Yohana 5:26 - Testamente Ledrimpswha ni Mapsalma

²⁶ Swanga hi leswi Tatana, ha vuswake angani vutomi, hi ndlela yoleyo anyiki N'wana kuvani vutomi na yene, ha vuswake.

Yohana 5:26 Referans Kwoze

Yohana 11:26

Kutani mun'wana-ni-mun'wana lweyi ahanyaka, ava apfumela ku mine, angaka angafi hi la kungahelikiki. Xana waswipfumela leswo xana?

Yohana 1:4

Ku drone afa kuli ni vutomi kutani vutomi afa byili kuvaninga ku vhanu.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Mpfuletelo 22:17

A Moya ni Mutekiwa vaku: Tana! Ni lweyi a swiyingelaka, leswi aku: Tana! Ni lweyi anganitora, a atrhindrekele. Lweyi aswirandraka ayamukeli mati ya vutomi hi timpswalu.

I Tmt 1:17

Ke, ku Hosi ya minkama hinkwayu, Xikwembu Nkulukumba lweyi wa mun'we, lweyi ahanyaka hi la kungaheliki; lweyi angavonekiki; akuve ni xihluwa ni kutwala hi minkama ni minkama. Amen.

I Kor 15:45

Nakone, swanga hi leswi kutraliwiki leswaku: A mhunu wa kusungula, Adamu ahambiwi ava hika ledri drihanyaka, kambe Adamu wa vugamu i moya, lowu wunyikaka vutomi.

Mpfuletelo 22:1

Kutani yini kombi nfula wa mati ya vutomi, lowu vangamaka swanga hi xivonivoni, na wu huma xiluvelweni xa Xikwembu Nkulukumba ni xa Hambana.

Mpfuletelo 21:6

Atlhela nangweso aku ku mine: Swiyentxekile. Ni Alfa na Omega, masungulo ni vugamu. Ku lweyi angani tora, nita muhanana hi timpswalu kunwa hi timpswalu, a mati ya nhlovo ya vutomi.

I Tmt 6:16

yene ntsena angani kuka-kufa; lweyi atrhamaka alivaningweni ledri dringalikina kutrhindrekeleliwa; lweyi angasamiki avoniwa hi mhunu, mfuri ni mun'we mhunu angamuvonaka. Ku yene akuveni xihluwa ni ntamu lowu wungahelikiki. Amen.

Mintiro Ya Vapostola 17:25

na swone angatireliwi hi mavoko ya vhanu, swanga hi loko opfumala ntxhumu, kasi hi Yene anyikaka hinkwavu a vutomi, ni kuhefemula, ni hinkwaswu;

Yohana 14:19

Antrhaku ka nkamanyana, a misava mingahanivoni, kambe n'wine n'witanivona. Leswi ni hanyaka, na n'wine n'witahanya.

Yohana 8:51

Nihlayelamfuri nili ku n'wine, a mhunu lweyi abekisaka ritu dranga, angaka angavoni lifu hi la kungahelikiki.

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Mpfuletelo 7:17

hikusa a Hambana, leyi yinga xitrhan'wini-xa-vuhosi, yitavabyisa, yivayisa atinhlobyeni ta mati ya vutomi, kutani Xikwembu Nkulukumbata atasula minyembeti hinkwayu amahlweni yavu.

Yohana 6:57

Swanga hi leswi Tatana lweyi ahanyaka anirumiki, na mine nihanya hikola kwake, na yene lweyi anidaka atahanya hikola kwanga.

Yohana 10:18

A kuna mhunu lweyi anganitekelaka byone. Mine nibyinyika hi kurandra kwanga. Nini ntamu wa kubyinyiketa, ni ntamu wakutlhela nibyikuma. Hi swoleswi Tatana wanga anileletiki kuyentxa swone.

Yohana 11:25

Yesu aku ku yene: Hi mine kupfuka kufeni ni vutomi. Lweyi apfumelaka ku mine, nambi angafa, atahanya.

Va-Heberu 1:2

A minkameni leyi ya vugamu, a khanelile na hine hi n'wana wakwe, lweyi amubekiki kuva mudi wapfindla dra mintxhumu hinkwayu, lweyi na kone avumbiki misava ha Yene.