Yohana 6:29 - Testamente Ledrimpswha ni Mapsalma

²⁹ Yesu avayangula, aku: A ntiro wa Xikwembu Nkulukumba hileswaku n'wipfumela ku lweyi amurumiki.

Yohana 6:29 Referans Kwoze

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

Mintiro Ya Vapostola 16:31

Vone vamuyangula vaku: Pfumela ku Hosi Yesu Kriste, utahuluka, wene ni va ndangu waku.

Va-Heberu 5:9

Kuti loko ahetisekisiwile, andruluki Muvangi wa huluku ledri dringahelikiki ku hinkwavu lava vamuyingisetaka.

Yohana 3:36

Lweyi apfumelaka ku N'wana, anani vutomi lebyi byingahelikiki; lweyi ayalaka kupfumela ku N'wana, angakumi vutomi, kambe a mahlundru ya Xikwembu Nkulukumba matrhami ahenhla kwake.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

Marka 16:16

Lweyi apfumelaka, ava ababatisiwa, atahuluka, kambe lweyi angapfumelikiki, atayavanyisiwa.

Yohana 5:39

N'wilavisisa Matralwa, hikusa n'wiyanakanya leswaku, ku wone, n'witakuma vutomi lebyi byingahelikiki, kasi hi wone manihambelaka vumboni.

Mt 17:5

Kaku loko Petrosi ahakhanela, a tlavi dra kuphatima drihumelela drivafukumeta, atlavini kutwala ritu, ledri driliki: Lweyi hi N'wananga lweyi a randrekaka, lweyi nitrhavaka ha yene, muyingisetani.

Yohana 6:28

Vahangaku ku yene: Hifanela kuyentxa yini a kutira mintiro ya Xikwembu Nkulukumba xana?

Yohana 6:38

Hikusa nixiki hi le Tilweni, kunge kutatayentxa kurandra kwanga, kambe kuli kurandra ka lweyi anirumiki.

Yohana 6:57

Swanga hi leswi Tatana lweyi ahanyaka anirumiki, na mine nihanya hikola kwake, na yene lweyi anidaka atahanya hikola kwanga.

I Tsl 1:3

na hi n'widrimuka, hinga karali hikola ka mintiro ya kupfumela kwenu, ku ntiro wenu wa lirandru, ni kutiyisela ka kulavisela ku Hosi yeru Yesu Kriste, amahlweni ka Xikwembu Nkulukumba Tatana weru,

Yakobe 2:22

Wa swivona leswaku a kupfumela kutirisana kun'we ni mintiro; hikolahu, i vali hikola ka mintiro kuhetisekiki kupfumela,

Mpfuletelo 2:26

A muhluli ni lweyi abekisaka a mintiro yanga kutlhasa avugan'wini, nitamunyika ntamu ahenhla ka matiko,