Yohana 18:28 - Testamente Ledrimpswha ni Mapsalma

²⁸ Kutani vasuka na Yesu ku Kayafasi, vamuyisa ndlwini ya vufumi. Afa wehe mpundru swinene. Vone avanhingenanga ndlwini ya vufumi, akuva vangatitinyamisa, vatakota kuda Paska.

Yohana 18:28 Referans Kwoze

Yohana 19:9

Atlhela anhingena ndlwini ya vufumi, aku ku Yesu: Upfa kwini? Kambe Yesu angamuyangulanga ntxhumu.

Yohana 18:33

Pilato atlhela anhingena ndlwini ya vufumi, avitana Yesu, aku ku yene: Xana u Hosi ya va-Yuda xana?

Yohana 19:14

Afa dri siku dra kutibekisela Paska, a nkama afa wudjula kuva wa ntlhanu na mun'we Pilato ahangaku ku va-Yuda: Vonani, a Hosi yenu hi leyi!

Mt 27:27

A masotxha ya mufuminyana mateki Yesu mamuyisa andlwini ya vufumi, vamuhlengeletela a butrhu hinkwadru;

Mintiro Ya Vapostola 3:13

Xikwembu Nkulukumba wa Abrahamu, ni wa Yisaki, ni wa Yakobe; Xikwembu Nkulukumba wa vatatana veru adrumisi nandra wakwe Yesu, lweyi n'wine n'wingamunyiketa Pilatu ni kumulandrula amahlweni kwake. Kasi Pilatu afa amuyavanyiseli kutrhunxiwa.

Yohana 11:55

Afa nkhuvu wa Paska dra va-Yuda wu kusuhi; kutani lava vanyingi vapfa tikweni hinkwadru vantlhantukela Yerusalema vaya tibasisa na Paska dringasangana tlhasa.

Mintiro Ya Vapostola 11:3

vaku: Unhingeni andlwini ya vavanuna lava va kuka vangasokanga, uva uda navu!

Mintiro Ya Vapostola 10:28

Kutani Petrosi aku ku vone: N'waswitiva, n'wine hinkwenu, leswaku swayila ku wanuna wa mu-Yuda kutlhangana, kumbe kunhingena andlwini ya mhunu wa matiko. Kambe mine, Xikwembu Nkulukumba anikombisi leswaku aswifanelanga kuhlaya leswaku mhunu awayila, kumbe angabasanga.

Yohana 18:39

Kambe n'witoloveli leswaku nin'wintrhunxela mhunu mun'we hi nkama wa Paska. Xana n'widjula leswaku nin'wintrhunxela Hosi ya va-Yuda xana?

Lk 22:66

Byiku byaxa, a vakulu va tiko, a vaprista lava vakulu, ni vadondrisi va Nawu, vahlengeletana, vamuyisa hubyeni ya xi-Yuda.

Marka 15:16

A masotxha mamuyisa alinxonxeni andlwini ya vufumi, kutani va vitana kone a butrhu hinkwadru.

Yohana 18:13

Kutani varanga hi kumuyisa ku Anasi, lweyi afaka ali mukon'wana wa Kayafasi, muprista lwenkulu wa lembe ledro.

Yohana 18:15

Simoni Petrosi ni mudondrisiwa mun'wana afa valandrelela Yesu. A mudondrisiwa lweyo afa atibyiwa hi muprista lwenkulu, ahanganhingena hubyeni ya yindlu ya muprista lwenkulu na Yesu.

Yohana 19:11

Yesu ayangula, aku: Afa ungativana ntamu ahenhla kwanga, loko afa unganyikiwanga wupfa Tilweni. Hikolahu, lweyi anganinyiketa ku wene, ani nandru lowu wuhundrisaka.

Mintiro Ya Vapostola 4:27

Hikusa vatlhangani ha kunene, amutini lowu, kulwa ni Nandra waku lweyi wa kuxwenga, Kriste, lweyi umutotiki, vanga vone va Heroda na Ponciu Pilatu, kun'we ni va-Matiko ni tinxaka ta Israyele.

Mintiro Ya Vapostola 10:32

Hileswo-ke ruma vhanu le Yopa, kuyavitana Simoni, lweyi atxhuliwaka Petrosi. Yene ahambukeli ndlwini ya Simoni, mufuki wa swikhumba, lweyi atrhamaka kusuhi ni nkinga wa likhulu.