Yohana 6:69 - Testamente Ledrimpswha ni Mapsalma

⁶⁹ Kutani hine hini kupfumela ni kuswitiva leswaku hi wene Muhlawuleki wa Xikwembu Nkulukumba.

Yohana 6:69 Referans Kwoze

Yohana 11:27

Aku ku yene: Im'na Hosi. Napfumela leswaku hi wene Mesiya, N'wana wa Xikwembu Nkulukumba, lweyi afaka afanela kuta amisaveni.

Lk 9:20

Yesu avavutisa aku: N'wine-ke, n'wili ni mani, xana? Petrosi amuyangula aku: U Kriste, lweyi arumiwiki hi Xikwembu Nkulukumba.

Marka 8:29

Yesu ayengeta avavutisa aku: N'wine-ke, n'wili ni mani xana? Petrosi ayangula aku ku yene: Wene u Kriste.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Rm 1:3

Makongomanaka ni N'wana wakwe; lweyi a pswaliwiki hi nyama a lixakeni dra Davida,

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

Yohana 20:28

Tomasi ayangula, aku ku yene: Hosi yanga ni Xikwembu Nkulukumba wanga!

Yohana 1:41

Yene arangi akuma Simoni makwavu, kutani aku ku yene: Hikumi Mesiya (hileswaku Kriste, Mutotiwa, loko kutlhamuxeliwa).

Yohana 1:29

A siku ledri drintlhantamaka, Yohana avona Yesu na ata ku yene, kutani aku: Vonani! Hi leyi a Hambana ya Xikwembu Nkulukumba leyi yisusaka swidoho swa misava!

Marka 1:24

Xana a mhaka yeru na wene hi yini, wene, Yesu wa le Nazarete? U teli kuhisuvisa! Mine nakutiva lweyi unga yene; wene u Muxwengi wa Xikwembu Nkulukumba!

Mt 16:16

Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

Mintiro Ya Vapostola 8:36

Vaku na vafamba hi ndlela, vatlhasa lomu kungani mati, a ndruna yiku: Hi lawa mati! Xana kuni xa ntxhumu xingasivelaka leswaku nibabatisiwa? [

Marka 1:1

A kusungula ka Ivangeli ya Yesu Kriste, N'wana wa Xikwembu Nkulukumba,

Yohana 10:36

xana n'wine, n'wihlaya ha yini n'wiku nisandra Xikwembu Nkulukumba, na kasi mine nihlawuliwi niva nirumiwa misaveni ha Yene, xana?

Ef 4:13

Kukota hinkweru hitlhasa kutrimbaneni ka vupfumeli ni ka vutivi bya N'wana wa Xikwembu Nkulukumba; hiva mhunu lweyi wakuhetiseka, ampin'wini wa kuhetiseka wa Kriste,

I Yhn 4:16

Na hine haswitiva, mfuri ha pfumela alirandro ledri Xikwembu Nkulukumba anganadrone ha hine: Xikwembu Nkulukumba i lirandru, kutani lweyi atrhamaka alirandrwini atrhami ku Xikwembu Nkulukumba, na Yene Xikwembu Nkulukumba trhami ku yene.