Yohana 20:17 - Testamente Ledrimpswha ni Mapsalma

¹⁷ Yesu aku ku yene: Unganikhumbe, hikusa anisintlhantukela ku Tatana. Kambe famba ku vamakweru uyavabyela leswaku nintlhantukela ku Tatana wanga ni Tatana wenu, ku Xikwembu Nkulukumba wanga, ni Xikwembu Nkulukumba wenu.

Yohana 20:17 Referans Kwoze

Yohana 16:28

Nisuki ku Tatana, nita misaveni; swoswi nitlhela nisiya misava, nimuka ku Tatana.

I Ptr 1:3

Akukhensiwe Xikwembu Nkulukumba, Tatana wa Hosi yeru Yesu Kriste, lweyi hikola ka lirere drakwe ledri drikulu ngopfu, ahitumbuluxiki ka vubiri, akuva hivani kulavisela loku kuhanyaka, hikola ka kupfuka ku lava vakufa ka Yesu Kriste amakari ka vafi,

Gl 3:26

Hileswo-ke n'wine hinkwenu n'wivana va Xikwembu Nkulukumba, hi kupfumela ku Kriste Yesu.

Yohana 17:11

A nehe misaveni, kasi vone vahali lani misaveni; mine niya ku wene. Tatana wa kuxwenga vabekise avitweni draku lava unihananiki vone akuva vava mun'we swanga ha hine.

I Yhn 3:2

Varandriwa, swoswi hi vana va Xikwembu Nkulukumba, kambe leswi hitakava xiswone aswinakukombisiwa. Kambe haswitiva leswaku loko Yene ahumelela hita fana na Yene, hikusa hita muvona swanga hileswi anga swone.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Marka 16:19

Ntrhaku kakuva akhaneli ni vadrondrisiwa, Hosi Yesu atekeliwi atilweni, ayatrhamisa axineneni xa Xikwembu Nkulukumba.

Mpfuletelo 21:3

Kutani ni yingeli ritu ledrikulu dripfa xiluvelweni driku: Lowu i ntronga wa Xikwembu Nkulukumba kun'we ni wa vhanu. Xikwembu Nkulukumba atatrhama navu, Kutani vone vatava tiko dra Xikwembu Nkulukumba. Yene Xikwembu Nkulukumba atava na vone.

II Kor 6:18

mine nitava tatana wenu, na n'wine n'witava vana vanga vava vanuna ni vavasati, kuhlaya Hosi ya ntamu hinkwayu.

Rm 8:29

Hikusa lava Xikwembu Nkulukumba afaka nana avahlawulile vabekiseli akuva vafana ni N'wana wa wakwe, akuva Yene ava n'wana wakusungula ku vamakwavu lavanyingi.

Yohana 17:25

Tatana, wa kululama! A misava yone amikutivanga, kambe mine nikutivile, ni volavu vaswitivile leswaku hi Wene unirumiki.

Mt 28:7

Na swone kahlulani n'wiyabyela a vadondrisiwa vakwe leswaku apfukile kufeni, vonani yene an'wirangela aya Galileya, hi lomu n'witakayamuvona kone. Hi swoleswo, nin'wibyelile.

Mt 12:50

Hikusa lweyi ayentxaka akurandra ka Tatana wanga lweyi anga Matilweni, lweyo i makweru waxinuna, ni makweru wa xisati ni mamana wanga.

Mpfuletelo 21:7

Lweyi ataka hlula atava mudi wapfindla wa mintxhumu leyi, mine nitava Xikwembu Nkulukumba wakwe, na yene atava n'wananga.

Va-Heberu 8:10

Hikusa lexi i xipfumelelanu lexi ni taka xiyentxa ni tiko dra Israyele ntrhaku ka masiku lawo, kuhlaya Hosi: Nita beka milawu yanga miyanakanywini yavu, na kone nita mitrala ni le timbilwini tavu. Nita va Xikwembu Nkulukumba wavu, na vone vatava tiko dranga.

Yohana 20:27

Kutani aku ku Tomasi: Tisa litiho halenu, ulavisa ni swiyandla swanga; nalavuta voko draku, udribeka reveni dranga. Ungahavi mukaneti, kambe vana mupfumeli!

Yohana 17:5

Swoswi, nitwalise, we Tatana, amahlweni kwaku hi kutwala loku afaka nili nakone ku wene, na misava mingasiva kone.

Yohana 14:28

N'wiswiyingelile leswi nin'wibyeliki niku: Nafamba, kutani nitatlhela nibuya ku n'wine. Loko afa n'winirandra, ana n'witrhavile leswi niyaka ku Tatana, hikusa Tatana i nkulu kutlula mine.

Yohana 14:2

A vutrhamu i byinyingi andlwini ya Tatana wanga; loko afa swinge tanu, ana nin'wibyelile; kutani niya n'wibekisela mbangu.

Yohana 13:3

Yesu, hikutiva leswaku Tatana abeki hinkwaswu amahlweni kwake, ni leswaku ahumi ku Xikwembu Nkulukumba, na swone aya ku Xikwembu Nkulukumba.

Yohana 13:1

Na nkhuvu wa Paska wungasangava kone, Yesu hi kutiva leswaku a nkama wakwe wa kusuka misaveni, aya ku Tatana, wutlhasile, leswi arandriki vhanu vakwe lana misaveni, avarandriki kuyatlhasa vugan'wini.

Yohana 7:33

Kolahu Yesu aku ku vone: Nahatava na n'wine nkamanyana, kutani antrhaku ka swone nitamuka ku lweyi anirumiki.

Lk 10:4

N'wingatekeni a nkwama, nambi yi hwama ni swifambu. Mfuri n'wingaloseni mhunu andleleni.

Mt 25:40

Kambe a HOSI yitavayangula yiku ku vone: Nihlayelamfuri nili ku n'wine: Loko n'wiswiyentxi ku mun'we amakari ka vamakweru lava vatrongo, lava, n'wiswiyentxi ku mine.

Va-Heberu 11:16

Kambe swoswi, vahlunyela tiko ledri yampswaka, hileswaku ledri drale tilweni. Hikolahu kaleswo, Xikwembu Nkulukumba angana tingana hikola kwavu, hikutivitana Xikwembu Nkulukumba wavu, hikusa ava bekiselile muti.

Marka 12:26

Kutani, mayelanu ni kupfuka-kufeni, xana an'wihlayanga abukwini dra Moxe, amhakeni ya nkun'hu ledri dra kupfura leswi Xikwembu Nkulukumba angakhanelisa xiswone na yene, aku: Mine ni Xikwembu Nkulukumba wa Abrahamu, ni Xikwembu Nkulukumba wa Yisaki, ni Xikwembu Nkulukumba wa Yakobe?