Yohana 15:24 - Testamente Ledrimpswha ni Mapsalma

²⁴ Loko afa ningatiranga amahlweni kwavu, a mintiro leyi mun'wana mhunu angamitirikiki, afa vangativana xihono. Kambe vamivonile mintiro, vatlhela vavenga mine na Tatana.

Yohana 15:24 Referans Kwoze

Yohana 14:9

Yesu aku ku yene: Nitrhami na n'wine nkama wunyingi, kutani awusinitiva, Filipi? Lweyi anivoniki, avoni Tatana. Kutani uhlaya ha yini uku: Hikombe Tatana?

Yohana 5:36

Kambe mine nini vumboni lebyi byitlulaka bya Yohana. Hikusa a mintiro leyi Tatana aninyikiki leswaku nimihetisisa, minga yo mintiro leyi nimiyentxaka, hi yone leyi minihambelaka vumboni bya leswaku nirumiwi hi Tatana.

Yohana 10:37

Loko leswi niswiyentxaka minge mintiro ya Tatana wanga, n'wingatxhuki n'wipfumela ku mine!

Yohana 10:32

Yesu aku ku vone: Hi kuyingiseta Tatana wanga niyentxi mintiro leya kutala ya kuxonga, leyi mipfaka ku Tatana. Xana hi wini ku yone, a ntiro lowu n'winikhandlelaka wone xana?

Yohana 9:32

Kusukela akusunguleni ka misava akungiyingeliwa ni siku ni drin'we leswaku mhunu asama apfula mahlu amun'wana mhunu lweyi apswaliwiki na afi mahlu.

Yohana 7:31

Lava vavanyingi amakari ka xitrhungu vapfumela ku yene, vaku: Xana loko Kriste atata, atayentxa mahlolana lawa matlulaka lawa mayentxiwaka hi mhunu lweyi xana?

Yohana 3:2

Ayi ku Yesu ni vusiku, atlhasa aku: Mudondrisi, haswitiva leswaku u mudondrisi lweyi apfaka ku Xikwembu Nkulukumba, hikusa akuna mhunu lweyi angayentxaka mahlolana lawa umayentxaka, loko Xikwembu Nkulukumba ange na yene.

Mt 9:33

Loko Yesu ahlongoli demoni, kutani lweyi afaka ali mbheveve asungula kukhanela. A vhanu vahlamala ngopfu vaku: Ahingivona swanga hi leswi a Israyeleni!

Yakobe 4:4

Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

II Tmt 3:4

avawongi, avahlundruki, lava vatikukumuxaka, lava varandraka kutitrhavisa vangarandrikiki Xikwembu Nkulukumba,

Rm 1:30

Vahlevi ni valumbeti, ni vavengi va Xikwembu Nkulukumba, vakulebya, vatikulisi, vatikukumuxi, vatisi va madrimi ni lava kuka vangayingeli vapswali.

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Mintiro Ya Vapostola 2:22

Petrosi aya mahlweni aku: Vavanuna va Israyele yingisetani a maritu lawa: Yesu wa Nazarete, wanuna lweyi angakombisiwa hi Xikwembu Nkulukumba ku n'wine, hi mintiro ya ntamu, ni mahlolana ni swikombiso, leswi Xikwembu Nkulukumba aswiyentxiki ha Yene amakari kwenu, swanga hi leswi n'wiswitivaka na n'wine;

Yohana 12:45

Ni lweyi anivonaka, avona lweyi anirumiki.

Yohana 6:36

Kambe nin'wibyeli khale leswaku, nambi leswi n'winivoniki, an'wipfumeli.

Lk 24:19

Aku ku vone: Hi leswakuyini xana? Vaku ku yene: Aswa Yesu wa le Nazarete, lweyi afaka ali muprofeta wa ntamu, akutireni ni le kudondriseni, amahlweni ka Xikwembu Nkulukumba ni le ku tiko hinkwadru.

Marka 2:12

A mhunu lweyi wa mbabyi ahanga pfuka, ahatla atlakula vunanu, ahuma mahlweni ka hinkwavu, lakakuva vahlamala hinkwavu. Vatwalisa Xikwembu Nkulukumba, vaku: Ahingiswivona swanga hi leswi!

Mt 21:32

Hikusa Yohana ati ku n'wine hi ndlela ya vululami, kambe an'wipfumelanga ku yene. Kambe a vahlengisi ni vavasati va vumbuye vapfumelile. N'wine kambe nambi leswi n'wiswivoniki, an'windrulukanga akuva n'wipfumela ku yene.

Mt 11:5

Lava vakufa-mahlu vavona, a swilema swafamba, a va nhlokonho vabasisiwa, a vakufa-tindleve vayingela, a vafi vapfuxiwa, a swisiwana switivisiwa a Ivangeli.

Yohana 12:10

A varangeli va vaprista vatrimba makungu ya kudlaya naye Lazaro,

Yohana 9:41

Yesu aku ku vone: Loko afa n'wi va kufa mahlu, afa n'wingativana nandru; kambe swoswi, leswi n'wiliki: Havona, hi kone n'wingani nandru.

Yohana 15:21

Kambe vatan'wiyentxa hinkwaswu leswo hinkonta ya vito dranga, hikusa avativi lweyi anirumiki.

Yohana 15:22

Loko afa ningatanga nitatavulavula navu, ana vangena xihono; kambe swoswi avana leswi vangatilandrulaka ha swone hinkonta ya xihono xavu.

Yohana 15:23

Lweyi anivengaka, avenga ni Tatana wanga.

Yohana 16:9

A xihono, hikuva avapfumelanga ku mine;