Yohana 9:22 - Testamente Ledrimpswha ni Mapsalma

²² A vapswali afa vahlayisa xileswo hikutxhava ava fambisi va va-Yuda. Hikusa va-Yuda afa vayingelani leswaku, loko mhunu mun'wana anga txhuka ahlaya leswaku Yesu hi Mesiya, ata hlongoliwa a Tempeleni.

Yohana 9:22 Referans Kwoze

Yohana 16:2

Vatan'wihlongola amasinagogeni; na swone a nkama wata lowu mun'wana-ni-mun'wana lweyi atakan'widlaya atakapimisa leswaku atirela Xikwembu Nkulukumba.

Yohana 7:13

Nambi swili tanu akuvangana mhunu lweyi angakhanela ha yene alivaleni, hikola ka kutxhava kuxanisiwa hi tindruna ta va-Yuda.

Lk 6:22

N'witatovoka loko a vhanu van'wivenga, van'wihlongola, van'wiruka, vasandra ni vito drenu swanga hi loko dribihile, hinkonta ya N'wana wa Mhunu.

Yohana 9:34

Vamuyangula vafarisi vaku: Wene upswaliwi nsileni ya swidoho, ungahi dondrisa xana? Kutani vamuhlongola.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mintiro Ya Vapostola 5:40

Vavitana vapostola, vakhatisiwa; kutani vavanyika nawu akuva vangahayi mahlweni vakhanela hi vito dra Yesu. Ntrhaku vavantrhunxa.

Mintiro Ya Vapostola 5:13

afa kungena mun'we wa vambeni lweyi atiyaka kunamarela ku vone, kambe a vhanu hinkwavu afa vavakhensa ngopfu.

Mintiro Ya Vapostola 4:18

Vavavitaniki, vavatratriya leswaku vangahakhaneli ni kutrongo, nambi kuli kudondrisa hi vito dra Yesu.

Yohana 20:19

Ni madambu ya siku droledro dra kusungula dra vhiki, na kuti mphu, kasi a tinyangwa ta mbangu lowu a vadondrisiwa afaka vali ku wone, afa tipfaliwile hikola ka kutxhava va-Yuda; Yesu atatayima makari kwavu, aku ku vone: A kurula akuve na n'wine!

Yohana 19:38

Antrhaku ka leswo, Yosefa wa Arimateya, anga mudondrisiwa wa Yesu, kambe afaka atifihla hi kutxhava va-Yuda, aya kombela ku Pilato leswaku angasusa a ntrumbu wa Yesu. Pilato amupfumelela. Ahangafamba aya susa ntrumbu wa Yesu.

Yohana 1:19

Hi byolebyi a vumboni lebyi Yohana angahlaya byone, a siku ledri va-Yuda va-le-Yerusalema vangaruma vaprista ni va-Levi ku yene, akuyamuvutisa, vaku: Xana wene umani?

Yohana 9:18

A va-Yuda afa vangapfumeli leswaku a mhunu lweyi afa ali wa kufa mahlu, ni leswaku swoswi awavona, vako vavitana vapswali vakwe;

Yohana 9:21

Kambe leswi swiyentxiki leswaku swoswi avona, ahiswitivi, ni lweyi amupfuliki mahlu, ahimutivi. Muvutisani, i nkulu, atatiyangulela.

Yohana 9:35

Yesu ayingela leswaku vamuhlongolile, andlwini ya Xikwembu Nkulukumba. Kutani amudjula, aku ku yene: Xana wapfumela ku N'wana wa Mhunu xana?