Yohana 17:1 - Testamente Ledrimpswha ni Mapsalma

¹ Loko Yesu ahlayi leswo, atlakuxa mahlu, alavisa Tilweni, aku: Tatana, a nkama wutlhasile! Twalisa N'wanaku, akuva na yene N'wana akutwalisa;

Yohana 17:1 Referans Kwoze

Yohana 12:23

Yesu avayangula, aku: Ankama wutlhasile lowu N'wana wa Mhunu ataka twalisiwa ha wone.

Mintiro Ya Vapostola 3:13

Xikwembu Nkulukumba wa Abrahamu, ni wa Yisaki, ni wa Yakobe; Xikwembu Nkulukumba wa vatatana veru adrumisi nandra wakwe Yesu, lweyi n'wine n'wingamunyiketa Pilatu ni kumulandrula amahlweni kwake. Kasi Pilatu afa amuyavanyiseli kutrhunxiwa.

Yohana 7:39

Hikuhlaya swoleswo, Yesu afa adjula kuhlaya leswaku hinkwavu lava vapfumeleka ku yene afa vatayamukela a Moya wa Kuxwenga; hikusa kutlhasa nkameni wolowo afa Moya wungasiva kone, hikusa Yesu afa angasinatlakuxiwa.

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

Yohana 11:4

Loko Yesu ayingeli leswo, aku: A vuvabyi lebyi abyiyisi kufeni, kambe byihumeleli akukomba kutwala ka Xikwembu Nkulukumba, ni leswaku N'wana wa Xikwembu Nkulukumba atwalisiwa ha byone.

Marka 14:41

Loko atlheleli ku vone hi dra vuraru, aku ku vone: N'wahakhutriyela ni kuwisa? Swadringana! A nkama wutlhasile, lowu a N'wana wa Mhunu atakanyiketiwa ha wone a mavokweni ya vadohi.

Yohana 11:41

Kolahu vahanga susa ribye, kutani Yesu atlakuxa mahlu yake, aku: Tatana, nakukhensa, hikusa uniyingelile.

Yohana 8:20

Yesu ahlayi maritu lawa loko ali kari adondrisa a Tempeleni, ambangwini lowu afaka kubekiwa ku wone a swibya swa nhlengo. Kolahu akuvanga na mhunu lweyi angamukhoma, hikusa a nkama wakwe afa wungasinatlhasa.

Yohana 7:30

Kutani vadringisa kumukhoma, kambe akuvangana mhunu lweyi angayisa voko ku yene, hikusa a nkama wakwe afa wungasanganatlhasa.

Yohana 16:32

Vonani, a nkama wata, ni swoswi wutlhasile, lowu n'witakahangalasiwa, mun'wana-ni-mun'wana a tlhelo drakwe, n'winisiya nili vuswanga. Kambe anivuswanga, hikusa Tatana ana mine.

Yohana 13:1

Na nkhuvu wa Paska wungasangava kone, Yesu hi kutiva leswaku a nkama wakwe wa kusuka misaveni, aya ku Tatana, wutlhasile, leswi arandriki vhanu vakwe lana misaveni, avarandriki kuyatlhasa vugan'wini.

Lk 22:53

Afa nina n'wine masiku hinkwawu andlwini ya Hosi, an'wanikhomanga. Swakuva leswi a nkama lowu wunga wo wenu, ni ntamu wa munyama!

Lk 18:13

Kambe lweyi wa muhlengisi ayima kule, angatiyi ni kutlakuxela mahlu yake tilweni, atiba xifuva aku: We Xikwembu Nkulukumba, nidrivalele mine ninga mudohi!