Banɔkpɛkpɛ Axɔ̃ɛ 10:2 - Nyangbo New Testament

² Yɛnɛ̀ yɛɔpãa petee lɔkɔ balɛishu akɔ pɛ Owusoso Akaa kifùsisi zã alɛ mɛ. Azabhɛtɛ ɛyamɛ gbangbã ɔkɔ betsyuitsyuiɛ pɛ azã Owusoso Akaa tikukulu abha kibe nyia be.

Banɔkpɛkpɛ Axɔ̃ɛ 10:2 Referans Kwoze

Banɔkpɛkpɛ Axɔ̃ɛ 10:4

Kornelio akpɛ awɔ̃ eɖi axɔ̃ɛdɛ nɛ kifu sisi mɛ pɛ ebisi yɛasɛ, “Apalete, kibui ɖuwoe?” Axɔ̃ɛdɛ ebuiliulũ akɔɛ yɛasɛ, “Kikuluɔ gɛ okulu Owusoso Akaa nɛ̀ kana gɛ ɔkɔ betsyuitsyuiɛ bɔdɔ̃ɔ bayì nɛ Owusoso Akaa namɛ kɛlɛ kiku yɛawɔ̃.

Banɔkpɛkpɛ Axɔ̃ɛ 10:22

Banyɛ ebuiliulũ asɛ, “Bude Keyuiza otugbànɔ Kornelio ɔkɔ. Enu anɔ gɛ yɛishu dalɛ pɛ esi Owusoso Akaa nɛifù, anɔ gɛ Yudanɛ petee adɛmɛ yɛibui. Axɔ̃ɛdɛ dadalɛ teli etseɖe yɛasɛ akɔ wɔba yɛɔpã mɛ tɛ̀ ebelũ wɔebuiɛ gɛ ɔpɛ ɔsɛ tɛ̀ ɔɖɔ otseɖe yɛ.”

Banɔkpɛkpɛ Axɔ̃ɛ 13:16

Gɛ Paulo alɔɛtitíɛ, abhɛtɛ ahɔɛ akasɛ alɛ pɛ aɖɔ asɛ, “Wɔnɔ Israelanɛ nɛ̀ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, nɔtaatɔ̃ nɛ mɛ!

Banɔkpɛkpɛ Axɔ̃ɛ 10:35

pɔ ayɛkɛ banɔ edenɔ kɛmadi ka nyia ka mɛ gɛ esì yɛifu pɛ abhɛtɛ kɛgɛ ɛlɛ kɛlɛ ɔzãkɔ.

Banɔkpɛkpɛ Axɔ̃ɛ 10:7

Gɛ axɔ̃ɛdɛ gɛ aɖɔaɖɔ nɛ yɛ ashɛɛ, Kornelio ekulu yɛaxɔ̃ɛdɛ taabha, nɛ̀ keyuadɛdɛ tenikpo gɛ adɛ yɛaxɔ̃ɛ, pɛ ekènu anɔ gɛ aplɛnɔ yɛ tsyɛ amana.

Banɔkpɛkpɛ Axɔ̃ɛ 8:2

Bagɛ ayɛkɛ Owusoso Akaa nabha aŋã adɛvɔbɔ Stefano pɛ bebii popopo.

Kibui Bubú Kasɛ 15:4

O Apalete, afana gɛ etibesi wɔɛfu, pɛ atɛ badalɛ wɔɛnyeɛ shu? Ɔmɔsɛ wɔ ete wonu anɔ dadalɛ. Ɛmadiɛ pete ababá abakpɛ ɛtakpu esi nɛ wɔotugbà, ɔmɔsɛ bebu wɔebui gbangbã tɛbhɛbhɛtɛ akasɛ.”

Banɔkpɛkpɛ Axɔ̃ɛ 18:8

Krispo, anɔ gɛ eɖi ɔtsyɔakɔ nabha, nɛ̀ yɛɔpã petee yɛkɛ Apalete nabha aŋã, kɛlɛ Korintoanɛ kpekpè teli gɛ belũ yɛɔdɔ ayɛkɛ aŋã kɛlɛ bakpɛ bulĩ akɔ alɛ.

Banɔkpɛkpɛ Axɔ̃ɛ 13:26

“Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Yakobo 1:5

Onupɛ bubutì ma wɔnɔ ɔmayɛmɛ teli ahɔɛɛ, ebisi Owusoso Akaa gɛ àkɔ anɔ nyɔ̃ɔ ɔdɔ̃ nɛ̀ ɛyamɛ fãa nɔ, pɛ etiɖi ibui kpa nɛ anɔ shu flogo nɔ, kɛlɛ abalɔkɔ akɔɛ.

Tesalonikanɛ 1 5:17

Nɔzã kɛlɛ abha tɛ nokulu Owusoso Akaa,

Koloseanɛ 4:2

Nɔzã ɛlɛ abha tɛ nozo kulu Owusoso Akaa, nɔzã nɛ̀ awɔ̃ tɛ̀ nɔ ozohu ahɔɛ.

Banɔkpɛkpɛ Axɔ̃ɛ 22:12

“Anyɛ teli gɛ bekulu asɛ Anania yɛaba ebeɖi mɛ. Edzi anɔ gɛ ezeshù ɔsha, kɛlɛ Yudanɛ petee gɛazã kɛma ɛlɛ mɛ adɛmɛ yɛibui.

Banɔkpɛkpɛ Axɔ̃ɛ 13:50

Pɔ Yudanɛ ezetsu kifu akpɛ badzɛ awɔpɔ̃nɔ gɛ bakpɛ kɛtakpu esi akɔ Owusoso Akaa nɛ̀ baanyɛ awɔpɔ̃nɔ teli tsyɛ nɛ ɔma. Bakɔ asɛ balɔɛtití nɛ Paulo nɛ̀ Barnaba shu kɛlɛ bakakalɛ ebu nɛ kɛma ɛlɛ mɛ.

Banɔkpɛkpɛ Axɔ̃ɛ 10:31

Kɛlɛ aɖɔ asɛ, ‘Kornelio, Owusoso Akaa elũ wɔ tikukuluɔ gɛ okulu yɛ, kɛlɛ abakà ɛyamɛ gbangbã gɛ ɔbhɛtɛ ɔkɔ betsyuitsyuiɛ.

Banɔkpɛkpɛ Axɔ̃ɛ 9:36

Nɛ Yopa ɔmamɛɛ, adɔkpasɛnɛ teli gɛ bezekulu yɛasɛ Tabita azã ɛkɛlɛ. (Nɛ Hela buluhũɔ mɛɛ, bekului asɛ Dorkas.) Tabita azabhɛtɛ ebui gbangbã pɛ alɔkɔ aplɛnɔ betsyuitsyuiɛ nɔ.

Banɔkpɛkpɛ Axɔ̃ɛ 9:31

Kɛlɛ ɔhaa petee gɛzã Yudea, Galilea nɛ̀ Samaria ɔdɔ̃ mɛɛ abamɔ ishu yɔyɔ nɛ kibè ɛlɛ. Ɔfɔfuĩa Gbangbã ɔkpɛ kemì ɔkɔ ɔhaa, kɛlɛ ɔhamɛ banunɔ ekpè atɔɖɔ kɛlɛ bazã nɛ̀ ɛkpã pɛ beesi Apaleteɛ nifù.

Banɔkpɛkpɛ Axɔ̃ɛ 9:11

Apaleteɛ etseɖe yɛasɛ, “Lɔ tɛ ɔvɛ Yuda bɔpã mɛ nɛ Tipɔɔ Tĩi nabha tɛ odibisi anyɛ teli gɛede Tarso pɛ bekulu asɛ Sauloɔ nɛtɔ, ɔmɔsɛ eekulu Owusoso Akaa.”

Banɔkpɛkpɛ Axɔ̃ɛ 2:5

Nɛ kibè ɛlɛ, Yudanɛ teli gɛ badɛmɛ nɔ nɛ̀ Owusoso Akaa bede ɛmadi ka nyia ka mɛ nɛ kesiakpa nabha abazã Yerusalem.

Banɔkpɛkpɛ Axɔ̃ɛ 11:14

Abà mana wɔ ɔklasɔ̃, kɛlɛ gana ɔlɛ mɛɛ, wɔ nɛ̀ wɔpãa bɔmɔ ɛkpã.’