abazã nɛ̀ ɛkpã ɔgana tɛyɛyɛkɛŋã mɛ.”

Banɔkpɛkpɛ Axɔ̃ɛ 24:15

kɛlɛ kidzo tinikpo ɛlɛ mɛ mɛtsyɛ iɖi ɔkɔ Owusoso Akaa asɛ banɔ alɛ ana, asɛ tɛlɔlɔ odenɔ bekpùmɛ alɛ akɔ banɔ dadalɛ nɛ̀ atakpu mɛ gagalĩ eleteɛ.

Banɔkpɛkpɛ Axɔ̃ɛ 22:12

“Anyɛ teli gɛ bekulu asɛ Anania yɛaba ebeɖi mɛ. Edzi anɔ gɛ ezeshù ɔsha, kɛlɛ Yudanɛ petee gɛazã kɛma ɛlɛ mɛ adɛmɛ yɛibui.

Banɔkpɛkpɛ Axɔ̃ɛ 10:33

Kliso odunũ ɔlɛ koɔ kɛlɛ mɛkpɛ banɔ nɛ wuiede, kɛlɛ apɛ asɛ ɔba. Bɔlɔ pete lɛ Owusoso Akaa namɛ pɛ bɔtaatɔ̃ nɛ̀ kɛka nyia ka gɛ Apaleteɛ akpɛ wɔahɔɛ asɛ tɛ̀ otseɖe bɔlɔɔ.”

Banɔkpɛkpɛ Axɔ̃ɛ 10:6

Alɛ Simon gɛenu bagãpi axɔ̃ɛ wɔawɔa eleteɛ nɔpãmɛ, anɔ gɛ yɛɔpã lɛ aƒuɔ shuɔ.”

Banɔkpɛkpɛ Axɔ̃ɛ 6:3

Kliso, mɛadzya alɛ mɔ, nobu banyɛ tegegene nɛ wɔnɔɛshi gɛ nonyi ɔsɛ, Ɔfɔfuĩa Gbangbã nɛ̀ bubutì kpasɛ alɛ mɛ, bɔbà lɔkɔ kɛxɔ̃ɛ ɛlɛ kpɛ ahɔɛ ɔkɔ alɛ

Banɔkpɛkpɛ Axɔ̃ɛ 10:21

Petro ezhi avɛ banunɔ ɔbha kɛlɛ editseɖe balɛ asɛ, “Mɛinu anunɔ gɛ nɔpɛ nɔ. Kiɖuwoe sopɛ nɔba?”

Banɔkpɛkpɛ Axɔ̃ɛ 10:30

Kornelio ebuiliulũ asɛ, “Ewui talɛ ede nɛ alɛ gɛizi kulu kitití ayɛ nɛ mɛɔpã mɛ, nɛ kemuze ɔɖa tatá tɛta mɛ. Nɛ matì matì mɛɛ, ɛmɔ anyɛ teli nɛ bɔdɔ̃ kpɛkpɛ gitséɛ mɛ gɛ eli kititì nɛ mɛotugbà.

Kibui Bubú Kasɛ 14:10

anɔ alɛ tsyɛ abawɔ̃ɛ Owusoso Akaa ɔmɔpɔɛ wain gɛ bakɔ akpɛ nɛ̀ ohumi pɛ keyi pɔɛ nɛ ɔmɔpɔɛ kayintse nɔ mɛ. Babàwɔa anɔ alɛ ɔnyɔnyɔ̃ nɛ kifu aklagbuɔ, nɛ baxɔ̃ɛdɛ dadalɛ nɛ̀ Obhoshieyi namɛ.