Yohana 15:12 - Testamente Ledrimpswha ni Mapsalma

¹² A nawu wanga hi lowu: Hi leswaku n'wirandranana, swanga hi leswi na mine nin'wirandriki.

Yohana 15:12 Referans Kwoze

I Yhn 4:21

Ke, hini leleto ledri hisiyeliwiki ha Yene, ledri draku: lweyi arandraka Xikwembu Nkulukumba na kone afanela akurandra makwavu.

Yohana 13:34

Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani!

I Ptr 4:8

A henhla ka hinkwaswu, randrananani ngopfu van'we ku van'wana, hikusa a lirandru drifukumeta a vunyingi bya swidoho;

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

Rm 12:10

Randranani hivuxaka, n'wisiya-siyana hiku yentxelana xihluwa.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

I Ptr 3:8

Hi vugamu, vanani va mayanakanyela man'we, n'wili va kutretrelela, n'wini lirandru dra xikwavu, n'wivani vumbilu ni kutitrongohata,

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Tsl 4:9

Ku leswi faneliki hi talirandru ku vamakwenu kupfumeleni, a swahafanekeli kun'witralela ntxhumu, hikuva n'wifambisiwa hi Xikwembu Nkulukumba kuko n'wirandrana van'we ni van'wana;

I Tsl 3:12

A Hosi yinga yengetela ni kuyentxa lirandru drenu drikula ku van'we ni kuva van'wana ni kuhinkwavu. Swanga hi leswi na hine hin'wirandraka.

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

Yohana 15:17

Leswi nin'wileletaka swone hileswaku n'wirandrana!

II Yhn 1:5

Swoswi ke, nkosikazi na kukombela, na kunge swanga hi loko ni kutralela leleto ledri drimpswha, loko kunge ledri hi dri yamukeliki kusukela kusunguleni: leswaku hi randrana van'we ku van'wana.