Yohana 9:34 - Testamente Ledrimpswha ni Mapsalma

³⁴ Vamuyangula vafarisi vaku: Wene upswaliwi nsileni ya swidoho, ungahi dondrisa xana? Kutani vamuhlongola.

Yohana 9:34 Referans Kwoze

Yohana 9:22

A vapswali afa vahlayisa xileswo hikutxhava ava fambisi va va-Yuda. Hikusa va-Yuda afa vayingelani leswaku, loko mhunu mun'wana anga txhuka ahlaya leswaku Yesu hi Mesiya, ata hlongoliwa a Tempeleni.

Yohana 9:2

Kutani vadondrisiwa vakwe vamuvutisa vaku: Mufundrisi, xana i mani lweyi angadoha, xana hi yelweyi kumbe i vapswele vakwe; leswi angapswaliwa na afi mahlu, xana?

Lk 18:17

Nihlayelamfuri nili ku n'wine, lweyi angayamukelikiki a Mfumu wa Xikwembu Nkulukumba swanga hi ntrongwana, angaka anganhingeni ku wone.

Mpfuletelo 13:17

Akuva kungavi na mhunu lweyi akotaka kuxava ni kuxavisa, loko ange lweyi angani xikombiso, kumbe vito dra xihari xa kulebya, kumbe a nhlayo ya vito dra xone.

III Yhn 1:9

Nitraleli papelanyana ku kereke; kambe Diyotrefesi, lweyi a randraka kuva wakusungula makari kwavu, anganiyamukeli.

I Ptr 5:5

Hi ndlela yoleyo, na n'wine vampswha, tibekani hansi ku lavakulu; na kone hinkwenu yambalani a kutitrongohata van'we ku van'wana, hikusa Xikwembu Nkulukumba ayalela lava va kutikulisa, kambe anyika timpswalu ku lava va kutitrongohata.

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Gl 2:15

Hine, hi va-Yuda hi ntumbuluku, ahivadohi ku va-Matiko.

I Kor 5:13

Kambe a va le handle, Xikwembu Nkulukumba atavayavanyisa. Ke, hlongolani a wa vubihi amakari kwenu.

Yohana 9:40

Vafarisi van'wana lava afaka vali na yene, vayingela maritu lawa, kutani vaku ku yene: Xana na hine hi va kufa mahlu ke?

Yohana 9:35

Yesu ayingela leswaku vamuhlongolile, andlwini ya Xikwembu Nkulukumba. Kutani amudjula, aku ku yene: Xana wapfumela ku N'wana wa Mhunu xana?

Yohana 8:41

N'wine n'wiyentxa mintiro ya tatana wenu. A va-Yuda vaku: Hine ahi vana va vumbuye. Hina Tatana mun'we ntsena, anga Xikwembu Nkulukumba.

Yohana 6:37

Hinkwaswu leswi Tatana aninyikaka, switata ku mine; kutani lweyi ataka ku mine, ningaka ningamutxukumeti ni siku ni drin'we.

Lk 14:11

Hikusa lweyo ni lweyo lweyi atitlakuxaka atatrongahatiwa, ni lweyo ni lweyo lweyi atitrongohataka atatlakuxiwa.

Lk 11:45

Amun'we ku vadondrisi va Nawu aku ku yene: Mudondrisi, hikuhlaya leswo wahikhunguvanyisa na hine.

Lk 6:22

N'witatovoka loko a vhanu van'wivenga, van'wihlongola, van'wiruka, vasandra ni vito drenu swanga hi loko dribihile, hinkonta ya N'wana wa Mhunu.

III Yhn 1:10

Hikolahu loko nitata halanu, nita n'widrimuxa mintiro yake leyi yene amiyentxaka, ahihleva hi maritu ya kubiha. Kambe aninyoxi hileswi, mfuri yene angayamukeli vamakwavu, na kone atrimbisa lava va vayamukelaka, atlhela avahlongola a kerekeni.