Yohana 3:5 - Testamente Ledrimpswha ni Mapsalma

⁵ Yesu ayangula, aku: Nihlayelamfuri nili ku wene, loko mhunu angapswaliwi hi mati ni Moya, angaka anganhingeni Mfun'wini wa Xikwembu Nkulukumba.

Yohana 3:5 Referans Kwoze

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Ef 5:26

Ayentxi leswo akuva adrihlawulekisa ni kudri basisa hi mati ni hi ritu drakwe,

I Ptr 3:21

lawa na n'wine, swanga xikombiso xa babatiso, man'wihuluxaka swoswi, kungali kususa nxambya ya nyama, kambe kuli kudjulela Xikwembu Nkulukumba a lipfalu ledrinene hikola ka kupfuka-kufeni ka Yesu Kriste,

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

Mt 3:11

Mine nin'wibabatisa hi mati, leswaku n'windruluka; kambe lweyi ataka ntrhaku kwanga, awanitlula hi ntamu, mine ningafanelikiki kurwala tintangu takwe; hi Yene lweyi atakan'wibabatisa hi Moya wa Kuxwenga ni hi ndrilo.

Yohana 3:3

Yesu amuyangula, aku: Nihlayelamfuri nili ku wene, akuna mhunu lweyi angavonaka Mfumu wa Xikwembu Nkulukumba, loko angatlhelanga apswaliwa hi vumpswha

Marka 16:16

Lweyi apfumelaka, ava ababatisiwa, atahuluka, kambe lweyi angapfumelikiki, atayavanyisiwa.

I Kor 2:12

Nakone hine ahiyamukelanga moya wa misava leyi, kambe hiyamukeli a Moya wa Xikwembu Nkulukumba, akuva hitiva a mintxhumu leyi Xikwembu Nkulukumba ahinyikiki;

Yohana 1:13

lava vangapswaliwangakiki hi ngati, nambi kukurandra ka nyama, nambi kukurandra ka wanuna, kambe vapswaliwiki hi kurandra ka Xikwembu Nkulukumba.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

I Yhn 2:29

N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

Gl 6:15

Akuva ni soka kumbe ni nga soki, aswipfuni ntxhumu; swipfuna kuva ni vutomi lebyi byimpswha.

Rm 14:17

Hileswo-ke, a Mfumu wa Xikwembu Nkulukumba ahi mhaka ya swakuda ni swakunwa, kambe i mhaka ya kululama, kurula ni kutrhava loku pfaka ku Moya wa Kuhlawuleka.

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Mt 18:3

aku: Nihlayelamfuri nili ku n'wine: Loko n'wingandruluki n'wiva swanga hi vatrongwana, n'wingaka n'winganhingeni a Mfun'wini wa Matilo.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

Mintiro Ya Vapostola 3:19

Hileswo-ke, tisolani n'windruluka, akuva swidoho swenu switimiwa,

Lk 13:3

Im'hi, nili ku n'wine kambe loko n'wingandruluki, n'witasuvisa xiswoswo na n'wine.

Mt 5:20

Hikusa nan'wibyela, nili: Loko n'wine n'wingatluli a vandondrisi va Nawu ni vafarisi hi kululama, n'wingaka n'winganhingeni a Mfun'wini wa Matilo.

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

Lk 13:24

Khinyelani kunhingena hi nyangwa leyi ya kukhuma hikusa nan'wibyela, lava vanyingi vatadjula kunhingena kambe vatahluleka.

Lk 13:5

Im'hi, nili ku n'wine kambe loko n'winga ndruluki, n'witasuvisa xiswoswo hinkwenu.

Mt 19:24

Nan'wibyela na kone leswaku swanabyala akuva a kamela drinhingena hi moya wa ximari, kutlula loko a mufuyi anhingena a Mfun'wini wa Xikwembu Nkulukumba.

Mt 21:31

Hi wini ku lava vabiri ayentxiki a kurandra ka tatana wakwe? Vamuyangula vaku: Hi lweyi wa kusungula. Kutani Yesu aku ku vone: Hikusa nihlayelamfuri nili ku n'wine: A vahlengisi ni vavasati va vumbuye vatan'wirangela kunhingena a Mfun'wini wa Xikwembu Nkulukumba.

Marka 9:47

Ni loko a tihlu draku drikudohisa drisuse. I swahombe unhingena a Mfun'wini wa Xikwembu Nkulukumba na una tihlu drin'we ntsena, kutlula loko una mahlu mabiri utxukumetiwa kheleni,

Marka 10:14

Yesu atiki aswivona, asola, aku ku vone: Trikani a vatrongwana vata ku mine, n'wingavatsimbeni hikusa a Mfumu wa Xikwembu Nkulukumba i wa volava vafanaka na vone.

Yohana 3:4

Nikodema aku ku yene: Loko mhunu aduhwalile, swingayentxisa kuyini a kutlhela apswaliwa xana? Xana angaswikota kutlhelela ndreni a khurini dra mamana wakwe, atlhela apswaliwa ka vubiri xana?

I Kor 15:50

Kutani swoswi, vamakweru, nihlaya leswaku a nyama ni ngati aswina kuswikota a kuyamukela a pfindla dra Mfumu wa Xikwembu Nkulukumba, ni kubola, akuna kuswikota a kuyamukela a pfindla dra kuka-kubola.