Yohana 21:17 - Testamente Ledrimpswha ni Mapsalma

¹⁷ Atlhela aku ku yene dra vuraru: Simoni, n'wana Yohana, xana wanirandra xana? Petrosi avaviseka hi mhaka ya leswi amuvutisiki dra vuraru aku: Xana wanirandra xana? Kutani aku ku yene: Hosi, utiva hinkwaswu, waswitiva leswaku nakurandra. Yesu aku ku yene: Byisa tihamba tanga.

Yohana 21:17 Referans Kwoze

Yohana 13:38

Yesu amuyangula, aku: Xana unganyiketa vutomi byaku hikola kwanga? Nihlayelamfuri nili ku wene, loko nkuku wungasina dringa, utava unilandruli kuraru.

Marka 14:72

Hi nomu lo a nkuku wuyimba ka vubiri. Petrosi ahangadrimuka a maritu ya Yesu lawa yaku: A nkuku wungasinayimba utava unilandruli kuraru. Kutani atlhaveka, adrila.

Yohana 16:30

Swoswi hayingelisisa leswaku utiva hinkwaswu, kolahu aswifaneli leswaku mhunu akuvutisa ntxhumu. Hikola ka leswo, hapfumela leswaku upfa ku Xikwembu Nkulukumba.

Mpfuletelo 2:23

Nitadlaya a vana vakwe hi lifu. Kutani a makereke hinkwawu mataswitiva leswaku hi mine lweyi akambisisaka miyanakanyu ni timbilu ta vhanu, mfuri nitan'winyika, mun'wana-ni-mun'wana hi kulandra a mintiro yenu.

Ef 4:30

Minga hlundrukiseni Moya wa Xikwembu Nkulukumba, lowu n'wingafungiwa ha wone ku siku dra kutiruliwa.

Mintiro Ya Vapostola 15:8

Na swone, Xikwembu Nkulukumba lweyi ativaka timbilu ta hinkwavu akombisi vumbilu ku vone hi kuvanyika Moya wa Kuxwenga swanga hi leswi angahinyika na hine.

Yohana 15:10

Loko n'wibekisa milawu yanga, n'witatrhama alirandrwini dranga, swanga hi leswi na mine nibekisiki milawu ya Tatana wanga, kutani nitrhami lirandrwini drakwe.

Yohana 14:15

Loko n'winirandra, n'witabekisa milawu yanga.

II Ptr 3:1

Varandriwa, ledri i papela dra vubiri ledri ni n'witralelaka; ku wone, nidjulisisa kupfuxeta mimpimiso yenu leyinene hi swidrimuxo,

I Ptr 1:6

Ku leswo, n'wini kutrhava kukulu, nambi leswi swoswi, n'wahavavisekaka kutrongo, loko swidjuleka, hinkonta ya mindringo ya tinxaka-xaka,

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

Mintiro Ya Vapostola 1:24

Kutani vakhongota vaku: Hosi, wene utivaka a mbilu ya mun'wana-ni-mun'wana, hikombe ku lava vabiri, lweyi umuhlawuliki,

Yohana 18:27

Petrosi atlhela ayala; hi nomu-lo a nkuku wudringa.

Yohana 18:4

Yesu, hi kutiva hinkwaswu leswi switakamuhumelela, ahuma aya ku vone, aku: N'widjula mani xana?

Yohana 12:8

Hikusa a swisiwana, minaswu masiku hinkwawu; kambe mine n'wingavena mine masiku hinkwawu.

Mt 25:40

Kambe a HOSI yitavayangula yiku ku vone: Nihlayelamfuri nili ku n'wine: Loko n'wiswiyentxi ku mun'we amakari ka vamakweru lava vatrongo, lava, n'wiswiyentxi ku mine.

Mpfuletelo 3:19

Mine nikhwavela niva nikhata lava nivarandraka, hileswo-ke, ufanela a kukhinyela na utisola!

Yohana 21:18

Nihlayelamfuri nili ku wene: Loko wehe mumpswha, afa utitrimba bandi ha swaku, utifambela lomu ukurandraka. Kambe loko utava uduhwalile, utanalavuta mavoko yaku, kutani mun'wana atakutrimba akufambisa lomu ungakurandrikiki.

Yohana 4:16

Yesu aku ku yene: Famba, uya vitana nuna waku, n'wita halenu.

Mintiro Ya Vapostola 11:10

Swihumelela kuraru, kutani hinkwaswu switlheliseliwa tilweni.