Yohana 5:19 - Testamente Ledrimpswha ni Mapsalma

¹⁹ Hileswo-ke Yesu angavayangula, aku: Nihlayelamfuri nili ku n'wine, a N'wana angaswikoti a kutisungulela atira ntxhumu loko angavoni Tatana lweyi aswitiraka; hikuva leswi lweyo aswitiraka, na yene n'wana aswitirisa xiswoswo.

Yohana 5:19 Referans Kwoze

Yohana 12:49

Hikusa anivulavulanga ha vuswanga, kambe lweyi anirumiki, anga Tatana ha vuswake, anileleti leswi nifanelaka ku n'witivisa ni ku swihlaya.

Yohana 8:28

Hilahu Yesu angaku ku vone: Loko n'witava n'witlakuxi N'wana wa Mhunu, hi kone n'witakativa leswaku hi mine lweyi, kutani na swone n'witativa leswaku aniyentxi ntxhumu hi kurandra kwanga. Kambe nihlaya leswo hi laha Tatana anidondrisiki ha kone.

Yohana 14:10

Xana awupfumeli leswaku ni le ku Tatana, ni leswaku Tatana ale ku mine xana? Leswi nin'wibyelaka swone, aniswihlayi ha vuswanga. Tatana lweyi anga ku mine hi yene atiraka mintiro.

Yohana 10:18

A kuna mhunu lweyi anganitekelaka byone. Mine nibyinyika hi kurandra kwanga. Nini ntamu wa kubyinyiketa, ni ntamu wakutlhela nibyikuma. Hi swoleswi Tatana wanga anileletiki kuyentxa swone.

Rm 8:11

Hakunene loko n'wili ni Moya wa lweyi angapfuxa Yesu aku feni, yelweyi kunene a pfuxiki Kriste Yesu aku feni atahanyisa miri yenu leyi mi faka, hinkonta ya Moya wakwe lowu trhamaka ku n'wine.

Yohana 9:4

Hifaneli kutira mintiro ya lweyi anirumiki, na dambu dringasangana pela; a vusiku byata, lebyi mhunu atakava angahakoti kutira hikola ka byone.

Lk 21:15

hikusa mine nitan'winyika nomu ni vutlhari lebyi a valala venu hinkwavu vatakahluleka kubyikaneta ni kuyangula ntxhumu.

Yohana 5:21

Swanga hi leswi Tatana apfuxaka vafi, atlhela avanyika vutomi, hi swoswo na yene N'wana, anyika vutomi ku lava arandraka kuvanyika.

II Kor 5:10

Hikusa swifanelile leswaku hinkweru hita ya tikombisa mahlweni ka huvu ya kuyavanyisa ya Kriste, leswaku mun'wana-ni-mun'wana ayamukela mayelana ni leswi nene kumbe leswakubiha aswiyentxiki, akuhanyeni kwake lani misaveni.

Yohana 3:3

Yesu amuyangula, aku: Nihlayelamfuri nili ku wene, akuna mhunu lweyi angavonaka Mfumu wa Xikwembu Nkulukumba, loko angatlhelanga apswaliwa hi vumpswha

Mpfuletelo 2:23

Nitadlaya a vana vakwe hi lifu. Kutani a makereke hinkwawu mataswitiva leswaku hi mine lweyi akambisisaka miyanakanyu ni timbilu ta vhanu, mfuri nitan'winyika, mun'wana-ni-mun'wana hi kulandra a mintiro yenu.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

Va-le-Kolosa 1:16

Kavi ha yene kuvumbiwiki hinkwaswu leswinga tilweni ni leswinga misaveni, leswi voniwaka ni leswinga voniwikiki, swingava swiluvelo kumbe minfumu, kumbe ni vundruna, ni mintamu ya le henhla. Hinkwaswu switumbuluxiwi ha Yene, i swake.

Va-le-Filipiya 4:13

Ningaswikota ku hinkwaswu ku lweyi anitiyisaka.

Va-le-Filipiya 3:21

Yene ataka ndruluta miri yeru ya kutrongahateka, akuva mifana ni miri yake ya kuphatima, hi ntamu lowu ha wone aswikotaka kubeka hinkwaswu hansi kwake.

Ef 3:16

akuva an'winyika kuphatima hi nhlengwe yake, nikuva n'witiyisiwa ni kuseketeliwa hi Moya wakwe, ku mhunu wa le ndreni.

Ef 2:5

Na hine afa hi file a swihonweni sweru, a hinyiki vutomi kun'we na Kriste, hi timpswalu n'wine n'wihuluxiwile,

II Kor 4:14

na hiswitiva leswaku lweyi apfuxiki Hosi Yesu, na hine ata hipfuxa na Yesu, akuva ahi tlhanganisa na n'wine.

I Kor 15:12

Ke loko kureriwa leswaku Kriste apfukile kufeni, xana hayini van'we ku n'wine vahlaya leswaku akuna kupfuxiwa ka vafi?

Rm 6:4

Hilahliwi kun'we na Yene, hi Babatiso ku lifu, akuva, swanga hi leswi Kriste apfuxiwiki akufeni hi kuphatima ka Tatana, na hine hi famba hi vutomi lebyi byimpswha.

Mintiro Ya Vapostola 2:24

Kambe Xikwembu Nkulukumba amupfuxile akufeni, amuntrhunxa ku ntamu wa lifu, hikusa afa swingakoteki leswaku ahluliwa hi lifu.

Yohana 2:19

Yesu avayangula, aku: Hahlulani a Tempele ledri, kutani mine nitadripfuxa ha masiku mararu.

I Tsl 4:14

Hikusa, loko hi pfumela leswaku Yesu afile ni leswaku apfukile kufeni, xileswi na kone lava vayetleliki ku Yesu Xikwembu Nkulukumba atavabuyisa kun'we na Yene.

Va-le-Kolosa 1:11

n'witiyisiwa hi kutiya hinkwaku, hikola ka ntamu wakutwala kwake, akutiyiseleni hinkwaku n'wilehisa mbilu ni kutrhava.

Mt 26:39

Kutani aya kulenyana, awa a hansi hi liso, akhongota aku: Tatana wanga, loko swikoteka, a ntrheko lowu awuhundre kule na mine; kambe kungayentxiwe a kurandra kwanga, akuyentxiwe a kurandra kwaku.

Yohana 6:38

Hikusa nixiki hi le Tilweni, kunge kutatayentxa kurandra kwanga, kambe kuli kurandra ka lweyi anirumiki.

Yohana 12:50

Kutani nitiva leswaku akuleleta kwake i vutomi lebyi byingahelikiki. Swoswi, leswi niswihlayaka, niswihlaya hi laha Tatana anibyeliki ha kone.