Banɔkpɛkpɛ Axɔ̃ɛ 1:13 - Nyangbo New Testament

¹³ Gɛ bediku ɔma mɛɛ, bewu avɛ kabha buvũɔ mɛ gɛ bazazãa. Bagɛ bazã ɛkɛlɛ balɛ enu Petro, Yohanes, Yakobo nɛ̀ Andrea, Filipo nɛ̀ Toma, Bartolomeo nɛ̀ Mateo, Yakobo, Alfeo yɛeyiɛ nɛ̀ Simon, Ishuahɔɛmɛ zazã pɛpɛelete Kɛzamɛanɔ, nɛ̀ Yuda Yakobo yɛeyiɛ.

Banɔkpɛkpɛ Axɔ̃ɛ 1:13 Referans Kwoze

Banɔkpɛkpɛ Axɔ̃ɛ 20:8

Badɛkɛ efù gelee elu kabha buvũɔ mɛ, nɛ ɛkɛlɛ gɛ bɔzã kɛtakpu tɔtɔ̃ mɛ.

Yakobo 1:1

Keplukpa alɛ kede mɛ Yakobo, Owusoso Akaa nɛ̀ Apalete Yesu Kristo yɛaxɔ̃ɛdɛ ɔkɔ. Ɛfɔnɔ alɛ sɛsɛ egbogbo lɔfɔ nɛ̀ taabha gɛ apɔɛ afalanɔ pɛ bakpasɛ ɛmadi bhlatɔ mɛ. Nɔyɛkɛ mɛ ɔsɛsɛnɔo.

Banɔkpɛkpɛ Axɔ̃ɛ 12:17

Petro akasɛ alɛ ahɔɛ asɛ bataatɔ̃ kɛlɛ aɖɔ etseɖe alɛ nɛ kibuɔ gɛ Apaleteɛ ebui eyinɔ nɛ ɔɖavũɔ mɛ. Etseɖe balɛ asɛ, “Notseɖe Yakobo nɛ̀ yɛadzya alɛ nɛ kibui ɛlɛ shu kɛlɛ ashɛ avɛ ɔkɔ bhlatɔ.”

Banɔkpɛkpɛ Axɔ̃ɛ 2:38

Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.

Galatianɛ 2:9

Yakobo, Petro nɛ̀ Yohanes gɛenu kibuiɛ kɛlɛ bubhi kashàa, bakɔ mɛ nɛ̀ Barnaba ahɔɛ ɔkɔ kɛdzyà bhɛbhɛtɛ nɛ kibeɛ gɛ bamɔ tibhui bhuibuɔ gɛ bakɔ mɛ. Badɛmɛ atɔɖɔ ɛlɛ abha asɛ tɛ̀ bɔvɛ bagɛ etinu Yudanɛ ɔkɔ, tɛ balɛ tsyɛ avɛ Yudanɛ ɔkɔ.

Galatianɛ 1:19

Ɛgɛ mɔ banɔkpɛkpɛ alɛ mɛ anɔ nanà—ɔdɛ Yakobo ete, gɛenu Apaleteɛ yɛadzya.

Banɔkpɛkpɛ Axɔ̃ɛ 15:13

Gɛ bebhui balɛ kaɖɔɔ, Yakobo tsyɛ aɖɔaɖɔ asɛ, “Mɛadzya alɛ mɔ, nɔtatɔ̃ nɛ mɛ.

Banɔkpɛkpɛ Axɔ̃ɛ 4:19

Pɔ, Petro nɛ̀ Yohanes ebuiliulũ asɛ, “Nobhui kibui mɛ ɔkɔ shu ɔsɛ, kiɖuwoe gɛpɛ nɛ Owusoso Akaa namɛ ɔsɛ bɔbhɛtɛ, tɛ bulũ batɔ̃ akɔ wɔnɔ pɛnɔsɛ bulũ batɔ̃ ɔkɔ Owusoso Akaa.

Banɔkpɛkpɛ Axɔ̃ɛ 4:13

Gɛ bamɔ kitèkpɛkpɛ nɛ Petro nɛ̀ Yohanes mɛ pɛ bamɔ asɛ betinu buplukpaeleteɛ, pɔ banɔ etee ko benuɔ, kɛbhɛtɛ balɛibi kɛlɛ babakà asɛ banɔ alɛ azã aplɛnɔ Yesu.

Banɔkpɛkpɛ Axɔ̃ɛ 2:14

Petro nɛ̀ yɛɔhayɛ lɔfɔ nɛ̀ toliɛ alɔɛtití pɛ aɖɔaɖɔ etseɖe banɔɛza asɛ, “Mɛɔhayɛ Yudanɛ nɛ̀ wɔnɔ bagɛ alɛ Yerusalemuɔ petee, nɔkɔ mɛibu ebui alɛ esi ɔkɔ wɔnɔ, nɔtaatɔ tɛ̀ nolũ kɛgɛ ɛbaɖɔ tseɖe wɔnɔ piapii.

Yohanes 2 1:1

Denɔ Esheshèɛ ɔkɔ, Ɔsɛsɛ apãlĩɛ gɛ bebu eluɔ nɛ̀ yɛeyi alɛ, gɛ ɛdɛmɛ nɔ alɛ nɛ kibui gbã mɛ, gɛnɛ mɛ ete pɔ bagɛ balɛ enyi kibui gbã tsyɛ petee,

Korintoanɛ 1 15:7

Kɛlɛ ebu yɛishu akasɛ Yakobo, nɛ̀ banɔkpɛkpɛ petee,