Yohana 16:20 - Testamente Ledrimpswha ni Mapsalma

²⁰ Nihlayelamfuri nili ku n'wine: n'witabongosa n'widrila, kambe misava mitatrhava. N'wine n'witavaviseka kambe kuvaviseka kwenu kutandruluka kutrhava.

Yohana 16:20 Referans Kwoze

Yakobe 1:2

Vamakweru, n'wifanela kuva ni kunyoxa, loko n'wihundra ku mindringo ya kuhambana.

Mt 5:4

Vakatekile lava vadrilaka, hikusa vatamiyetiwa!

II Kor 6:10

hivi lava vaxukuvalisiwaka, kambe hitrhava hi minkama hinkwayu; swanga swisiwana, kambe hifuyisa lava vanyingi; na hinge na ntxhumu, kambe hive ni hinkwaswu.

Marka 16:10

Kutani yene ayivativisa lava afaka vafamba-famba na Yesu, afaka vali kuvavisekeni ngopfu ni le kudrileni.

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,

Lk 24:21

Kambe hine afa hidumba leswaku atava yene lweyi atakavani kutirula Israyele! Kambe kutani i siku dra vuraru na timhaka leti tiyentxekile.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Rm 5:11

Na ange ntsena hinkwaswu leswi; kambe na hine hititwalisa ku Xikwembu Nkulukumba ha Yesu Kriste, Hosi yeru, hikola ka lweyi hikumiki ha Yene akutlhanganisiwa.

Lk 24:17

Yesu ahangaku ku vone: I maritu muni lawa n'wivutisanaka ha wone, la ndleleni na n'wihlunamile?

Lk 23:27

A vunyingi lebyi byikulu bya tiko ni bya vavasati afa byi mulandra byitiba swifuva, byimudrilela.

Mpfuletelo 18:7

Swanga hi leswi yene ha vuswake ati twalisiki ni kuhanya ku leswi swimunyoxisaka nyameni, muyentxani hi mpimu wa kufana, akuxaniseka ni nkosi, hikusa yene atikutxa aku: ni trhami xiluvelweni swanga mufumi wa xisati, ali ni nsati wa mufelwa, nambi nkosi ningati wu vona!

Mpfuletelo 11:10

Kutani a vayaki va le misaveni vatrhava hi kola ka tone, vatrhavisisa, varumelana ni swinyiko van'we ku van'wana, hikusa a vaprofeta lava vabiri vaxanisi lava yakiki amisaveni.

Mintiro Ya Vapostola 5:41

A vapostola vahuma, hubyini na vatrhavi ngopfu, hi kuva vakumi mfanelo ya kuxanisiwa hinkonta ya vito dra Yesu.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Yohana 16:6

Kambe leswi nin'wibyeliki leswo, a kuvaviseka kukone a timbilwini tenu.

Lk 22:62

Ahanga huma handle adrila hi xiviti

Lk 22:45

Atiki asekeleka kukhongoteni kwake ata ku vadondrisiwa vakwe, avakuma vakhutriyelile hi xiviti.

Lk 6:21

N'wikatekile n'wine n'wingani ndlala swoswi, hikusa n'witaxurisiwa. N'wikatekile n'wine n'widrilaka swoswi, hikusa n'witahleka.

Marka 14:72

Hi nomu lo a nkuku wuyimba ka vubiri. Petrosi ahangadrimuka a maritu ya Yesu lawa yaku: A nkuku wungasinayimba utava unilandruli kuraru. Kutani atlhaveka, adrila.

I Tsl 1:6

N'wine n'wiyentxeliwi vayetisi veru ni Hosi, n'wiyamukela Ritu ahlomulweni lowu wukulu, hi kutrhava loku pfaka ku Moya wa Kuxwenga,

Yohana 20:20

Loko ahlayi leswo, avakomba mandla yake ni reve drakwe. A vadondrisiwa vanyoxa ngopfu hi kuvona Yesu.

Mt 21:38

Kambe a vadrimi loko vamuvona vabyelana vaku: Lweyi hi yene mudi-wa-pfindla! Ahimudlayeni, a pfindla drakwe dritava dreru.