Yohana 15:16 - Testamente Ledrimpswha ni Mapsalma

¹⁶ Ahi n'wine n'winihlawuliki; kambe hi mine nin'wihlawuliki, nin'wibekiki akuva n'wiya n'wibeka mihandru, ni mihandru yenu miva leyi mitrhamiki; akuva nambi n'wikombela yini na yini ku Tatana hi vito dranga, atan'winyika.

Yohana 15:16 Referans Kwoze

Yohana 15:19

Loko afa n'wi va misava, ana misava mirandri swa yone; kambe leswi n'wingeke va misava, ni leswi nin'wihlawuliki makari ka yone; hikolahu a misava man'wivenga.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Lk 6:13

Byitiki byaxa, avitana vadondrisiwa vakwe, ahlawula makari kwavu khume na vabiri, avatxhula vapostola. Anga lava:

Gl 1:15

Kambe loko lweyi anganihlawula na ningasina pswaliwa, anivitanile hi timpswalu;

I Yhn 4:19

Hine hini lirandru hileswi Yene ahirandriki kusunguleni.

Mintiro Ya Vapostola 22:14

Kolahu yene aku: Xikwembu Nkulukumba wa vatatana veru akuhlawuleli kuva utiva kurandra kwake, uva uvona Mululami wakwe ni kuva uyingela a ritu dra nomo wakwe.

II Tmt 2:2

Ni leswi uswiyingeliki ku mine amahlweni ka timboni letinyingi, swibeke ku vhanu lava kudumbeka, akuva vatadondrisa van'wana.

Yohana 13:18

Anihlayi n'wine hinkwenu; navativa lava nivahlawuliki; kambe hileswaku a tralwa drihetiseka, ledri dringaku: Lweyi adaka na mine kati, anitlakuxeli xirendre.

Yohana 6:70

Yesu avayangula aku: Xana ahi mine ningan'wihlawula, n'wine lava va khume na vabiri? Kasi mun'we ku n'wine i Diyavulosi

I Ptr 3:15

kambe xwengisani Kriste, swanga Hosi, atimbilwini tenu, n'witrhama na n'witibekiselile minkama hinkwayu a kutiyangulela ku mani-na-mani lweyi atakatxhuka an'wivutisa xa ntxhumu mayelano ni kulavisela loko kunga ku n'wine;

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

Mintiro Ya Vapostola 1:24

Kutani vakhongota vaku: Hosi, wene utivaka a mbilu ya mun'wana-ni-mun'wana, hikombe ku lava vabiri, lweyi umuhlawuliki,

I Ptr 3:2

hi kuvona a mahanyela yenu lawa mabasiki, ni xitxhavu xenu.

Rm 15:4

Kutani hinkwaswu leswinga kone Matralweni ya Kuhlawuleka switraliwi kuva ndondriso yeru, leswaku hikulehisa mbilu, ni kutiyisiwa hi matralwa, hiva ni kulavisela.

Mintiro Ya Vapostola 9:15

Kambe Hosi yiku ku Ananiya: Famba, hikusa yelweyo, ku mine i xibya xa kuhlawuliwa, xitakatwalisa a vito dranga amahlweni ka va-Matiko, ni ka vafumi, ni ka vana va Israyele.

Mt 21:22

Ke, hinkwaswu leswi n'witakaswikombela hi kukhongota na n'wikholwa, n'witaswiyamukela.

II Tmt 1:11

leyi ni bekiwiki kuva mureri ni mupostola, ni mudondrisi wa yone.

I Kor 10:11

A mintxhumu leyi mivahumelelile swanga swikombiso, kutani mitraliwile akuva mihikhwavela; hine hikumiwiki hi vugamu bya minkama.

Rm 9:21

Hikusa amuyentxi wa vumba ani mfanelo ya kuyentxa ha drone leswi aswirandraka. Awaswikota muvumbi kuhamba swibya swa lisima ni swin'wana swakuka swinge swalisima.

Yakobe 3:18

Lavisani, a mihandru ya kululama mipfa hi kurula, ku lava vayentxaka kurula.

Va-Heberu 11:4

Hikupfumela Abele a humexeli Xikwembu Nkulukumba a mhamba leyi yitlulaka ya Kayini. Hikola kaleswo, a bekeliwile vumboni bya leswaku i mululami, Xikwembu Nkulukumba a mubekela vumboni bya minhlengo yake, hinkonta ya kupfumela loku, aha vulavula nambi a file.

Tito 1:5

Leswi nikusiyeliki swone a Kreta hileswaku ululamisa leswi swisaliki, ni kubeka a vakulu-va-kereke amitaneni hinkwayu swanga hi leswi nikuleletisiki xiswone:

Va-le-Kolosa 1:6

yitlhasiki ku n'wine ni le misaveni hinkwayu; yibeka mihandru na mikula swanga hileswi swihumeleliki makari kwenu, kusukela ku siku ledri n'witiviki timpswalu ta Xikwembu Nkulukumba hi xihlayelamfuri.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Mintiro Ya Vapostola 10:41

kunge mahlweni ka tiko hinkwadru, kambe kuva ku timboni leti tihlawuliwiki khale hi Xikwembu Nkulukumba, anga hine lava hingada ni kunwa na Yene, antrhaku ka kupfuka kwake ku lava va kufa.

I Tmt 2:7

vumboni lebyi mine nibekiwiki swanga mureri, ni mupostola wa byone, nihlayelamfuri, anihembi, mine ni mudondrisi wa va-Matiko akupfumeleni ni le xihlayelamfurini.

Va-le-Kolosa 1:23

Loko kunene, n'witrhamile kupfumeleni, n'wisimekiwa n'witiya, n'winga titrhindreti kule ni kulavisela ka Ivangeli, leyi n'wiyiyingeliki yihlayiwa ku vhanu hinkwavu vahansi ka misava, leyi mine Pawulosi, ni ndrulukiki murumiwa wa yone.

Rm 1:13

Anirandri mfuri vamakweru, leswaku n'wikohla leswaku ha kanyingi niyentxi makungu ya kun'wiyendrela, akuva na kone nikuma mihandru swanga hi leswi swiyentxekaka makari ka van'wana.

Mintiro Ya Vapostola 1:8

Ke, n'witanyikiwa ntamu loko a Moya wa Kuxwenga wutava wuxikeli ku n'wine, kutani n'witava timboni tanga la Yerusalema, ni le tikweni hinkwadru dra Yudeya, ni le Samariya, ni kuyatlhasa avugan'wini bya misava.

Mt 7:7

Kombelani, n'witanyikiwa; djulani, n'witaswikuma; gongondrani, n'witapfuleliwa.

Yohana 15:5

Hi mine nsinya wa vhinya, n'wine n'wi tinkambu. Lweyi atrhamaka ku mine, swanga hi leswi na mine nitrhamaka ku yene, abeka mihandru yakutala; hikusa ahandle kwanga n'wingaka n'wingakoti kuyentxa ntxhumu.