Yohana 17:24 - Testamente Ledrimpswha ni Mapsalma

²⁴ Tatana! Nirandra leswaku hinkwavu lava uninyikiki vone, vava na mine laha ningakone: akuva vatahlalela kutwala kwanga loku uninyikiki kone, hikusa unirandrile na misava mingasitumbuluka.

Yohana 17:24 Referans Kwoze

Yohana 17:5

Swoswi, nitwalise, we Tatana, amahlweni kwaku hi kutwala loku afaka nili nakone ku wene, na misava mingasiva kone.

Yohana 12:26

Loko mhunu adjula kunitirela, a anilandre, kutani laha ninga kone, na yene nandra wanga atava kone. Loko mhunu anitirela, Tatana atamukomba xitxhavu.

Yohana 14:3

Ni loko nitava ni fambile, nin'wibekiselile mbangu, nitabuya; nitan'witekela ku mine, akuva lomu ninga kone, na n'wine n'witava kone.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

I Yhn 3:2

Varandriwa, swoswi hi vana va Xikwembu Nkulukumba, kambe leswi hitakava xiswone aswinakukombisiwa. Kambe haswitiva leswaku loko Yene ahumelela hita fana na Yene, hikusa hita muvona swanga hileswi anga swone.

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

Mt 25:21

A hosi yake yiku ku yene: I swa hombe, mutiri lweyi munene, wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku.

I Tsl 4:17

Ntrhaku hine hi hanyaka hitawutleliwa matlavini ya le tilweni hi ya tlhangaveta Hosi a mpfhukeni; kun'we navu. Kutani hitava ni Hosi hila kungahelikiki.

Lk 12:37

Makatekile a malandra lawa a n'winyi atakaku abuya, atatamakuma na malavelela. Nihlayelamfuri nili ku n'wine: a n'winyi atatitrimba likhalu a matrhamisisa kudeni, amatirela.

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.

I Kor 13:12

Hikusa swoswi hivona hi xivonivoni, hi liphume; kambe ankameni wolowo, hitavonisisa, liso ni liso; swoswi nitiva hi tlhelo ntsena, kambe ntrhaku nitativisisa swanga hi leswi nitivisiwaka xi swone.

Mt 26:29

Nan'wibyela leswaku kusukela swoswi, ningahanwi mihandru ya nvhinya, kukondra kutlhasa a siku ledri nitakanwa swone na n'wine, na swi swimpswha a Mfun'wini wa Tatana wanga.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Va-le-Filipiya 1:23

Makari ka mintxhumu leyi mibiri ni kamekile, hi tlhelo drin'wana ni navela akuya va na Kriste, leswi swinga hundrisa a kunyoxa;

II Kor 5:8

Kambe, hini kudumba Loku kukulu, hi navela ngopfu kurura amirini, hiya hanya ni Hosi.

Lk 23:43

Yesu aku ku yene: Kunene nili ku wene, namunhla utava na mine a Paradiseni.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Mpfuletelo 21:22

Ku wone anivonanga Tempele, hikusa a Tempele dra wone hi Hosi, Xikwembu Nkulukumba wa ntamu hinkwawu ni Hambana.

Mt 25:23

A hosi yake yiku ku yene: I swa hombe mutiri lweyi munene wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku!

Yohana 6:37

Hinkwaswu leswi Tatana aninyikaka, switata ku mine; kutani lweyi ataka ku mine, ningaka ningamutxukumeti ni siku ni drin'we.

Yohana 6:39

Kutani akurandra ka lweyi anirumiki hi loku; hileswaku ningalahli ni mun'we wa hinkwavu lava aninyikiki vone, kambe nivapfuxa ku lifu vaya vuton'wini hi siku dra vugamu.

Yohana 8:58

Yesu aku ku vone: Hi leswaku na Abrahamu angasinatumbuluka, mine afa nili lweyi ninga yene.

Yohana 15:9

Swanga hi leswi Tatana anirandriki, na mine nin'wirandrile; trhamani a lirandrwini dranga.

Yohana 17:2

swanga hi leswi umunyikiki ntamu henhla ka vhanu hinkwavu, akuva hinkwavu lava umunyikiki vone atavahanana vutomi lebyi byingahelikiki.

Yohana 17:22

Nivanyiki kutwala loku uninyikiki kone, leswaku vava mun'we swanga ha hine hinga mun'we:

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.