Yohana 3:34 - Testamente Ledrimpswha ni Mapsalma

³⁴ Lweyi arumiwiki hi Xikwembu Nkulukumba, ahlaya maritu ya Xikwembu Nkulukumba, hikusa Xikwembu Nkulukumba amunyiki Moya kunge ha mpimu.

Yohana 3:34 Referans Kwoze

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

Mt 12:18

Hi lweyi a nandra wanga, lweyi nimuhlawuliki, a murandriwa wanga, lweyi a hika dranga dringatrhavela yene. Nitabeka a Moya wanga a henhla kwake, yene atativisa a va-Matiko a kuyavanyisa.

Va-le-Kolosa 2:9

Hikusa Xikwembu Nkulukumba akone hi kuhetiseka ku Kriste, hi Xivumbeko xa miri,

Yohana 5:26

Swanga hi leswi Tatana, ha vuswake angani vutomi, hi ndlela yoleyo anyiki N'wana kuvani vutomi na yene, ha vuswake.

Lk 4:18

A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;

Va-le-Kolosa 1:19

Hikusa avi kurandra ka Xikwembu Nkulukumba leswaku akuhetiseka hinkwaku kutrhama ku Yene,

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

Yohana 7:16

Yesu avayangula, aku: A dondro leyi niyidondrisaka, ahi yanga, kambe i ya lweyi anirumiki.

Yohana 3:17

Xikwembu Nkulukumba angarumanga N'wanakwe misaveni akuta yavanyisa misava, kambe afa ayentxela leswaku misava mihuluxiwa hi yene.

Yohana 1:16

Kutani hi ntalo wa timpswalu takwe, hine hinkweru hiyamukeli timpswalu henhla ka timpswalu.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Yohana 8:47

Lweyi apfaka ku Xikwembu Nkulukumba ayingela maritu ya Xikwembu Nkulukumba. Leswi swiyentxaka leswaku n'wingayingeli, hileswaku an'wi va Xikwembu Nkulukumba.

Mpfuletelo 22:1

Kutani yini kombi nfula wa mati ya vutomi, lowu vangamaka swanga hi xivonivoni, na wu huma xiluvelweni xa Xikwembu Nkulukumba ni xa Hambana.

Yohana 16:7

Kambe nan'wibyela xihlayelamfuri nili i swinene ku n'wine akuva ni muka, hikuva loko ningamuki, a Mutxhaveleli angaka angati ku n'wine; Kasi loko nisuka ku n'wine, nitan'wirumela yene.

Mpfuletelo 21:6

Atlhela nangweso aku ku mine: Swiyentxekile. Ni Alfa na Omega, masungulo ni vugamu. Ku lweyi angani tora, nita muhanana hi timpswalu kunwa hi timpswalu, a mati ya nhlovo ya vutomi.

Yohana 8:40

Kambe swoswi n'widjula kunidlaya, mine nin'wibyeliki xihlayelamfuri lexi nixiyingeliki ku Xikwembu Nkulukumba! Leswo Abrahamu angaswiyentxanga.

Mintiro Ya Vapostola 1:2

kukondra kuyatlhasa a siku ledri angatekeliwa a henhla-henhla, loko aleletile hi Moya wa Kuxwenga a vapostola lava afaka avalangile;