Yohana 7:39 - Testamente Ledrimpswha ni Mapsalma

³⁹ Hikuhlaya swoleswo, Yesu afa adjula kuhlaya leswaku hinkwavu lava vapfumeleka ku yene afa vatayamukela a Moya wa Kuxwenga; hikusa kutlhasa nkameni wolowo afa Moya wungasiva kone, hikusa Yesu afa angasinatlakuxiwa.

Yohana 7:39 Referans Kwoze

Mintiro Ya Vapostola 2:17

Amasikwini ya vugamu, kuhlaya Xikwembu Nkulukumba, nitatxhela a Moya wanga a henhla ka nyama hinkwavu. A vanenu vataprofeta; na vone vanhwanyana venu; a vayisanyana venu vatavona swivoniso, ni swiduwhati swenu switalora miloro.

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

Mintiro Ya Vapostola 2:4

Vahangatala hinkwavu hi Moya wa Kuxwenga, vasungula kukhanela hi tindrimi tin'wana, swanga hi leswi a Moya afaka wuvanyika kuhlaya swone.

Yohana 16:7

Kambe nan'wibyela xihlayelamfuri nili i swinene ku n'wine akuva ni muka, hikuva loko ningamuki, a Mutxhaveleli angaka angati ku n'wine; Kasi loko nisuka ku n'wine, nitan'wirumela yene.

Yohana 12:16

A vadondrisiwa vakwe avayingelisisanga mhaka leyi akusunguleni. Kambe loko Yesu atlakuxiwile, hi kone vangadrimuka leswaku a mhaka leyi afa yitraliwi ku Matralwa ya Kuhlawuleka hikola kwake, ni leswaku swiyentxekile ha kunene.

Rm 8:9

Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Yohana 20:22

Loko ahlayi leswo, avahuhutela, aku ku vone: Yamukelanani Moya lowu wa kuxwenga.

Yohana 12:23

Yesu avayangula, aku: Ankama wutlhasile lowu N'wana wa Mhunu ataka twalisiwa ha wone.

Ef 4:30

Minga hlundrukiseni Moya wa Xikwembu Nkulukumba, lowu n'wingafungiwa ha wone ku siku dra kutiruliwa.

II Kor 3:8

xana byingaka byinge na lidrumu lebyi byikulu avutireli bya Moya xana?

Mintiro Ya Vapostola 4:31

Loko vakukhongotile, kutrekatreka a mbangu lowu afaka vahlengeletani ku wone; hinkwavu vatala hinkwavu hi Moya wa Kuxwenga, kutani vahaxa a ritu dra Xikwembu Nkulukumba hi kutiya.

Mintiro Ya Vapostola 3:13

Xikwembu Nkulukumba wa Abrahamu, ni wa Yisaki, ni wa Yakobe; Xikwembu Nkulukumba wa vatatana veru adrumisi nandra wakwe Yesu, lweyi n'wine n'wingamunyiketa Pilatu ni kumulandrula amahlweni kwake. Kasi Pilatu afa amuyavanyiseli kutrhunxiwa.

Yohana 17:5

Swoswi, nitwalise, we Tatana, amahlweni kwaku hi kutwala loku afaka nili nakone ku wene, na misava mingasiva kone.

Yohana 14:13

Kutani nambi n'wingakombela yini na yini hi vito dranga, nitaswiyentxa, akuva Tatana atwalisiwa ku N'wana.

Yohana 7:12

Afa kuni kun'unun'uta kunyingi axitrhungwini hi mhaka yake. A van'wana afa vaku: I mhunu munene! A van'wana vaku: Im'hi, akanganyisa xitrhungu.

Yohana 6:14

A vhanu lava vavoniki mahlolana lawa Yesu amayentxiki, vaku: Ha kunene, lweyi hi yene muprofeta lweyi afaka afanekeli kuta misaveni.

Yohana 1:33

Mine afa ningamutivi, kambe Xikwembu Nkulukumba anibyelile, aku: Lweyi utakavona a Moya wuxikela ku yene, wutrhama henhla kwake, hi yene lweyi ababatisaka hi Moya wa Kuxwenga.

Yohana 1:25

Kutani vamuvutisa vaku: Leswi ungeke Kriste, ungeke Eliya, na kone ungeke muprofeta, hikola ka yini ubabatisa xana?

Yohana 1:21

Kutani vamuvutisa, vaku: Loko swili tanu, wene umani xana? Hi wene Eliya xana? Aku: Ahi mine. Vaku: Umuprofeta xana? Ayanguli, aku: Im'hi!

Lk 24:49

Lavisani, nitan'wirumela leswi n'widumbisiwiki swone ha Tatana. N'wine trhamani kola Yerusalema, n'wikota n'wiyambexiwa ntamu wa le henhla.

Lk 7:16

Loko vavoni leswi vakhomiwa hi kutxhava hinkwavu vasungula kutwalisa Xikwembu Nkulukumba vaku: A muprofeta lwenkulu ahumeleli a makari kweru! Vatlhela vaku: Xikwembu Nkulukumba ayendreli tiko drakwe!

Lk 3:16

Yohana avabyela hinkwavu aku: Mine nin'wibabatisa hi mati, kambe awata lweyi anitlulaka hi ntamu, lweyi ningafanelikiki kuntrhunxa a tingoti ta tintangu takwe. Hi yene atakan'wibabatisa hi Moya wa Kuxwenga ni hi ndrilo.

Mt 16:14

Vayangula vaku: Van'we vali i Yohana Mubabatisi; van'wana, vali i Eliya; van'wana, vali i Yeremiya, kumbe mun'wana wa vaprofeta.

Yohana 14:26

Kambe Mutxhaveleli, wunga Moya wa Kuxwenga, lowu Tatana atakawurumela hi vito dranga, wutan'widondrisa hinkwaswu, ni kun'widrimuxa hinkwaswu leswi ni n'wibyeliki swone.

Mt 21:11

A switrhungu afa swiku: Lweyi i muprofeta Yesu, wa le Nazarete wa Galileya.

Yohana 8:54

Yesu ayangula, aku: Loko ni titwalisa ha vuswanga akutwala kwanga akupfuni ntxhumu. Lweyi anitwalisaka hi Tatana wanga lweyi n'wiliki: I Xikwembu Nkulukumba weru;

Yohana 16:14

Atanitwalisa, hikuva leswi atakan'witivisa swone, atava aswikumi ku mine.

Yohana 17:1

Loko Yesu ahlayi leswo, atlakuxa mahlu, alavisa Tilweni, aku: Tatana, a nkama wutlhasile! Twalisa N'wanaku, akuva na yene N'wana akutwalisa;

Mintiro Ya Vapostola 19:2

kutani avavutisa aku: Xana n'wayamukelile a Moya wa Kuxwenga loko n'wipfumelile? Vaku ku yene: Ahingiswiyingela leswaku kuni Moya wa Kuxwenga!