Yohana 6:57 - Testamente Ledrimpswha ni Mapsalma

⁵⁷ Swanga hi leswi Tatana lweyi ahanyaka anirumiki, na mine nihanya hikola kwake, na yene lweyi anidaka atahanya hikola kwanga.

Yohana 6:57 Referans Kwoze

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Yohana 5:26

Swanga hi leswi Tatana, ha vuswake angani vutomi, hi ndlela yoleyo anyiki N'wana kuvani vutomi na yene, ha vuswake.

Yohana 17:21

akuva hinkwavu vava mun'we, swanga ha wene Tatana unga ku mine, na mine ninga ku wene, akuva na vone vava ku hine, kutani misava mitapfumela leswaku unirumile.

I Yhn 4:9

Kuvi xiswoswi dritivonekisiki alirandru dra Xikwembu Nkulukumba ku hine: hileswaku Xikwembu Nkulukumba arumi N'wanake, lweyi wakupswaliwa swake amisaveni, akuva ha Yene hitahanya.

Yohana 3:17

Xikwembu Nkulukumba angarumanga N'wanakwe misaveni akuta yavanyisa misava, kambe afa ayentxela leswaku misava mihuluxiwa hi yene.

I Tsl 1:9

Mfuri vone vadrungula manhingenela yeru ku n'wini, ni hi kundruluka kwenu ku Xikwembu Nkulukumba, n'witrika a swikwembu swakuka ndlela, akuva n'witirela Xikwembu Nkulukumba lweyi a hanyaka ni wa xihlayelamfuri,

II Kor 13:4

Hikusa, kunene, avambiwile a gomeni, ku hinkwaswu, awa hanya hi ntamu wa Xikwembu Nkulukumba, hikuva na hini gome ha Yene, kambe hita hanya ha Yene, hi muhanyela hi ntamu wa Xikwembu Nkulukumba.

I Kor 15:22

Ke leswi hikola ka Adamu hinkwavu vafaka, xiswoswo, hinkwavu vatatlhela vahanya ha Kriste.

Yohana 14:19

Antrhaku ka nkamanyana, a misava mingahanivoni, kambe n'wine n'witanivona. Leswi ni hanyaka, na n'wine n'witahanya.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Mt 16:16

Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Yohana 6:29

Yesu avayangula, aku: A ntiro wa Xikwembu Nkulukumba hileswaku n'wipfumela ku lweyi amurumiki.

Yohana 6:38

Hikusa nixiki hi le Tilweni, kunge kutatayentxa kurandra kwanga, kambe kuli kurandra ka lweyi anirumiki.

I Kor 15:45

Nakone, swanga hi leswi kutraliwiki leswaku: A mhunu wa kusungula, Adamu ahambiwi ava hika ledri drihanyaka, kambe Adamu wa vugamu i moya, lowu wunyikaka vutomi.