Yohana 9:39 - Testamente Ledrimpswha ni Mapsalma

³⁹ Yesu aku: Nitile misaveni leyi kutayavanyisa leswaku lava vangavoniki vavona, ni leswaku lava vavonaka vandruluka va kufa mahlu.

Yohana 9:39 Referans Kwoze

Yohana 3:19

A kuyavanyisa hi loku: A kuvaninga kuti misaveni, kambe vhanu varandri munyama kutlula kuvaninga, hikusa mintiro yavu afa mibihile.

Yohana 12:46

Mine ni kuvaninga, kutani nitile misaveni akuva mun'wana-ni-mun'wana lweyi apfumelaka ku mine, angatrhami munyameni.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Yohana 8:12

Kutani Yesu atlhela avulavula navu, aku: Hi mine livaningo dra misava. Lweyi anilandraka angaka angafambi munyameni, kambe atava ni livaningo dra vutomi!

I Yhn 2:11

Kambe lweyi anyenyaka makwavu atrhami munyameni, afamba munyameni, angativi lomu ayaka kone, hikusa a munyama wudlayi mahlu yake.

Lk 4:18

A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;

Lk 1:79

Kuphatima loko kutavaninga lava vahanyaka munyameni ni le ntrhutini wa lifu ni kufambisa a mikondro yeru andleleni ya kurula.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

Ef 5:14

Hileswo-ke kuhlayiwi leswaku: Sisimuka wene uyetleliki, pfuka makari ka vakufa, kutani Kriste ata kuvaninga.

II Kor 2:16

Ku vambeni a kunun'hwela loku, ka lifu; kambe, ku vambeni i kunun'hwela ka vutomi: Kuva vutomi. Hi mani lweyi alulameliwiki ku hinkwaswu leswi?

Yohana 9:25

Yene aku: Mine aniswitivi leswaku i mudohi. Nitiva ntxhumu mun'we ntsena: swinga leswaku afa ningavoni, kambe swoswi navona.

Yohana 8:15

N'wine, n'wiyavanyisa hi ndlela ya vhanu; mine aniyavanyisi mhunu.

Yohana 3:17

Xikwembu Nkulukumba angarumanga N'wanakwe misaveni akuta yavanyisa misava, kambe afa ayentxela leswaku misava mihuluxiwa hi yene.

Lk 13:30

Xileswo vakone lava vakugamisa vatakava vakuranga; na swone vakone lava vakuranga vatakava vakugamisa.

Lk 7:21

Hi nkama wolowo Yesu ahanyisa a vhanu vanyingi, avuvabyini byavu ni le kuxanisekeni kwavu hi mimoya lemimfani, anyika vanyingi lava kufa-mahlu akuva vavona.

Lk 2:34

Kutani Simiyoni avatovokisa, ahangabyela Maria mamana wa Yesu aku: Lavisa, Maria, a ntrongwana lweyi atawisa ni kupfuxa lava va kutala a Israyeleni. Nikuva xikombiso lexi xitaka landruliwa hi lava vanyingi,

Mt 11:5

Lava vakufa-mahlu vavona, a swilema swafamba, a va nhlokonho vabasisiwa, a vakufa-tindleve vayingela, a vafi vapfuxiwa, a swisiwana switivisiwa a Ivangeli.

Mt 6:23

kambe loko a mahlu mange manene, a miri waku hinkwawu watava munyameni. Ke loko a kuvaninga loku kunga ndreni kwaku kuva munyama, a kumphuma ka munyama lowo kutava loku ka kuyini!

II Tsl 2:10

Atatirisa vukanganyisi hinkwabyu bya vubihi, akuva akanganyisa lava lahlekaka, hikuva vanga khensanga, nambi kupfumela xihlayelamfuri lexi afaka xi tava huluxa.

Mt 15:14

Vatrikani, i vakufa-mahlu lava vafambisaka a vakufa-mahlu kulobye. Loko mun'we wakufa-mahlu afambisa mun'wana wakufa-mahlu, vatayawela akheleni hi vubiri byavu.

Yohana 12:31

Swoswi a misava leyi mikari mayavanyisiwa, kutani mufumi wa misava leyi swoswi atahlongoliwa.