Yohana 17:8 - Testamente Ledrimpswha ni Mapsalma

⁸ Hikusa a maritu lawa uninyikiki nivanyiki wone; vamayamukelile, kutani vaswitivile leswaku kunene nihumi ku wene, vapfumelile leswaku nirumiwi hi wene.

Yohana 17:8 Referans Kwoze

Yohana 17:14

Nivanyiki ritu draku, kutani misava mivavengile, hikusa ahi va misava, swanga ha mine ningeke wa misava.

Yohana 15:15

Anahan'wihlayi malandra, hikusa a nandra angativi leswi n'winyi wakwe aswiyentxaka. Kambe nin'wihlayi vanakulori, hikusa nin'witivisi hinkwaswu leswi niswiyingeliki ku Tatana wanga.

Yohana 16:30

Swoswi hayingelisisa leswaku utiva hinkwaswu, kolahu aswifaneli leswaku mhunu akuvutisa ntxhumu. Hikola ka leswo, hapfumela leswaku upfa ku Xikwembu Nkulukumba.

Yohana 16:27

hikuva Tatana hi ntshima yake awan'wirandra hinkwenu hi leswi n'wine n'winirandriki, n'wiva n'wipfumela leswaku nipfi ku Xikwembu Nkulukumba.

I Tsl 2:13

Nakone ku leswo hi tlangela Xikwembu Nkulukumba, hikukhinyelela, hi kuva n'wiyamukeli ritu dra Xikwembu Nkulukumba hi kurera kweru, ledri driviki ritu ledri n'wiyamukeliki. Hikuva afaka dringe ritu dra vhanu, kambe afaka drili ritu dra xihlayelamfuri, ledri dritiraka ku n'wine vapfumeli.

I Yhn 4:14

Hine hiswivonile kutani hinyika vumboni bya leswaku Tatana arumi N'wana wakwe akuva Muhuluxi wa misava.

Yohana 17:21

akuva hinkwavu vava mun'we, swanga ha wene Tatana unga ku mine, na mine ninga ku wene, akuva na vone vava ku hine, kutani misava mitapfumela leswaku unirumile.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Yohana 14:10

Xana awupfumeli leswaku ni le ku Tatana, ni leswaku Tatana ale ku mine xana? Leswi nin'wibyelaka swone, aniswihlayi ha vuswanga. Tatana lweyi anga ku mine hi yene atiraka mintiro.

Yohana 12:49

Hikusa anivulavulanga ha vuswanga, kambe lweyi anirumiki, anga Tatana ha vuswake, anileleti leswi nifanelaka ku n'witivisa ni ku swihlaya.

Yohana 6:68

Simoni Petrosi ayangula aku ku yene: Hosi, hingaya ku mani xana? Uni maritu lawa manyikaka vutomi lebyi byingahelikiki.

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

I Kor 15:1

Vamakweru, nitlhela nin'witivisa a Ivangeli leyi nin'wirereliki yone, n'wiviki n'wiyiyamukela, n'witiya ku yone,

Yohana 17:23

Mine ku vone na Wene ku mine, akuva lava vahetisekiki, vava mun'we, kutani misava mitativa leswaku hi Wene unirumiki, ni leswaku uvarandrile swanga hi leswi unirandrisiki xiswone.

Yohana 17:18

Swanga heswi unirumiki misaveni, na mine nivarumi misaveni.

Mt 13:11

Avayangula aku: N'wine n'winyikiwi kutiva a swihundla swa Mfumu wa Matilo; kambe vone avanyikiwanga.

I Kor 11:23

Hikuva mine niyamukeli ku Hosi leswi na mine nin'winyiketiki, leswaku Hosi Yesu, hi vusiku lebyi angawongiwa ha byone, ateki a kati,

Yohana 3:33

A mhunu lweyi ayamukelaka vumboni byake, atiyisa leswaku Xikwembu Nkulukumba awadumbeka.

Yohana 3:17

Xikwembu Nkulukumba angarumanga N'wanakwe misaveni akuta yavanyisa misava, kambe afa ayentxela leswaku misava mihuluxiwa hi yene.

Yohana 17:3

Kambe a vutomi lebyi byingahelikiki hi byolebyi: leswaku vakutiva, wene unga Xikwembu Nkulukumba wa xihlayelamfuri, na Yesu Kriste lweyi umurumiki.

Mpfuletelo 1:1

Apfuletelo wa Yesu Kriste, lowu Xikwembu Nkulukumba amunyikiki, akuva akomba a malandra yake leswi switakahumelela ndreni ka nkamanyana, leswi aswitivisiki na arumeli hikola ka ntrumi yake, ku nandra wakwe Yohana,