Yohana 19:30 - Testamente Ledrimpswha ni Mapsalma

³⁰ Loko Yesu anwi nhlowa lowo, aku: Swihetisekile. Kutani adjovota nhloko, anyiketa moya.

Yohana 19:30 Referans Kwoze

Yohana 17:4

Mine nikutwalisile la misaveni, nihetile a ntiro lowu uninyikiki wone akuva niwutira.

Va-le-Filipiya 2:8

Kutani, leswi akumekiki na a fana ni mhunu, atitrongohata ha vuswake, ayingiseta akuyatlhasa kufeni, ni lifu dra xihambano.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Yohana 10:11

Hi mine Mubyisi lweyi munene. A Mubyisi lweyi munene anyiketa vutomi byake hinkonta ya tihamba.

Lk 23:46

Yesu abandlukaniki hi ritu dra kutlakuka, aku: Tatana, ninyiketa moya wanga mavokweni yaku. Atiki ahlaya leswo, afa.

Rm 10:4

Hikusa akuhela ka nawu hi Kriste, akuva kuhlayiwa mululami lweyi apfumelaka ku Yene.

Yohana 19:28

Yesu, hi kutiva leswaku hinkwaswu swihetisekile, ahlaya, akuva tralwa drihetiseka, aku: Nini tora.

Marka 15:37

Kambe Yesu abongosiki, anyiketa a moya, kutani afa.

Yohana 10:18

A kuna mhunu lweyi anganitekelaka byone. Mine nibyinyika hi kurandra kwanga. Nini ntamu wa kubyinyiketa, ni ntamu wakutlhela nibyikuma. Hi swoleswi Tatana wanga anileletiki kuyentxa swone.

Yohana 4:34

Yesu aku ku vone: A swakuda swanga hi kuyentxa kurandra ka lweyi anirumiki, ni kuhetisa ntiro lowu anirumiki kuwuyentxa.

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Mt 27:50

Kutani Yesu kambe atlhela ayengesa abandlukana hi ntamu, anyiketa a moya wakwe, afa.

Va-Heberu 9:22

Mfuri hi nawu ingi hinkwaswu swibasisiwa hi ngati, a handle ka kuhalatiwa ka ngati, akuna kudrivaleliwa ka swidoho.

Rm 3:25

Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale;

Mt 3:15

Yesu ayangula aku: Swipfumeli swoswi, hikuva swifanekeli swoswo ku hine, hihetisa kululama hinkwaswu. Kutani Yohana apfumela.

I Kor 5:7

Txukumetani a handrelo ya khale, akuva n'windruluka mbila yimpswha, n'wiva lava vangalikina handrelo, hikuva na drone a Paska drenu dritlhabyiwile, anga Kriste.

Lk 22:37

Hikusa nan'wibyela nili: leswi swingatraliwa leswi swiliki: Ahlayiwi ni vadohi, swahafanekela kuhetiseka ku mine. Hikusa leswi swihlayiwiki ha mine swini kuhetiseka.