Yohana 3:19 - Testamente Ledrimpswha ni Mapsalma

¹⁹ A kuyavanyisa hi loku: A kuvaninga kuti misaveni, kambe vhanu varandri munyama kutlula kuvaninga, hikusa mintiro yavu afa mibihile.

Yohana 3:19 Referans Kwoze

Yohana 8:12

Kutani Yesu atlhela avulavula navu, aku: Hi mine livaningo dra misava. Lweyi anilandraka angaka angafambi munyameni, kambe atava ni livaningo dra vutomi!

II Tsl 2:12

Xileswo kuyentxiwa yavanyisiwo dra lava vangapfumelangakiki ku xihlayelamfuri, kambe valangi kuyentxa vubihi.

Rm 2:8

Kambe atavanyika xikhatiso lexakunono'wha lava vamupfukelaka ni lava vangamupfumelikiki hi xihlayelamfuri, kambe valandrelela vubihi.

Yohana 12:43

Hikusa varandri kutwalisiwa hi vhanu kutlula kutwalisiwa hi Xikwembu Nkulukumba.

Rm 1:32

Lava vativaka leswi swinene swa Xikwembu Nkulukumba (hileswaku hinkwavu lava hanyisaka xileswi vafanekeliwa hi lifu). Avayentxi leswo ntsena kambe vakokela ni van'wana a kuyentxa swakufana

Yohana 5:44

Xana n'wingapfumelisa kuyini leswi n'wirandraka kutwalisana, n'wingadjuli kutwalisiwa loku pfaka ku Xikwembu Nkulukumba ha swake?

II Ptr 3:3

Akusungula ka hinkwaswu n'wifanela kutiva leswaku masikwini ya vugamu kuta humelela vhanu, avahleki ni swisandri swavu, vatifambela mayelanu ni kunavela kwavu

Yohana 1:4

Ku drone afa kuli ni vutomi kutani vutomi afa byili kuvaninga ku vhanu.

Lk 12:47

A nandra lweyi ativaka a kurandra ka n'winyi wakwe, ava angabekisi, anga yentxi kurandra kwake, atakhatisiwa ngopfu.

I Ptr 2:8

na swone: Ribye dra kukhunguvanyisa, ni ribye dra kudohisa; vone lava vakhunguvanyeka aritwini, na vangayingiseti nambi ku leswi vakongomiseliwiki swone.

Yohana 7:7

A misava mingaka mingan'wivengi, kambe mine manivenga, hikusa nitiyisa vumboni bya leswaku mintiro ya yone mibihile.

Yohana 7:17

Loko mhunu anavela kuyentxa kurandra ka Xikwembu Nkulukumba, atativa dondro leyi leswaku yihuma ku Xikwembu Nkulukumba, kumbe nivulavula leswi swinga swanga ntsena.

Lk 16:14

A Vafarisi vanga varandri va mali, afa vayingela hinkwaswu leswo, vahleka Yesu.

Yohana 1:5

A livaningo dritivonekisi munyameni, kutani munyama awudrihlulanga.

Yohana 9:5

Loko nahali misaveni ni kuvaninga ka misava.

Yohana 12:31

Swoswi a misava leyi mikari mayavanyisiwa, kutani mufumi wa misava leyi swoswi atahlongoliwa.

Yohana 12:46

Mine ni kuvaninga, kutani nitile misaveni akuva mun'wana-ni-mun'wana lweyi apfumelaka ku mine, angatrhami munyameni.