Yohana 17:22 - Testamente Ledrimpswha ni Mapsalma

²² Nivanyiki kutwala loku uninyikiki kone, leswaku vava mun'we swanga ha hine hinga mun'we:

Yohana 17:22 Referans Kwoze

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

Yohana 14:20

Hi siku ledro, n'witativa leswaku ni le ku Tatana, na n'wine n'wile ku mine, na mine ni le ku n'wine.

Yohana 1:16

Kutani hi ntalo wa timpswalu takwe, hine hinkweru hiyamukeli timpswalu henhla ka timpswalu.

Ef 2:20

N'wiyentxa yindlu yin'we ntsena, leyinga ni masungulo ya varumiwa ni vahlayi va ritu, ni leyi Yesu Kriste anga ribye dra khumbi.

I Yhn 3:24

Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.

II Kor 6:1

Swanga hi leswi hitirisanaka na yene, ha n'witratriya na kone leswaku n'wingayamukeli mahala a timpswalu ta Xikwembu Nkulukumba.

II Kor 5:20

Hileswo-ke, hivakombisi lava vakhanelaka hikola ka Kriste, swanga hiloko Xikwembu Nkulukumba a tratriya ha hine. Hin'wikombela hinkonta ya Kriste, leswaku n'witibuyelelisa ni Xikwembu Nkulukumba.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Marka 6:7

Kutani avitana lava va khume na vabiri asungula a kuvaruma ha vabiri-vabiri,

I Yhn 1:3

Lexi hi xivoniki, ni lexi hi xiyingeliki, hi lexo hi n'wibyelaka xone, akuva na n'wine n'witlhangana na hine. Na xileswi hitlhanganisiwi kun'we na Tatana, ni N'wanake Yesu Kriste.

Mintiro Ya Vapostola 5:41

A vapostola vahuma, hubyini na vatrhavi ngopfu, hi kuva vakumi mfanelo ya kuxanisiwa hinkonta ya vito dra Yesu.

Yohana 17:24

Tatana! Nirandra leswaku hinkwavu lava uninyikiki vone, vava na mine laha ningakone: akuva vatahlalela kutwala kwanga loku uninyikiki kone, hikusa unirandrile na misava mingasitumbuluka.

Lk 22:30

akuva n'wida, n'winwa atafuleni dranga aNfun'wini wanga; n'witrhama switrhan'wini swa vufumi, n'witrema timhaka ta tinxaka leti ta khume na tibiri ta Israyele.

Mpfuletelo 21:14

A pangu dra muti afa drili ni khume dra masungulo na mabiri, a henhla ka wone afa kutraliwi ku wone khume dra mavito na mabiri ya vapostolo lava khume na vabiri va Hambana.

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

Va-le-Filipiya 1:29

Hikusa hinkonta ya Kriste n'winyikiwile, kunge hi kupfumela ku Yene ntsena, kambe na swone hi kuvaviseka ha Yene;

Rm 8:30

Lava ava hlawuliki, lavo na vone ava vitanile, ni lava avavitaniki na vone avahlayile valulami, ni lava avahlayiki valulami avatwalisile.

I Yhn 4:17

Xileswo a lirandru drihetisekisiwa ku hine, akuva hi siku drakuyavanyisa hitava ni kudumba, swanga hi leswi Yene angaswone, na hine hixiswoswo amisaveni leyi.