Yohana 17:26 - Testamente Ledrimpswha ni Mapsalma

²⁶ Nivativisi vito draku, nahatavativisa, akuva lirandru ledri unirandriki ha drone, driva ku vone, na mine niva ku vone.

Yohana 17:26 Referans Kwoze

Yohana 17:23

Mine ku vone na Wene ku mine, akuva lava vahetisekiki, vava mun'we, kutani misava mitativa leswaku hi Wene unirumiki, ni leswaku uvarandrile swanga hi leswi unirandrisiki xiswone.

Yohana 17:6

Nivonekisi vito draku amahlweni ka vhanu lava uninyikiki vone, uvahlawuliki misaveni; afa vali vaku; uninyiki vone, kutani vabekisi ritu draku.

Yohana 15:9

Swanga hi leswi Tatana anirandriki, na mine nin'wirandrile; trhamani a lirandrwini dranga.

Va-Heberu 2:12

aku: Nitakhanela hi vito draku ku vamakweru: Nita yimbelela hi tinsimu ta swidrumiso amakari ka nhlengeletanu.

Yohana 15:15

Anahan'wihlayi malandra, hikusa a nandra angativi leswi n'winyi wakwe aswiyentxaka. Kambe nin'wihlayi vanakulori, hikusa nin'witivisi hinkwaswu leswi niswiyingeliki ku Tatana wanga.

Yohana 14:20

Hi siku ledro, n'witativa leswaku ni le ku Tatana, na n'wine n'wile ku mine, na mine ni le ku n'wine.

Yohana 15:4

Trhamani ku mine, na mine ku n'wine. Swanga hi leswi likambu dringakotikiki kubeka mihandru ha swadrone loko dringatrhami ansinyeni, na n'wine an'wina kuswikota kubeka mihandru, loko n'winga trhami ku mine.

Ef 5:32

A xihundla lexi i xikulu, nikhanela ha Kriste ni hi Kereke.

Ef 5:30

Hikusa hi swiro swa miri yake.

Yohana 14:23

Loko mhunu anirandra, atabekisa ritu dranga, kutani Tatana wanga atamurandra, hitata ku yene, hitrhama na yene.

Yohana 8:50

Anitidjuleli kutwalisiwa; Tatana hi yene lweyi adjulaka kunitwalisa, na swone awaniyavanyisela.

I Yhn 3:24

Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

Va-le-Kolosa 3:11

laha kungaliki na mu-Yuda nambi mugeriki, nambi ku lava vakusoka nambi ku lava vangasokiwangakiki, nambi vali va va-Barbara, kumbe mu-Cita, nambi xa kuva xikarawa, kambe kuntrhunxeka ha Kriste kuhinkwaswu ku hinkwavu.

Va-le-Kolosa 2:10

na n'wine n'wikone ku Yene hi kuhetiseka, hi Yene nhloko mintamu hinkwayu ni vundruna.

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

Ef 3:17

Nakone ni kombela ku Xikwembu Nkulukumba akuva Kriste atrhamisa atimbilwini tenu hi kupfumela, ni kuva n'wisimekiwa swinene n'witrhukutrhela alirandrwini,

Ef 1:6

Hakuva kudrumisiwa kuphatima ka timpswalu leti ahinyikiki tone, hi mahala ku Murandriwa wakwe.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

I Kor 12:12

Hikuva swanga hi leswi a miri wunga wun'we ntsena, nambi leswi wungani swiro swinyingi, na swone swiro hinkwaswu, nambi swili swinyingi, swivumba a miri wun'we ntsena, xileswo, na yene Kriste swi tanu.

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

Rm 8:10

Loko Moya wa Kriste wuli ku n'wine, swoswi a miri mifeli xidohweni, kambe a Moya wuvanyika vutomi hinkonta ya kululama.

Yohana 6:56

Lweyi adaka miri yanga ni kunwa ngati yanga, atrhama ku mine, na mine nitrhama ku yene.

Yohana 17:8

Hikusa a maritu lawa uninyikiki nivanyiki wone; vamayamukelile, kutani vaswitivile leswaku kunene nihumi ku wene, vapfumelile leswaku nirumiwi hi wene.