Yohana 3:11 - Testamente Ledrimpswha ni Mapsalma

¹¹ Nihlayelamfuri nili ku wene, hine hi khanela hi leswi hiswitivaka, kutani hihamba vumboni bya leswi hiswivoniki; kambe an'widjuli kuyamukela leswi niswihlayaka.

Yohana 3:11 Referans Kwoze

Yohana 8:38

Mine nikhanela hi leswi niswivoniki ku Tatana, kambe n'wine n'wiyentxa leswi n'wiswiyingeliki ku Tatana wenu.

Yohana 14:24

Lweyi anganirandrikiki, angabekisi maritu yanga; kutani a ritu ledri n'widriyingelaka, ahidranga, kambe i dra Tatana lweyi anirumiki.

Yohana 12:49

Hikusa anivulavulanga ha vuswanga, kambe lweyi anirumiki, anga Tatana ha vuswake, anileleti leswi nifanelaka ku n'witivisa ni ku swihlaya.

Yohana 8:14

Yesu avayanguli, aku: Ni loko nitihambela vumboni, a vumboni byanga byitiyile, hikusa nitiva lomu nihumaka kone; kambe n'wine an'witivi lomu nihumaka kone, ni lomu niyaka kone.

Yohana 7:16

Yesu avayangula, aku: A dondro leyi niyidondrisaka, ahi yanga, kambe i ya lweyi anirumiki.

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

Yohana 1:11

Atile ku va le kwavu, kambe avamuyamukelanga.

Lk 10:22

Hinkwaswu ninyikiwi ha Tatana. Nakone akuna mhunu lweyi ativaka lweyi N'wana anga yene, loko ange Tatana: nambi lweyi Tatana anga yene, loko ange N'wana, ni lweyi a N'wana arandraka kumupfuletela yene.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mintiro Ya Vapostola 22:18

Kutani lweyi afaka akhanela aku ku mine: Hangwesa uhuma Yerusalema, hikusa vangatiyamukela a vumboni byaku ha mine.

Yohana 5:43

Mine nitile hi vito dra Tatana wanga, kambe an'winiyamukeli; kasi loko mun'wana angata hi vito drakwe, lweyo n'witamuyamukela.

Yohana 3:13

Akuna mhunu lweyi asamaka antlhantukela Tilweni, loko ange kuva lweyi axikiki hi le Matilweni, anga N'wana wa Mhunu.

Yohana 3:5

Yesu ayangula, aku: Nihlayelamfuri nili ku wene, loko mhunu angapswaliwi hi mati ni Moya, angaka anganhingeni Mfun'wini wa Xikwembu Nkulukumba.

Yohana 3:3

Yesu amuyangula, aku: Nihlayelamfuri nili ku wene, akuna mhunu lweyi angavonaka Mfumu wa Xikwembu Nkulukumba, loko angatlhelanga apswaliwa hi vumpswha

Mt 23:37

Yerusalema, Yerusalema, udlayaka a vaprofeta uva ukhandlatela hi maribye a varumiwa ku wene! Ha kangani nirandriki kuhlengeleta a vana vaku swanga hi huku leyi yihlengeletaka a switxuwana ahansi ka timpapa! Kambe wene awuswidjulanga!

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

Mpfuletelo 3:14

Ku ntrumi ya kereke ledri dringa Lawodikiya trala uku: Lweyi anga Amen, a mboni leyi ya kudumbeka ni ya xihlayelamfuri, masungulu ya ntiro wa vutumbuluxi wa Xikwembu Nkulukumba, ahlaya leswi:

Yohana 3:12

Leswi n'wingapfumelikiki loko nin'wibyela hi swa la misaveni, xana n'witapfumelisa ku yini loko nin'wibyela hi swa le Tilweni xana?

Yohana 8:26

Afa nini leswi swinyingi ningaswihlayaka ni kuswiyavanyisa ahenhla kwenu. Kambe lweyi anirumiki i xihlayelamfuri ha vuswake; kutani leswi niswiyingeliki ku yene, nitivisa misava.