Yohana 6:40 - Testamente Ledrimpswha ni Mapsalma

⁴⁰ Hikolahu-ke a kurandra ka Tatana wanga, hileswaku mun'wana-ni-mun'wana lweyi alavisaka N'wana, ava apfumela ku yene, avani vutomi lebyi byingahelikiki, kutani mine nitamupfuxa hi siku dra vugamu.

Yohana 6:40 Referans Kwoze

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

Yohana 6:54

Lweyi adaka miri yanga ni kunwa ngati yanga, ani vutomi lebyi byingahelikiki; kutani mine nitamupfuxa hi siku dra vugamu.

Yohana 5:24

Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini.

Yohana 11:25

Yesu aku ku yene: Hi mine kupfuka kufeni ni vutomi. Lweyi apfumelaka ku mine, nambi angafa, atahanya.

Yohana 4:14

Kambe mun'wana-ni-mun'wana lweyi anwaka mati lawa nitakamunyika wone, angaka angahatlheli atwa tora ni siku ni drin'we; kambe a mati lawa nitakamunyika wone, matava ku yene nhlovo ya mati lawa mapfelelaka, manyika vutomi lebyi byingahelikiki.

Yohana 14:19

Antrhaku ka nkamanyana, a misava mingahanivoni, kambe n'wine n'witanivona. Leswi ni hanyaka, na n'wine n'witahanya.

Yohana 12:45

Ni lweyi anivonaka, avona lweyi anirumiki.

Yohana 6:27

N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

Yohana 3:36

Lweyi apfumelaka ku N'wana, anani vutomi lebyi byingahelikiki; lweyi ayalaka kupfumela ku N'wana, angakumi vutomi, kambe a mahlundru ya Xikwembu Nkulukumba matrhami ahenhla kwake.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Lk 2:30

Hikusa a mahlu yanga mavoni kuhuluxa kwaku,

I Yhn 2:25

Lexi hixone xidumbiso lexi Yene ahidumbisiki, anga vutomi lebyingahelikiki.

Yohana 17:2

swanga hi leswi umunyikiki ntamu henhla ka vhanu hinkwavu, akuva hinkwavu lava umunyikiki vone atavahanana vutomi lebyi byingahelikiki.

Yohana 10:28

Nitinyika vutomi lebyi byingahelikiki; tingaka tingasuvi ni siku ni drin'we. Akuna mhunu lweyi atakatiwutla avokweni dranga.

Yd 1:21

Miya mahlweni hi kuhanya alirandrwini dra Xikwembu Nkulukumba, na n'wilavisela lirere dra Hosi yeru Yesu Kriste, driyisaka vuton'wini lebyi byingahelikiki.

I Ptr 1:8

lweyi n'wimurandraka, nambi n'wingamuvonanga; n'wipfumeleka ku Yene, nambi n'wingamuvoni swoswi, kambe n'witrhavaka hi kutrhava loku kukulu ngopfu, kuphatimisiwiki,

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

Rm 5:21

Akuva leswi, axidoho xifumiki a lifu, kambe na tone timpswalu ti kota kufuma hi kululama a vuton'wini lebyi byingahelikiki, hikola ka Yesu Kriste, a Hosi yeru.

Yohana 12:50

Kutani nitiva leswaku akuleleta kwake i vutomi lebyi byingahelikiki. Swoswi, leswi niswihlayaka, niswihlaya hi laha Tatana anibyeliki ha kone.

Yohana 8:56

A tatana wenu Abrahamu, atrhavile hi leswi afaka atakavona siku dranga; adrivonile, ava atrhava.

Marka 16:16

Lweyi apfumelaka, ava ababatisiwa, atahuluka, kambe lweyi angapfumelikiki, atayavanyisiwa.

Va-Heberu 11:1

A kupfumela i xitiyiso xa leswi laviseliwaka, ni xikholwiso xa mintxhumu leyi minga voniwikiki.

Va-Heberu 11:27

Hi kupfumela, Moxe, asuki Egipta, angatxhavanga mahlundru ya mufumi. Avi lweyi a tiyiki swanga hi loko a vona lweyi angavoniwikiki.

Yohana 14:17

wunga Moya wa xihlayelamfuri, lowu a misava mihlulekaka kuwuyamukela, hikusa amiwuvoni, amiwutivi; kambe n'wine n'wawutiva, hikuva wutrhama na n'wine, kutani wutava ndreni kwenu.

Mt 10:15

Nihlayelamfuri nili ku n'wine, hi siku dra kuyavanyisa a kukhatisa kutavevuka ku tiko dra Sodoma na Gomora kutlula muti lowo.

Mt 25:46

Volavo vataya akuxanisiweni loku kungahelikiki, kasi a valulami vataya avutomini lebyi byingahelikikiki.

Yohana 6:39

Kutani akurandra ka lweyi anirumiki hi loku; hileswaku ningalahli ni mun'we wa hinkwavu lava aninyikiki vone, kambe nivapfuxa ku lifu vaya vuton'wini hi siku dra vugamu.

Yohana 6:44

Akuna mhunu lweyi angataka ku mine, loko Tatana lweyi anirumiki angamukokeli ku mine, kutani mine nitamupfuxa hi siku dra vugamu.

Yohana 11:24

Marta aku ku yene: Naswitiva leswaku atapfuka hi siku dra vugamu, akupfukeni ka vafi.