Yohana 7:12 - Testamente Ledrimpswha ni Mapsalma

¹² Afa kuni kun'unun'uta kunyingi axitrhungwini hi mhaka yake. A van'wana afa vaku: I mhunu munene! A van'wana vaku: Im'hi, akanganyisa xitrhungu.

Yohana 7:12 Referans Kwoze

Yohana 9:16

Van'we vafarisi vaku: Lweyi ayentxiki leswi angapfi ku Xikwembu Nkulukumba, hikusa angalondrisi Savata. Van'wana vaku: Xana mhunu lweyi anga mudohi angaswikotisa kuyini kuyentxa mahlolana yange hi lawa xana? Kutani afa kuni kuhambana amakari kwavu.

Yohana 7:47

A vafarisi vavayangula, vaku: Xana na n'wine n'wikanganyisiwile xana?

Yohana 7:32

A vafarisi vayingela leswi xitrhungu xi n'unun'utaka swone ha Yesu, kutani vaprista lava vakulu ni vafarisi varuma malandra kuya mukhoma.

Va-le-Filipiya 2:14

Yentxani hinkwaswu na n'winga n'unun'uteli na n'winga kanetani.

Rm 5:7

Afa swinga nonon'hwa ngopfu akuva mhunu a fela lweyi wa kululama. Hakunene, a mhunu angenakuswikota kunyiketa vutomi hi mhunu lweyi munene.

Mintiro Ya Vapostola 11:24

hikusa Barnabasi afa ali mhunu wa hombe, lweyi ataliki hi Moya wa Kuxwenga ni hi kupfumela. Kutani a vhanu vanyingi vatinyiketa ku Hosi.

Yohana 7:52

Vayangula, vaku ku yene: Xana na wene upfa Galileya ke? Lavisisa swinene utavona leswaku akuna muprofeta lweyi ahumaka Galileya.

Yohana 6:14

A vhanu lava vavoniki mahlolana lawa Yesu amayentxiki, vaku: Ha kunene, lweyi hi yene muprofeta lweyi afaka afanekeli kuta misaveni.

Lk 23:50

Afa mhunu ali kone, avito drakwe ali Yosefa, wa Arimateya wa muti wa Yudeya, anuna lweyinene wa kululama, na yene afa alavisela a Mfumu wa Xikwembu Nkulukumba.

Lk 23:47

Lweyi wa ndruna ya dzana loko avoni leswi swihumeleliki, atwalisa Xikwembu Nkulukumba aku: Kunene a mhunu lweyi afa alulamile!

Lk 18:19

Yesu aku ku yene: Xana unihlayela yini lweyi munene? Akuna lweyi munene loko angali Xikwembu Nkulukumba ntsena.

Lk 7:16

Loko vavoni leswi vakhomiwa hi kutxhava hinkwavu vasungula kutwalisa Xikwembu Nkulukumba vaku: A muprofeta lwenkulu ahumeleli a makari kweru! Vatlhela vaku: Xikwembu Nkulukumba ayendreli tiko drakwe!

Lk 6:45

A mhunu lweyi munene ahumexa leswi swinene anhlengweni leyi yinene ya mbilu yake, na yene lweyimfani ahumexa leswi swimfani anhlengweni leyi yimfani ya mbilu yake. Hikusa a nomu wakwe wukhanela leswi switaliki ambilwini yake.

Mt 27:63

vaku: N'winyi weru, hahadrimuka leswaku a mukanganyisi lwiya, loko ahahanya ati: Nitapfuka akufeni loko kuhundri masiku mararu.

Mt 21:46

Kutani vadjula kumukhoma, kambe afa vatxhava switrhungu hi leswi vanyingi afaka vaku i muprofeta.

Mt 10:25

Swadringana ku mudondri ava swanga hi mudondrisi wakwe, ni nandra ava swanga hi n'winyi wakwe. Loko-ke varuki a n'winyi wa yindlu vamuhlaya Beelzebule, xana vangaka vangatxhuli ngopfu vone lava vatrhamisaka na yene?