Yohana 8:51 - Testamente Ledrimpswha ni Mapsalma

⁵¹ Nihlayelamfuri nili ku n'wine, a mhunu lweyi abekisaka ritu dranga, angaka angavoni lifu hi la kungahelikiki.

Yohana 8:51 Referans Kwoze

Yohana 5:24

Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini.

Yohana 15:20

Drimukani leswi nin'wibyeliki swone, loko niku: A nandra ahi nkulu ku n'winyi wakwe loko vanixanisile, na n'wine vatan'wixanisa; loko vabekisi ritu dranga, ni dro drenu vatadribekisa.

Yohana 6:50

A kati ledri drixikaka hi le Tilweni hi drone ledri driyentxaka leswaku loko mhunu ada drone, angafi.

Lk 2:26

Mfuri afa ativisiwi leswaku angaka angafi na angasanganavona Kriste lweyi atakarumiwa hi Hosi.

Va-Heberu 11:5

Hikupfumela, Enoke a tekeliwi henhla akuva anga voni kufa. Kutani angaha kumiwanga, hikusa Xikwembu Nkulukumba afa amutekeli ku yene; hikusa loko anga sina tekeliwa henhla, akumi kuhlayeliwa vumboni bya leswaku atrhavise Xikwembu Nkulukumba.

Yohana 8:55

kasi an'wimutivi, kambe mine namutiva. Loko afa niku: animutivi, afa ningava muhembi kufana na n'wine. Kambe mine namutiva, kutani nibekisa ritu drakwe.

Yohana 8:12

Kutani Yesu atlhela avulavula navu, aku: Hi mine livaningo dra misava. Lweyi anilandraka angaka angafambi munyameni, kambe atava ni livaningo dra vutomi!

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Yohana 8:52

A va-Yuda vaku ku yene: Swoswi haswitiva leswaku uni demoni, Abrahamu afile na vone vaprofeta vafile; kutani wene uli: Loko mhunu abekisa ritu dranga, angaka angafi hi la kungahelikiki.

Yohana 14:23

Loko mhunu anirandra, atabekisa ritu dranga, kutani Tatana wanga atamurandra, hitata ku yene, hitrhama na yene.

Yohana 17:6

Nivonekisi vito draku amahlweni ka vhanu lava uninyikiki vone, uvahlawuliki misaveni; afa vali vaku; uninyiki vone, kutani vabekisi ritu draku.

Va-Heberu 2:9

Hivonile na kone, lweyi hi nkamanyana ayentxiwiki lweyi ntrongo ku tintrumi, anga Yesu, hi kuxaniseka hi lifu, a yambexiwile ngiyana ya kutwala ni xitxhavu, akuva hikola ka timpswalu ta Xikwembu Nkulukumba atwisiwa kufa hinkonta ya vhanu hinkwavu.