Yohana 19:11 - Testamente Ledrimpswha ni Mapsalma

¹¹ Yesu ayangula, aku: Afa ungativana ntamu ahenhla kwanga, loko afa unganyikiwanga wupfa Tilweni. Hikolahu, lweyi anganinyiketa ku wene, ani nandru lowu wuhundrisaka.

Yohana 19:11 Referans Kwoze

Rm 13:1

Hinkwavu vafanekela kuti beka hansi ka vafumi, hikusa akuna mfumu lowu wungahumikiki ku Xikwembu Nkulukumba. A mimfumu hinkwayu leyi minga kone mibekiwi hi Xikwembu Nkulukumba.

Yohana 3:27

Yohana ayangula, aku: A mhunu angaka angavina ntxhumu, loko angawunyikiwanga wupfa Tilweni.

Mintiro Ya Vapostola 2:23

anyiketiwi, hi kulandra makungu ni kuvona ka nkongometo wa Xikwembu Nkulukumba, kutani n'wine n'wimudlayile hi kumuvamba hi mavoko ya vadohi;

Mintiro Ya Vapostola 3:13

Xikwembu Nkulukumba wa Abrahamu, ni wa Yisaki, ni wa Yakobe; Xikwembu Nkulukumba wa vatatana veru adrumisi nandra wakwe Yesu, lweyi n'wine n'wingamunyiketa Pilatu ni kumulandrula amahlweni kwake. Kasi Pilatu afa amuyavanyiseli kutrhunxiwa.

Yohana 7:30

Kutani vadringisa kumukhoma, kambe akuvangana mhunu lweyi angayisa voko ku yene, hikusa a nkama wakwe afa wungasanganatlhasa.

Yakobe 1:17

Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.

Mt 6:13

Ungahiyise akudringiweni, kambe hihuluxe ku lwe mfani.

Yakobe 4:17

Kutani lweyo ni lweyo ativaka kuyentxa leswi swa hombe, ava angaswiyentxi, ku leswo ayentxa xidoho.

Rm 11:36

Hi leswaku hinkwaswu swipfi ku Xikwembu Nkulukumba ni hinkwaswu swi kone ha Yene na i swake. Ku Xikwembu Nkulukumba akuve lidrumo hi minkama. Ni minkama Amen.

Mintiro Ya Vapostola 4:28

Vatakahamba hinkwaswu leswi swibekisiwiki khale hi voko draku ni hi kungu draku.

Mt 27:2

Kutani vamuboha, vayamunyiketa ku Pilatu, mufuminyana.

Marka 14:44

A muwongi afa ayingelani na vone hi xikombiso lexi aku: Lweyi nitakamulosa hi kumunyunta hi yene, mukhomani n'wimufambisa hi kutiyisela.

Yohana 18:3

Yudasi atekiki ntlawa wa masotxha ni malandra man'wana ya vaprista lava vakulu ni ya vafarisi, vaya kone na vatameli mimotre, ni swisa, ni matlhari.

Yohana 9:41

Yesu aku ku vone: Loko afa n'wi va kufa mahlu, afa n'wingativana nandru; kambe swoswi, leswi n'wiliki: Havona, hi kone n'wingani nandru.

Lk 22:53

Afa nina n'wine masiku hinkwawu andlwini ya Hosi, an'wanikhomanga. Swakuva leswi a nkama lowu wunga wo wenu, ni ntamu wa munyama!

Mt 26:65

Hi kuyingela leswo a muprista lwenkulu ahandrula swiyambalu swake, aku: Asandrile! Hahadjulela yini a vumboni? N'wahakumuyingela swoswi loko asandra.

Yohana 18:13

Kutani varanga hi kumuyisa ku Anasi, lweyi afaka ali mukon'wana wa Kayafasi, muprista lwenkulu wa lembe ledro.

Yohana 19:10

Pilato aku ku yene: Xana awunibyeli ntxhumu? Xana awuswitivi leswaku nini ntamu wa kukuntrhunxa, ni ntamu wa kukuvamba xana?