Yohana 3:25 - Testamente Ledrimpswha ni Mapsalma

²⁵ Kutani kuhumelela kukanetana amakari ka vadondrisiwa va Yohana ni mun'we wa mu-Yuda, amhakeni ya swakubasisiwa.

Yohana 3:25 Referans Kwoze

Yohana 2:6

Afa kuni tihotro ta ribye ta ntlhanu ni yin'we leti va-Yuda afaka vatitirisela kuhlamba mandla hi xitoloveto xa vukhongoti byavu. Yin'wana ni yin'wana afa yiteka dzana dra mimpimu ya mati.

Va-Heberu 6:2

a dondro ya kutrakamisa, ni ya kutlhanteka mavoko, ni ya kupfuxiwa ka vafi; ni ya kuyavanyisa loku kungahelikiki.

Mt 3:11

Mine nin'wibabatisa hi mati, leswaku n'windruluka; kambe lweyi ataka ntrhaku kwanga, awanitlula hi ntamu, mine ningafanelikiki kurwala tintangu takwe; hi Yene lweyi atakan'wibabatisa hi Moya wa Kuxwenga ni hi ndrilo.

I Ptr 3:21

lawa na n'wine, swanga xikombiso xa babatiso, man'wihuluxaka swoswi, kungali kususa nxambya ya nyama, kambe kuli kudjulela Xikwembu Nkulukumba a lipfalu ledrinene hikola ka kupfuka-kufeni ka Yesu Kriste,

Va-Heberu 9:23

Swidjulekile kolahu leswaku aswifaniso swa mintxhumu ya le tilweni swibasisiwa hi mayentxela lawo. Kambe a swa le tilweni swone hi ntshima swifanekeli kubasisiwa hi timhamba leti titlulaka leto.

Va-Heberu 9:10

leswi kun'we ni swakuda, ni swakunwa, ni mahlambela ya tinxaka-xaka, minga ntsena milawu ya vumhunu leyi mibekiwiki kutlhasa a nkama switaka ndrulutiwa hinkwaswu.

Marka 7:8

N'wine n'witrika a nawu wa Xikwembu Nkulukumba, mibekisa a tidondro ta vhanu.