Banɔkpɛkpɛ Axɔ̃ɛ 1:15 - Nyangbo New Testament

¹⁵ Nɛ ewui alɛ mɛɛ, Petro alɔɛtití nɛ bayɛyɛkɛŋã nɛishi (gɛ balɛ kɛzaa tɛkaklà mɛ bazã asɛ banɔ kɛkpã zɛzɛ̃ nɛ̀ afɛtaabha ana)

Banɔkpɛkpɛ Axɔ̃ɛ 1:15 Referans Kwoze

Korintoanɛ 1 15:6

Nɛ kɛlɛ niedeɛ, ebu yɛishu akasɛ badzya gɛ bekpè adɛ akpã teti nɛ kibè tinikpo mɛ, beeteli nɛ balɛ mɛ akalɛ nɛkpã, pɔ beteli xɔnɔ etitsí.

Kibui Bubú Kasɛ 11:13

Nɛ ɔɖa tatá ɔlɛ tututu mɛɛ, kesiakpa eshuku gagalĩ kɛlɛ ɔma ɔlɛ awɔ̃pɛ lɔfɔmiɛ ɔyɛ obho. Banɔ ihotu tigegene etsí nɛ esiakpaa tishushukùɔ mɛ. Kifu dɛ bagɛ azã nɛ ɛkpãa, kɛlɛ bakpɛ Owusoso Akaa nɛinye nɛitití.

Banɔkpɛkpɛ Axɔ̃ɛ 21:20

Gɛ belũ kibui ɛlɛ, bakpɛ Owusoso Akaa nɛinyè nɛitití. Kɛlɛ betseɖe Paulo asɛ, “Madzya, ɖi Yudanɛ ihotu tɛshɛ nɔnɔ gɛ bayɛkɛ aŋã pɛ banyana ɔsha mɛ evunɔɔ.

Kibui Bubú Kasɛ 3:4

Pɔ banɔ asasà teli alɛ Sardis, gɛ alɛ xɔ̃nɔ egi tuturu alɛ akpɛkpɛɛ. Babàzã alɛ akpɛkpɛ frɛrɛ mɛ pɛ babàgã nɛ mɛ, ɔmɔsɛ balɛ tɛzazã mɛ ku awɔ̃.

Banɔkpɛkpɛ Axɔ̃ɛ 10:23

Kliso Petro ayɛkɛ banyɛ akpɛ yɛɔpã mɛ asɛ yefù ana. Gɛ keliɛ azaa, Petro avɛ nɛ̀ balɛ, kɛlɛ badzya teli nɛ Yopa tsyɛ atɔnɔ balɛ avɛ.

Banɔkpɛkpɛ Axɔ̃ɛ 11:1

Banɔkpɛkpɛ nɛ̀ bagɛ ayɛkɛ aŋã nɛ Yudea bɔdɔ̃ mɛ pete ebelũ asɛ bagɛ betinu Yudanɛ tsyɛ ayɛkɛ Owusoso Akaa nɛibuiɛ.

Banɔkpɛkpɛ Axɔ̃ɛ 11:12

Ɔfɔfuĩa nɔ otseɖe mɛ ɔsɛ, ɛlɔ tɔnɔ̀ alɛ ɔvɛ. Badzya tehlo alɛ tsyɛ avɛ aplɛnɔ mɛ, kɛlɛ budiku anyɛ nɔpã mɛ.

Banɔkpɛkpɛ Axɔ̃ɛ 11:26

kɛlɛ gɛ adɛmɔɛ, agbani amana Antioxia. Nɛ kɛgɔ zɛzɛ petee mɛ̀, Barnaba nɛ̀ Saulo atsyɔa nɛ̀ ɛháa pɛ bazakasɛ banɔ kpekpè teli bɔdɔ̃. Antioxia ɔha mɛ beputɔ ekulu badɔkpasɛanɛ asɛ Kristoanɛ.

Banɔkpɛkpɛ Axɔ̃ɛ 11:29

Kliso badɔkpasɛanɛ asɛ kana gɛ balɛ ɔmayɛmɛ aka nyia aka abalà akɔ̀, batɔɖɔ ɛlɛ asɛ babàkɔ ɔhamɛanɛ gɛ̀ balɛ̀ Yudea dɔ mɛ tɛpɛplɛnɔ.

Banɔkpɛkpɛ Axɔ̃ɛ 12:17

Petro akasɛ alɛ ahɔɛ asɛ bataatɔ̃ kɛlɛ aɖɔ etseɖe alɛ nɛ kibuɔ gɛ Apaleteɛ ebui eyinɔ nɛ ɔɖavũɔ mɛ. Etseɖe balɛ asɛ, “Notseɖe Yakobo nɛ̀ yɛadzya alɛ nɛ kibui ɛlɛ shu kɛlɛ ashɛ avɛ ɔkɔ bhlatɔ.”

Banɔkpɛkpɛ Axɔ̃ɛ 14:2

Pɔ Yudanɛ gɛ bagɛ pɛ asɛ ayɛkɛ aŋã akpɛ ebèlà nɛ balɛishi pɛ bezĩ batɔ̃ akɔ bagɛ ayɛkɛ aŋã.

Banɔkpɛkpɛ Axɔ̃ɛ 15:1

Banyɛ teli ezhi ede Yudea aba Antioxia pɛ baba kasɛ ɔhamɛanɛ bɔdɔ̃ asɛ, “Onupɛ begibhui kɛhɔ̃a akɔ anɔ nɛ ɔkɔɔ gɛ Mose akasɛ ɔlɔ nulũɔ, atɛ bɔmɔ ɛkpã.”

Banɔkpɛkpɛ Axɔ̃ɛ 15:3

Ɔhaa abakpɛ balɛidzo, kɛlɛ gɛ bagã kidzoɔ afala nɛ Foenisia nɛ̀ Samaria nɔ, betseɖe alɛ kana gɛ bagɛ etinu Yudanɛ tsyɛ etsyina balɛ etúɔ mɛ. Kibui ɛlɛ kɔ bayɛyɛkɛŋã amɔ same popopo.

Banɔkpɛkpɛ Axɔ̃ɛ 16:2

Badzya nɛ Listra nɛ̀ Ikonio nɔ baɖɔaɖɔ gbangbã nɛ Timoteo shu.

Banɔkpɛkpɛ Axɔ̃ɛ 16:40

Gɛ Paulo nɛ̀ Sila ekoeyì nɛ ɔɖavũɔ mɛɛ, bavɛ Lidia bɔpã mɛ ɛkɛlɛ badɛtsyɔa nɛ̀ ɔhaa kɛlɛ bakpɛ balɛ kemi. Kɛlɛ bashɛ.

Banɔkpɛkpɛ Axɔ̃ɛ 17:6

Pɔ gɛ bagɛ damɔ alɛɛ, bagbana Yason nɛ̀ ɔhamɛanɛ teli amana balɛ banɔ gbagbla namɛ nɛ̀ ozĩ kpɛkpɛ asɛ, “Banyɛ alɛ gɛ bamana buluhũ nɛ kanɔ nɔ̀ petee mɛ tsyɛ atɛba ɛkɛlɛ,

Banɔkpɛkpɛ Axɔ̃ɛ 17:10

Gɛ keliɛ ebele koɔ, badzya akpɛ Paulo nɛ̀ Sila nɛ Beroea. Gɛ bediku ɛkɛlɛ, bavɛ Yudanɛ ɔtsyɔakɔ.

Banɔkpɛkpɛ Axɔ̃ɛ 17:14

Odunu ɔlɛ badzya akpɛ Paulo asɛsɛ aƒuɔ shu, pɔ Sila nɛ̀ Timoteo xɔnɔ azã Beroea.

Banɔkpɛkpɛ Axɔ̃ɛ 18:18

Paulo azã Korinto ɔdɛ nanà kibè tili. Kɛlɛ ashɛ nɛ badzya ɔbha pɛ eku kelĩabhaohu avɛ Siria gɛ agbana Priskila nɛ̀ Akwila aplɛnɔ yɛishu. Flogo tɛ̀ ebeku kelĩabhaohuɔ, akɔ batsɛ kɛtakpuɔ akɔɛ nɛ Kenxrea nɛ bɔdɔ̃ tuli gɛ atanà shu so.

Banɔkpɛkpɛ Axɔ̃ɛ 18:27

Kibeɛ gɛ Apolo apɛ asɛ tɛ̀ avɛ Axaya, badzya akpɛ yiemi kɛlɛ bafɔnɔ keplukpa asɛsɛ badɔkpasɛnɛ nɛ ɛkɛlɛ asɛ tɛ̀ bayɛkii. Gɛ avɛ edikuɔ, edidzì apɛplɛnɔ akɔ bagɛ bebhui balɛ ebú pɛ bayɛkɛ aŋãa.

Banɔkpɛkpɛ Axɔ̃ɛ 21:7

Bɔzã bɔlɔ kelĩabha kidzogagã nabha odenɔ Tiro pɛ budiyì nɛ Ptolemai, nɛ ɛkɛlɛ bɔsɛnɔ badzyaa kɛlɛ bɔzã balɛ ɔbha kiwui tinikpo.

Banɔkpɛkpɛ Axɔ̃ɛ 21:17

Gɛ budiku Yerusalemuɔ, baadzya ayɛkɛ bɔlɔ nɛ̀ same.

Banɔkpɛkpɛ Axɔ̃ɛ 22:5

asɛ kana gɛ banɔlũazazã gbagbla nɛ̀ yɛ besheshèɛ petee abalà aɖɔ kaɖɔ nɛ kɛlɛishu ana. Ɛvɛ tsyɛ dɛyɛkɛ buplukpa odenɔ banɔlũazazã gbagbla ɔkɔ ɔsɛsɛ balɛ adzya alɛ nɛ Damasko, kɛlɛ ɛvɛ ɛkɛlɛ dɛgbana banɔ alɛ asɛ ɔɖavũmɛ azazã ana amana Yerusalem asɛ bapɔ̃ batɔ̃ akɔ alɛ.

Banɔkpɛkpɛ Axɔ̃ɛ 28:14

Ɛkɛlɛ bɔdɛ tɔnɔ badzya teli gɛ bekulu ɔlɔ asɛ bɔzã balɛ ɔbha ɔgɔnɛ zɛzɛ. Ɛkɛlɛ bɔlɔde pɛ budiku Roma.