Yohana 6:46 - Testamente Ledrimpswha ni Mapsalma

⁴⁶ Ahileswaku kuni mhunu lweyi asamaka avona Tatana, loko ntsena ange lweyi ahumaka ku Xikwembu Nkulukumba avoniki Tatana.

Yohana 6:46 Referans Kwoze

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

Yohana 7:29

Mine namutiva, hikusa nihuma ku yene, na kone hi yene anirumiki.

Lk 10:22

Hinkwaswu ninyikiwi ha Tatana. Nakone akuna mhunu lweyi ativaka lweyi N'wana anga yene, loko ange Tatana: nambi lweyi Tatana anga yene, loko ange N'wana, ni lweyi a N'wana arandraka kumupfuletela yene.

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

I Tmt 6:16

yene ntsena angani kuka-kufa; lweyi atrhamaka alivaningweni ledri dringalikina kutrhindrekeleliwa; lweyi angasamiki avoniwa hi mhunu, mfuri ni mun'we mhunu angamuvonaka. Ku yene akuveni xihluwa ni ntamu lowu wungahelikiki. Amen.

I Yhn 4:12

Anga kone mhunu lweyi asamaka a vona Xikwembu Nkulukumba ni siku ni drin'we, loko hine hirandranana, van'we ku van'wana Xikwembu ale ku hine, kutani a lirandru drakwe driyentxa hikuhetiseka avutomi byeru.

Va-le-Kolosa 1:15

Yene i xifaniso xa Xikwembu Nkulukumba lweyi angavoniwikiki, amativula ya hinkwaswu swivumbiwa.

Yohana 15:24

Loko afa ningatiranga amahlweni kwavu, a mintiro leyi mun'wana mhunu angamitirikiki, afa vangativana xihono. Kambe vamivonile mintiro, vatlhela vavenga mine na Tatana.

Yohana 8:55

kasi an'wimutivi, kambe mine namutiva. Loko afa niku: animutivi, afa ningava muhembi kufana na n'wine. Kambe mine namutiva, kutani nibekisa ritu drakwe.

Yohana 8:19

Vaku ku yene: A tatana waku akwini? Yesu ayangula, aku: An'winitivi, nambi ali Tatana wanga an'wimutivi; loko afa n'winitivile, an'witativa ni Tatana wanga.

Yohana 5:37

Naswone, Tatana lweyi anirumiki, na yene hi ntshima yake anihambeli vumboni. An'wingiyingela a ritu drakwe nambi kuvona vuso byake ni siku ni drin'we.

Yohana 14:7

Loko afa n'winitivile, an'witativa ni Tatana wanga; kusukela swoswi, n'wamutiva, na swone n'wimuvonile.