Yohana 3:13 - Testamente Ledrimpswha ni Mapsalma

¹³ Akuna mhunu lweyi asamaka antlhantukela Tilweni, loko ange kuva lweyi axikiki hi le Matilweni, anga N'wana wa Mhunu.

Yohana 3:13 Referans Kwoze

Yohana 6:38

Hikusa nixiki hi le Tilweni, kunge kutatayentxa kurandra kwanga, kambe kuli kurandra ka lweyi anirumiki.

Mintiro Ya Vapostola 2:34

Hikusa ahi yene Davida lweyi antlhantukeliki Tilweni, kambe yene ahlayi aku: A Hosi yiti ku Hosi yanga: Trhamisa axineneni xanga,

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

I Kor 15:47

A mhunu wa kusungula, avumbiwiki kusukela amisaveni, i wa misava, a mhunu wa vubiri i wa tilo.

Yohana 13:3

Yesu, hikutiva leswaku Tatana abeki hinkwaswu amahlweni kwake, ni leswaku ahumi ku Xikwembu Nkulukumba, na swone aya ku Xikwembu Nkulukumba.

Rm 10:6

Kambe akululama loko ku fambelanaka ni kupfumela, ahlaya xileswi: Ungahlayi a mbilwini yaku uku: Hi mani lweyi angakotaka kuntlhantukela tilweni? (i nga leswaku, kuyentxa leswaku Kriste abuya);

Yohana 6:62

Switakuyini, a siku n'witaka vona N'wana wa Mhunu antlhatukela lomu afaka ekone khale xana?

Yohana 3:31

Lweyi apfaka henhla, ale henhla ka hinkwavu; lweyi ahumaka misaveni, i wa misava, kutani akhanela hi swa misava. Lweyi apfaka Tilweni, ale henhla ka hinkwavu.

Yohana 6:46

Ahileswaku kuni mhunu lweyi asamaka avona Tatana, loko ntsena ange lweyi ahumaka ku Xikwembu Nkulukumba avoniki Tatana.

Yohana 6:42

Kutani vaku: Xana lweyi ahi yene Yesu n'wana Yosefa, lweyi hi tivaka tatana wakwe ni mamana wakwe xana? Kutani swoswi ahlayisa kuyini, loko aku: Nixiki hi le Tilweni.

Yohana 17:5

Swoswi, nitwalise, we Tatana, amahlweni kwaku hi kutwala loku afaka nili nakone ku wene, na misava mingasiva kone.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Yohana 6:51

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Yohana 6:33

Hikusa a kati dra Xikwembu Nkulukumba hi ledri drixikaka hi le Tilweni, na drinyikaka a vutomi misava.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mt 28:20

n'wivadondrisa a kubekisa hinkwaswu leswi nin'wileletiki swone. Na swone lavisani, mine nina n'wine masiku hinkwawu kukondra kuhela a minkama.

Ef 1:23

Drone inga miri yake, ni kuhetisekisa ka lweyi ahetiseka ka hinkwaswu ka hinkwavu.

Mt 8:20

Yesu amuyangula aku: A mabuwana mani mimpala, ni tinyanyana ta tilo tini vusaka, kambe a N'wana wa Mhunu angana lomu angadamaka nhloko yake kone.

Yohana 3:12

Leswi n'wingapfumelikiki loko nin'wibyela hi swa la misaveni, xana n'witapfumelisa ku yini loko nin'wibyela hi swa le Tilweni xana?